ÀfaꞋa 6:1 - Mundani

¹ Àfɨ̀Ꞌ àko a tsè, bɔkatè Yesò e me kwèꞋne, àyɔ̀ŋ a dzə a kètsìà Bèjuê bu bèa ndàꞋà wuê ndɨ̧ Glɨ̂k la, nè Bèjuê bu è wù bèlèkɔꞋasi la. Èbu bèa ndàꞋà wuê ndɨ̧ Glɨ̂k la e me tsoo nê, bɔ̀ɔ ngɨ̀ bɔ̀ me ghàbtè èghɨ àli àgème bɔ̀ ka ŋa be bènempfə bɔb.

ÀfaꞋa 6:1 ပူးပေါင်းရင်းမြစ်များ

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 11:26

Tà ye atò, ta nɨ atò nkɨ̀Ꞌɨ̂ a Antìɔ̀k. Ane èngùꞋebȩ ngaa ègème, bɔ̀ɔ̀ wu babe la e me fàꞋà nɔ̂ nè bòt chɔsì mè nyɨ̀Ꞌta mènəè Yesò abua ènɔ̧̂ bòt. È li ndɔ̀Ꞌ ngu a Antìɔ̀k və bɔ li mbɨ̀ ntɔ bɔkatè Yesò nê wu Bèklɨtèn la.

ÀfaꞋa 11:29

Bɔkatè Yesò bu e làŋkè nê waa waa ane yɔb chùbtè àghɨa ye bɔ la, bɔ tsaa nɨŋ ntɨ̀ŋe bɔnyɨ bɔb bu a Jùdià la.

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

ÀfaꞋa 2:45

Wòt wɔb nàa ngɨ̀ tà me kɨ̀ŋke àghɨ, èbeko nè bòt e fɨ̧̀ɨ̧̀nè èghɨ bɔb, ngàbtè èkab wu abua bèŋût.

ÀfaꞋa 2:47

Bɔ li ngua nguꞋta a Mbɔ̧ɔ̧mà tè waa waa ye nê bɔ wu bòt ntsɔ̧̀. Tè Yesò li ngua nkwèꞋnà bòt tà ŋa wɔb ngule mèmpème la ane yɔb àli àgème.

ÀfaꞋa 4:35

nkɨ̀Ꞌɨ̂ nɔ̀ŋè a èten èbèm bɔntu̧ Yesò bu. Bɔntu̧ bu e ghàbtè èkab mbɔŋ abua waa waa mbɨ̀Ꞌɨ̀ tàa nkɨ̀ŋkà la.

ÀfaꞋa 4:4

Ka bòt nyaŋ bɔ zə èngǎ̧ Pità bɔ̂ Jɔ̌n la, e zì mèntɨ̧ɨ̧ mɔb ane Yesò. Bòt bɔ zì mèntɨ̧ɨ̧ mɔb ane Yesò la e li nkwèꞋnè tè bɔ tsiꞋi mbɔ̀ŋè bètɔsì batà̧â̧.

ÀfaꞋa 5:14

Ka àfɨ̀Ꞌ a tsekè me wu, mbâ̧tsə nè bèzi e taꞋa zì mèntɨ̧ɨ̧ mɔb ane Tǎt wa, tè nkwèꞋnê ènɔ̧̂ bòt bu.

ÀfaꞋa 5:28

Nê, “Ba li bà ka səèŋkè ètû̧ bɨ̧ nê bɨ̀ ka tsi ndàꞋà èngà̧ ane èlen mbê waa à? Bɨ ye àghɨa bɨ ghɨ̀ la à? Bɨ ghɨ̀ èngǎ̧ wɨ̧ e saŋe a Jèlusalèm ègème tè waa waa zə. Bɨ kɨ zì èvə tò àtsəa ya à?”

ÀfaꞋa 6:2

Mbɨ̀Ꞌɨ̀ èngà̧ waa e dzəè a si la, bɔntu̧ bu èghem ntsɔ̀b babe la, e tɔ bɔkatè Yesò bu bàgème adzìꞋ yeamɔꞋ, shu abua yɔb nê, “E ntsě ànəa ntsɔ̧̀ nê bà sa àfàꞋa màndaꞋa èngǎ̧ Mbɔ̧ɔ̧mà me zə wuê ànəa màngabta èghɨ.

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

ÀfaꞋa 9:29

Tà ghɨ̀ tà làꞋa, tà me kààne bɔ̂ Bèjuê bu bèa ndàꞋà wuê a Glɨ̂k la, ka bɔ bɔ me kɨ wuê atò ebùŋe.

ÀfaꞋa 9:39

Pità bê ndɔ̀Ꞌ a si ngà bɔ̂ tò ba. AfɨꞋa tà tà nyi abot la, bɔ nɨ atò nkɔꞋ ngà àtsəa lob a ègwet yu bɔ̀ le nɔŋa mpfəà wu a èbèm la. Bènempfə be li ntaꞋa kɨꞋɨ̀ ngààle atò abot, me dɨ̀a nyɨ̀Ꞌta atò ndìte èten tɔb bɔ̂ te ègwet, è wù te Dɔkàs wu le ghɨ àfɨꞋa tà bele ka pfə la.

ÀfaꞋa 9:41

Pità tsàà àbu azi ntɨ̀ŋe atò, tà lɔ̀Ꞌɔ a si. Tà tɔ bòt Mbɔ̧ɔ̧mà nè bènempfə bu ŋa atò tà yu̧u̧me la abua yɔb.

Lûm 12:7

È wu a màfaꞋa abua bòt ko, tà fàꞋ, è wu mànyɨꞋta, tà nyɨ̀Ꞌtê.

1 Kɔlìn 10:10

Bɨ̀ ka mè me lème a tèbèm tɨ̧ mbɨ̀Ꞌɨ̀ àbəèꞋ àyɔb ako a li ngɨ̀, wantu̧ Mbɔ̧ɔ̧mà wu tàa bùŋà bòt la, bùŋè àwɔb la.

2 Kɔlìn 11:22

Bɨ̀ zə! Bɔ me shu nê bɔ wu bèlèkɔꞋasi bòt Ebùlù, ko e ngu àyaã wekǒ mɨ̧̂, me shu nê bɔ wu bòt Izəèlȩê, ko e ngu àyaã wekǒ mɨ̧̂, mè me shu nê bɔ wu bòt àndǎ̧ Abàlàghâm, ko e ngu àyaã wekǒ mɨ̧̂.

Filìpȩ 3:5

Bɔ li mbi am, è me wu kwàꞋ ane èli befà̧aã bɔ naŋe am. E ngu wòt Izəèlȩê mâ dzə àndǎ̧ Benjamèn la. E ngu wòt Ebùlù ane èbâ ègème. È wu nè, mànɔŋa mbɨ̧te Bèjuê, ko e ndi ngua ngɨ̀à mènəè mbɨ̀Ꞌɨ̀ Bèfalèsiì.

1 Tɔ̀màtià 5:3

Me baãaã bènempfə bu bɔ̀ wu ndâ bènempfə la ntsɔ̧̀.

1 Tɔ̀màtià 5:9

Nempfə bele kà tse èngùꞋ èghem yentùa, à ka shɨ̀ èlen tò ayɔɔ ète bènempfə bu bɔ bɔ ndɨ bɔ̀ɔ me tɨŋe awɔb la. À me shɨ èlen nempfə, à mè ndze nê, tà li me yɔꞋɔ wuê lu̧ wemɔ̀Ꞌ,

Ebùlù 13:1

Bɨ̀ me kɔ̀ŋkè bɔnyɨ bɨ̧ bu è wu bòt Yesò la nɨa ngà wuê nè mbì.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

Jimsì 4:5

Kò bɨ mɨɨtè nê Àkata Mbɔ̧ɔ̧mà a làꞋà mèfà̧ à? A laꞋ nê “Fo yu Mbɔ̧ɔ̧mà zi a mèntɨ̧ɨ̧ ma la nàà kà bê nkɨ laꞋ nê àghɨa ko tsa à nyi a mèntɨ̧ɨ̧ ma.”

Jimsì 5:9

Bɔnyɨ bɔ̧, bɨ̀ ka me lèmtè bɔnyɨ bɨ̧ mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ kwen. Tòà wu tàa sàꞋa la, è kɨꞋɨ tê ntsìꞋi a ètsələèꞋ.