ÀfaꞋa 5:34 - Mundani

³⁴ Ka wòt Falèsiì kǒ ane yɔb, èlen tò wû Gàmalìà, tàa nyɨ̀Ꞌta mbɨ̧te Musì, bɔ mè ntaꞋa wua nkùkta atò la, lɔ̀Ꞌɔ a si a kètsìà èsaꞋa wu, ŋȩ nê, bɔ̀ nɨ bɔntu̧ bu nga àbȩ.

ÀfaꞋa 5:34 ပူးပေါင်းရင်းမြစ်များ

Lûk 2:46

Èlibȩ è tsè betat, ka bɔ ye atò a èbem lob nɨ̧ Mbɔ̧ɔ̧mà, a kètsìà bènyɨꞋtà Bèjuê tà tsekè me yute a lèmù wɔb mè mbììta awɔb mèngà̧ la.

Lûk 5:17

È li ngu ane àli ako Yesò me nyɨꞋte èngǎ̧ Mbɔ̧ɔ̧mà, Bèfalèsiì bɔ̂ bènyɨꞋtà mbɨ̧te Musì, bɔ dzə a tèpfəte àlaꞋ Galìlî nè Jùdià bɔ̂ Jèlusalèm la e wu abot; mètàŋ Mbɔ̧ɔ̧mà wu ane Yesò tà nɨ̀a mbəa bòt àghɔ̧.

Jɔ̌n 3:10

Yesò bììte atò nê, “Àa ngɨ̀ à wu nyɨꞋtà kèkweele ayɔɔ bòt Izəèlȩê, à kà ko ànəê ya à?

ÀfaꞋa 22:3

Nê “E ngu wòt Juê bɔ bi am Tasɔ̀s àbâ àlaꞋ a Sìlisìà la. Mbɔ̂ e ndi ntsə a Jèlusalèm ŋaa mbɨ̀Ꞌɨ̀ wakatè Gàmalìà. Bɔ li nèètè nyɨ̀Ꞌte am ndɨ màa me kùŋe mbɨ̧te bètǎt nyaꞋ ba la. E mè ŋà ènyit yaã abua Mbɔ̧ɔ̧mà wuê mbɨ̀Ꞌɨ̀ bɨ̀agème wàà bɨ tɨ̧ɨ̧ a si ŋàa laane la.

ÀfaꞋa 4:15

Bɔ tsiꞋi shu abua yɔb nê, bɔ̀ dzəa à lob èsaꞋa yu nga àbȩ. Bɔ dzəè tê bɔ ghǎ, bòt èsaꞋa bu e bùꞋ me kwàꞋte ànəa ngaa a kètsìà wɔb.

ÀfaꞋa 5:21

Bɔntu̧ bu e zə ànəa wantu̧ Mbɔ̧ɔ̧mà wu è shu la, ètsəꞋ e tsi, bɔ ghà a èbem lob nɨ̧ Mbɔ̧ɔ̧mà a Jèlusalèm, mbùꞋ me làꞋa èngǎ̧ tò wu. Àtsəa bèntsìà mèpɨ̧̀ Mbɔ̧ɔ̧mà bɔ̂ bòt bi e tɔ bɔɔjuŋ Bèjuê nê bɔ̀ kɨꞋɨ, bɔ̀ɔ wu bɔ̀ wu bòt èsaꞋa la è tseke a si, nkwàꞋtè àghɨa bɔ̀ɔ ghɨ̌ ane bɔntu̧ bu la. Bɔ kɨꞋɨ tê bɔ tseke a si, bɔ tsàà bòt ko nê bɔ̀ gha ngɨ̀ bɔ̀ tsì bɔntu̧ bu a lob fȩ̀ nɨŋ nkɨ̀Ꞌɨ̂.

ÀfaꞋa 5:27

Bèmbaabà bu e ghɨ̀ ale, nɨ bɔntu̧ bu nkɨ̀Ꞌɨ̂ ntsia awɔb a mbì èsaꞋa wu, àtsəa bèntsìà mèpɨ̧̀ Mbɔ̧ɔ̧mà a ŋȩte awɔb.

ÀfaꞋa 5:35

Mbɔ̂ shu abua bòt èsaꞋa wu nê, “Bòt Izəèlȩê, bɨ̀ nɨ àfɨ̀Ꞌ àyɨ̧ ane àghɨa bɨ kɨ ghɨ̌ ane bòt baa la.