ÀfaꞋa 6:14 - Mundani

¹⁴ Ba li ndzə tà me shu nê Yesò wòt Nazàlet naa li tsòkè lob nɨ̧ Mbɔ̧ɔ̧mà a Jèlusalèm, e mě kubte mènəè mu Musì li ntsaa abua ya la.”

ÀfaꞋa 6:14 ပူးပေါင်းရင်းမြစ်များ

Matìù 26:61

nê, mbalù̧ yaa li nê, ye bɔ mètàŋ ebùù lob nɨ̧ Mbɔ̧ɔ̧mà, naa me wu ane èlibȩ betat ye mèe vəèəè.

Ntu̧ Ntsɔ̧̀ MAK 14:58

“Ba li ndzə tà nê yea bùù lob nɨ̧ Mbɔ̧ɔ̧mà yaa bɔbȩ e bɔ̧ la, naa mě me wu ane èli betat yea bɔ̧ ye tsǎ ka wu bɔbȩ bɔ bɔ̧ɔ̧ la.”

Lûk 21:24

Bɔɔ li kɨ̧ɨ̧me bòt ko, mbà̧à̧ èbeko ane èbùꞋ nɨŋ nga èlaꞋ tsa tsa. Naa li ngu àfɨꞋa mbɔŋ bòt kà wu Bèjuê e tɔ̀Ꞌtè a Jèlusalèm ndàŋkè a si, tè àfɨꞋa mètàŋ bèŋût nàa li mǐ la a kùꞋ.”

Lûk 21:6

“Àfɨ̀Ꞌ aa li me wu, ka wuê èti lemɔꞋ ane àti yàa bɨ yea la è ka tsi ngu àdziꞋa zi. Bɔɔ li bùu yùà etsàa a si.”

Jɔ̌n 2:19

Yesò shu abua yɔb nê “Bɨ̀ bùù lob yaa ndzè na nàa me wu ane èlibȩ betat e kɔkè yùà tè è kɔꞋ ntɨ̧̂ la.”

Jɔ̌n 4:21

Yesò shuê abua tò nê “Àvi wa, bɨ̧ɨ̧ne ànəa e shua la, nkàà nê àfɨ̀Ꞌ aa nkɨ̀Ꞌa kà bòt e wu tsi me wùꞋte Mbɔ̧ɔ̧mà a ègwet èbȩ la, kò a Jèlusalèm leꞋ.

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 21:21

Bòt ko e shu awa nê, àà ngȩ̀ȩ̀nà shua abua Bèjuê bu bèa ntsèka ayɔɔ bòt kà wu Bèjuê la nê, bɔ̀ ka tsi nkùŋè mbɨ̧te Musì, bɔ̀ ka tsi nàŋe bɔ̧ bɔb, bɔ̀ ka tsi nkùŋè mènəè ndɨ̧ Bèjuê.

ÀfaꞋa 25:8

Ka Pɔ̂l è fàà àvi abua yɔb nê, “E mbakà ghɨ ànəa kàbɔ̀ŋ ako ane mbɨ̧te Bèjuê. È nka ghɨ̀ ànəa kàbɔ̀ŋ ako ane lob nɨ̧ Mbɔ̧ɔ̧mà a Jèlusalèm. È nka fà̧ ànəê abua empelɔ̀ wu a Luêm la.”

ÀfaꞋa 26:3

Àyaa wu kwàꞋ nkûŋ ndɨ̀ wu à chɨɨmè nèètè nko ndɨ Bèjuê àa ngɨ̀à mènəè mɔb la, nè mènəè bɔ̀ɔ nkaana adù̧ mbɨ̧ tɔb la. E ngu anè shù̧ù̧ta awê nê, à nyaꞋa mbuŋ njùtê èngǎ̧ am.

ÀfaꞋa 28:17

Èli e li ntsè betat, Pɔ̂l è tɔ bɔɔjuŋ Bèjuê bu a Luêm la nê, bɔ̀ kɨꞋɨ bɔ̂ tò ba e mua. ÀfɨꞋa bɔ bù̧ù̧tè la, Pɔ̂l è shu abua yɔb nê, “Bɔnyɨ bɔ̧, e ngu wɔ̀tèfȩ bɔ li mbà̧aã am a Jèlusalèm ndzi a tèkitebu bòt Luêm la. Bɔ batè me baã am ale è nka ghɨ̀ ànəê àko ane bòt ba, è nka laꞋa kàbɔ̀ŋ ane ndɨ bɔ̀ɔ ntsèka mbɨ̀Ꞌɨ̀ bètǎt nyaꞋ ba e li sa abua ya la.

Gàlashìà 3:19

Mbɨ̀Ꞌɨ̀ àa anè la, àfaꞋa mbɨ̧tsə mèe ngu ghà à? Mbɔ̧ɔ̧mà li ŋa mbɨ̧tsə e nɨ nyɨꞋte awa àghɨa kàbɔ̀ŋ wu yùà la tè tea tsiꞋi lìa àfɨꞋa waã wu Mbɔ̧ɔ̧mà li nkàꞋ ànəê yu abua tò la è kɨꞋɨ la. Bɔntu̧ Mbɔ̧ɔ̧mà e li ntsè ane wòt tà tɨ̧ a kètsìà la ŋa mbɨ̧te mbɔŋ abua bɔbȩ.

Gàlashìà 3:23

Àfɨ̀Ꞌ yu ba li mbɔ̌ ndɨ bàa zì mèntɨ̧ɨ̧ ma ane Yesò la a li mbèle kà zìꞋ nkɨ̀Ꞌɨ̂, ba wu a èten mbɨ̧tsə bɔ kȩ̀ awa mbɨ̀Ꞌɨ̀ bòt tèfȩ la. A li mbɔ̌ ndɨ àa wu ale te eghǎ wu àfɨꞋa Mbɔ̧ɔ̧mà naa ghaꞋte àghɨ aya ndɨ bàa zì mèntɨ̧ɨ̧ ma ane Yesò la.