ÀfaꞋa 6:3 - Mundani

³ È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

ÀfaꞋa 6:3 ပူးပေါင်းရင်းမြစ်များ

Matìù 23:8

“Ka è me wu awɨ̧, bɨ̀ ka mbɨ̧̀ɨ̧̀ne bòt e me tɔ awɨ̧ ane bènyɨꞋtà, nkàà nê bɨ̀agème bɨ wu bɔnyɨ, mè mbɔ nyɨꞋtà wuê wemɔ̀Ꞌ.

Jɔ̌n 21:23

Èngà̧ waa Yesò shu la e bùà a kètsìà bɔnyɨ bu nê, tà laꞋnê wakatè waa ka li tsi epfəa, mbɔ̂ me làꞋ ale, Yesò kà lem nê, wakatè mbɔŋ ka li epfəa. Tà li shu wuê nê, “E kɔ̀ŋkà nê tà tseke yû̧ tè è ndi nkɨ̀Ꞌɨ̂, àyê adù̧ wu ghà à?”

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 1:21

Mbɨ̀Ꞌɨ̀ àa anè la, wòt kǒ bɔ̂ ndɨ tàa nyi ayɔɔ aya mbɨ̀Ꞌɨ̀ me shu abua bòt mɨ̧̂ ànəa ye ye mè nko nê Yesò Lefɨ̀Ꞌ yu̧u̧me la. Ŋut bɔ̂ ndɨ tàa wu wòt ane bòt bu bɔ li ngu ayɔɔ aya àfɨꞋa ba Yesò Lefɨ̀Ꞌ ba e li ngua ngȩ̀ȩ̀nà nɔ̂ la. Tà bɔ ndɨ tàa wu wòt tà li ngu ayɔɔ aya e bùꞋu àfɨ̀Ꞌ yu Jɔ̌n li ngua ntsɔ̀tà Ntu̧ Ntsɔ̧̀ Mbɔ̧ɔ̧mà, mè ndzìà bòt a èdzî la, eghǎ wu àfɨ̀Ꞌ yu Mbɔ̧ɔ̧mà li nɨ a Yesò abua ya nga a ègwet la.”

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 16:2

Bɔnyɨ ba bu a Lislà nè Èkonìòm la e li ntàꞋa wua ndàꞋà mènəè ntsɔ̧̀ ane Tɔ̀màtià mbɔŋ.

ÀfaꞋa 2:4

AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.

ÀfaꞋa 22:12

“Wòt kǒ li ngu abàꞋ və èlen tò wu Ànàniàs la, mbɔ̂ ngu wòt Mbɔ̧ɔ̧mà, me kùŋe mbɨ̧ ta. Bèjuê bàgème bèa ntsèka a Dàmaskɔ̀s la e mè ntàꞋa wua nguꞋta atò.

ÀfaꞋa 28:14

Bà nyi abàꞋ və, ba ye bɔnyɨ ba ko bɔ shu abua ya nê, ba tò ba è tseke ane èli besà̧à̧mbe. Eyaa wu ndɨ ba li ngɨ̀ tè nyi a Luêm la.

ÀfaꞋa 6:2

Mbɨ̀Ꞌɨ̀ èngà̧ waa e dzəè a si la, bɔntu̧ bu èghem ntsɔ̀b babe la, e tɔ bɔkatè Yesò bu bàgème adzìꞋ yeamɔꞋ, shu abua yɔb nê, “E ntsě ànəa ntsɔ̧̀ nê bà sa àfàꞋa màndaꞋa èngǎ̧ Mbɔ̧ɔ̧mà me zə wuê ànəa màngabta èghɨ.

ÀfaꞋa 6:5

Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

ÀfaꞋa 6:6

Bɔ làa ale nkɔ̀ke àwɔb a mbì bɔntu̧ bu, bɔ nɔ̀ŋè èbu bɔb adù̧ yɔb, ntsàꞋte a Mbɔ̧ɔ̧mà àtsə ayɔb.

ÀfaꞋa 9:30

ÀfɨꞋa bɔnyɨ bu e zə nê, bɔɔ̀ nkɨ ebùŋe a Sɔ̂l la, bɔ nɨ atò nchu nga a Sìsalìà, ntsàà nê tà me ghǎ a Tasɔ̀s.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

1 Kɔlìn 16:3

Bɨ̀ ghɨ̀ ale, mbɨ̀Ꞌɨ̀ è nkɨꞋɨ, e shɨ èkatè ŋǎ abua bòt bɨ làà la bɔ nɨ ne èbɨ̧ ne èghɨ nga a Jèlusalèm.

Efesɔ̀s 5:18

Bɨ̀ ka tsi mbè mèlùꞋ, è wù àghɨa àa ngɨ̀à bɨ ghɨ̀à mènəè mbɨ̀Ꞌɨ̀ èkèghɨ̧̀ la, ka bɨ̀ tsiꞋ Fo Mbɔ̧ɔ̧mà lu̧u̧ a mèntɨ̧ɨ̧ mɨ̧.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Jimsì 1:17

Àghɨa ntsɔ̧̀ àgème nè àghɨ àgème a ghe la àa ndzəèà nè ègwet abua Tǎt wa Mbɔ̧ɔ̧mà wu tà ghɨ mèkàꞋà mu a ègwet la. Ka tòà zìambɔŋ nàà kà kùbtê, tà kà mèe ngua ngèbla mbɨ̀Ꞌɨ̀ mèkàꞋà mbɔŋ àfɨꞋa ko e ghɨ̌ ndzěm naa kwene.

3 Jɔ̌n 1:12

È wu a Dèmetulùs, ko waa waa nàà ndàꞋà ntsɔ̧̀ adù̧ tò. Mènəè tò mè me nyɨꞋte nê wu nkûŋ. Bàa mbɔŋ e ye mɨ̧̂ mè me shu nê tàà ngɨa ntsɔ̧̀, à mè nko nê baa kà laꞋa mèfà̧.