ÀfaꞋa 5:21 - Mundani

²¹ Bɔntu̧ bu e zə ànəa wantu̧ Mbɔ̧ɔ̧mà wu è shu la, ètsəꞋ e tsi, bɔ ghà a èbem lob nɨ̧ Mbɔ̧ɔ̧mà a Jèlusalèm, mbùꞋ me làꞋa èngǎ̧ tò wu. Àtsəa bèntsìà mèpɨ̧̀ Mbɔ̧ɔ̧mà bɔ̂ bòt bi e tɔ bɔɔjuŋ Bèjuê nê bɔ̀ kɨꞋɨ, bɔ̀ɔ wu bɔ̀ wu bòt èsaꞋa la è tseke a si, nkwàꞋtè àghɨa bɔ̀ɔ ghɨ̌ ane bɔntu̧ bu la. Bɔ kɨꞋɨ tê bɔ tseke a si, bɔ tsàà bòt ko nê bɔ̀ gha ngɨ̀ bɔ̀ tsì bɔntu̧ bu a lob fȩ̀ nɨŋ nkɨ̀Ꞌɨ̂.

ÀfaꞋa 5:21 ပူးပေါင်းရင်းမြစ်များ

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Lûk 22:66

ÈtsəꞋ e me tsi, bɔɔjuŋ Bèjuê, nè bètǎt bèntsìà mèpɨ̧̀ Mbɔ̧ɔ̧mà nè bènyɨꞋtà mbɨ̧te Musì, e nyi a lob, bɔ nɨ a Yesò nkɨ̀Ꞌɨ̂ bɔɔ saꞋa atò.

Jɔ̌n 18:35

Pȩlèt bɨ̀ɨ̀lè nê, “E ngu wòt Juê?” Bòt àlaꞋ ayê, nè bètǎt bèntsìà mèpɨ̧̀ Mbɔ̧ɔ̧mà ka bɔ zi awê a tèkitebu taã la. “Ànəa à ghɨ̀ la wu ghà à?”

Jɔ̌n 8:2

ÈtsəꞋ e tseke tè ntsi, tà kua akwèn ngwènè àsà̧aã lob nɨ̧ Mbɔ̧ɔ̧mà, bòt bu bàgème e kɨꞋɨ̀ mbù̧ù̧te a ngèt tò, tà tseke a si me nyɨꞋte awɔb mènəè.

ÀfaꞋa 22:15

Tà ghɨ̀ ale, mbɨ̀Ꞌɨ̀ aa li me shu a waa waa àghɨa à ye mè nko ane tò la.

ÀfaꞋa 22:5

Bɨ biitè àtsəa bèntsìà mèpɨ̧̀ Mbɔ̧ɔ̧mà, bɔ̂ bòt lob èsaꞋa, ko bɔɔ shu awɨ̧ nê e ndàꞋà nkûŋ. Bɔ li ŋà mèkatè abua am nê, è nga ŋa abua Bèjuê bu è wu bòt Yesò a Dàmaskɔ̀s la. Ale, e nchu nga abàꞋ və ebaãaã bòt Yesò bu ekuule awɔb ane fȩtsə enɨ ewène a Jèlusalèm bɔɔ ŋa awɔb ngoꞋ.”

ÀfaꞋa 5:17

ÀfɨꞋa mbɔŋ àtsəa bèntsìà mèpɨ̧̀ Mbɔ̧ɔ̧mà nè bèshu̧ bi bu be li ngu a ènɔ̧̂ Bèsadùsiì la, e me ghòꞋnè bɔntu̧ Yesò bu tè nê bɔ ghɨ ànəê.

ÀfaꞋa 5:27

Bèmbaabà bu e ghɨ̀ ale, nɨ bɔntu̧ bu nkɨ̀Ꞌɨ̂ ntsia awɔb a mbì èsaꞋa wu, àtsəa bèntsìà mèpɨ̧̀ Mbɔ̧ɔ̧mà a ŋȩte awɔb.

ÀfaꞋa 5:34

Ka wòt Falèsiì kǒ ane yɔb, èlen tò wû Gàmalìà, tàa nyɨ̀Ꞌta mbɨ̧te Musì, bɔ mè ntaꞋa wua nkùkta atò la, lɔ̀Ꞌɔ a si a kètsìà èsaꞋa wu, ŋȩ nê, bɔ̀ nɨ bɔntu̧ bu nga àbȩ.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.