ÀfaꞋa 5:32 - Mundani

³² Ba Fo Kèfə ba e ye, mè nkoê mènəê maa. Mbɔ̧ɔ̧mà è tsàa Fo zi yaa abua bòt bu bɔ̀ɔ ndzəèa tò la.”

ÀfaꞋa 5:32 ပူးပေါင်းရင်းမြစ်များ

Jɔ̌n 7:39

Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

ÀfaꞋa 10:44

Pità bela ndàꞋà ale, Fo Kèfə nyi ane bòt bu bɔ̀ wua njùtâ ntu̧ yu tà tsɔ̀tà la.

ÀfaꞋa 13:31

tà nyɨ̀Ꞌte avi ane èli nyaŋ bua bòt bu bɔ̂ tò ba e li ngȩȩne a Galìlî nga a Jèlusalèm la. Bòt ngaa ka bɔ̀ɔ shua bòt Izəèlȩê àghɨa bɔ̀ le ye mè nkoê ane Yesò la.

ÀfaꞋa 15:28

Ba Fo Kèfə ba e kwaꞋtè nê, bà ka nɔ̀ŋè àbòꞋà ko tsa àtsə ayɨ̧, kà wu mbɨ̧ tàa wòt Yesò ègème e bɔ̂ ndɨ tàa me nɔ̀ŋè la.

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

ÀfaꞋa 2:4

AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.

ÀfaꞋa 5:29

Pità bɔ̂ bɔntu̧ ko bu e bɨ̀ɨ̀lè nê, “Ba bɔ̂ ndɨ bàa ghɨ ànəa Mbɔ̧ɔ̧mà shu la. BetsiꞋa bà ka sa àyea tò, ngɨ̀ wuê àyea wɔ̀bȩ̂.

Lûm 8:16

È wu Fo Mbɔ̧ɔ̧mà èfɔte ne àghɨa àa mèntɨ̧ɨ̧ ma la, shua nê ba wu bɔ̧ Mbɔ̧ɔ̧mà la.

2 Kɔlìn 13:1

Eyaa wu ngò̧ tetat màa nkɨ mě kɨꞋɨ eye awɨ̧ la. E nkɨ̀Ꞌà, bɔ nɨa ànəa kàbɔ̀ŋ wòt ghɨ̀ la nɨŋ nkɨ̀Ꞌɨ̂ abua am, ko maa nyi a èbèm na bòt babe kò batat leꞋ e me ghà ne mbì e shua nê bɔ li ndze ndɨ ŋut ghɨa àghɨa ngaa la.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.