Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÀfaꞋa 6:5 - Mundani

5 Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

အခန်းကိုကြည့်ပါ။ ကော်ပီ




ÀfaꞋa 6:5
24 ပူးပေါင်းရင်းမြစ်များ  

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ̀ wu àghɨa kà wu yùà la! Bɨ̀a ngɨ̀ bɨ ntu̧ mèdzî, ntsè èlaꞋ mbɨ̀Ꞌɨ̀ bɨ̀ wuê e ghɨ̌ ka wuê wòt wemɔ̀Ꞌ naa kùŋe a Mbɔ̧ɔ̧mà ane wɨ̧ ne alu̧. Bɨ̀ bɔ bɨ̀ ghɨ̀ ale, bɨ tsoke a ŋut kwat tè tà mè mbɨɨ tê ntsiꞋi èwe tàa bɨ̌ nyi a èwet Satàn a mbì lɨ̧ la.


Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.


Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.


AfɨꞋa chɔsì wu a Jèlusalèm la e zə ànəê yaa la, bɔ tsɔꞋɔ a Bànabasì ntu̧ a Antìɔ̀k.


Bànabasì li ngu wòt ntsɔ̧̀ tà taꞋa zì èntɨ̧ɨ̧ vi ane Yesò la, Fo Kèfə mè ntàꞋa lu̧u̧ a èntɨ̧ɨ̧ tò tè tà ghɨ̀ bòt nyaŋ e taꞋa zi mɔb ne mèntɨ̧ɨ̧ ane Yesò mɨ̧̂.


Tà ye atò, ta nɨ atò nkɨ̀Ꞌɨ̂ a Antìɔ̀k. Ane èngùꞋebȩ ngaa ègème, bɔ̀ɔ̀ wu babe la e me fàꞋà nɔ̂ nè bòt chɔsì mè nyɨ̀Ꞌta mènəè Yesò abua ènɔ̧̂ bòt. È li ndɔ̀Ꞌ ngu a Antìɔ̀k və bɔ li mbɨ̀ ntɔ bɔkatè Yesò nê wu Bèklɨtèn la.


ÀfɨꞋa mbɔŋ wu àfɨꞋa bèndàꞋàtɔŋ Mbɔ̧ɔ̧mà ko e li ndɔ̀Ꞌ a Jèlusalèm nchu nga a Antìɔ̀k la.


BèndàꞋàtɔŋ nè bènyɨꞋtà èngǎ̧ Mbɔ̧ɔ̧mà e li ngu ayɔɔ bòt chɔsì bu àpfəèà nɨ̧ yu è wu Antìɔ̀k la. Bòt ngaa li ngu Bànabasì, nè Simiòn (wu bɔ̀ le wua ntɔ̀ atò nê wòt kèfen la), nè Lusiɔ̀s (wu tà lè dzəa àpfəè yu è wu Silenè la), nè Manèn (wu tà li ntsə àpfəa fɔ̧̀ Elɔ̀d la), nè Sɔ̂l.


AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.


AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.


ÈtsəꞋ e tsi, ba lɔ̀Ꞌ nga a àpfəè yu è wu Sìsalìà la, me tseke a lob Filìb kǒ tà lè wu wòt tàa ntsɔ̀tà Ntu̧ Ntsɔ̧̀ Yesò la. Filìb mbɔŋ li ngu wòt kǒ ane bòt bu basà̧à̧mbe bɔ̀ le lɔꞋɔ ndàà àwɔb a Jèlusalèm la.


È li mè ngu àfɨꞋa bɔ bùŋà wɔ̀fàꞋ wê Stifèn la, e ngu abot è mbɨ̧̀ɨ̧̀nè nê bɔ̀ bùŋe atò, tè bòt e sɔ̀tè mèmà̧ mɔb ŋa e mbèa ka bɔ me bùŋe atò.’


Fo Mbɔ̧ɔ̧mà li ŋǎ a Stifèn èyì, tè tà ghɨ̀ tà laꞋa, bòt bu è ka tsi nkoê ntsɔ̀Ꞌɔ èngǎ̧ tò.


È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.


Stifèn li ngu wòt Mbɔ̧ɔ̧mà tàꞋa lɔ̀ɔ̀le atò mè ntàꞋa ŋa atò mètàŋ tà nɨŋ ngɨ̀ tèwuute ènəê kà ye fɨ̀Ꞌ bɔ̂ ngɨŋa ènəê nɨŋ nyɨ̀Ꞌte mètàŋ Mbɔ̧ɔ̧mà a kètsìà bòt la.


Àtsəa bèntsìà mèpɨ̧̀ Mbɔ̧ɔ̧mà a biite a Stifèn nê tè mènəè maa bɔ shua la wu nkûŋ?


Bɨ bɔ bòt ko ayɔɔ yɨ̧ mɨ̧̂ bɔ̀ɔ ngɨ̀à èbɨꞋte èghɨ bu Nìkòlatàn nàa nyɨ̀Ꞌta la.


Ka àghɨ aà yeamɔꞋ màa kɔ̀ŋkà wɨ̧ adù̧ la. Bɨà mpààbà èbɨꞋte èghɨ bu bòt bu bɔ̀ɔ nkuŋa Nìkòlatàn la, àa ngɨ̀à la, mbɨ̀Ꞌɨ̀ mmɔ̌ mbɔŋ màa mpààbà la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ