ÀfaꞋa 4:30 - Mundani

³⁰ Sà̧à̧mè àbu ayê mbəâ bòt, è ŋà àwa mètàŋ bà nɨ èlen Ngule Waã wè Yesò nɨŋ ngɨ̀ ngɨŋa mènəè nè tèwuute ènəê kà ye fɨ̀Ꞌ.”

ÀfaꞋa 4:30 ပူးပေါင်းရင်းမြစ်များ

Jɔ̌n 4:48

Tà làꞋ ale Yesò shuê abua tò nê “Bɨa anè ngu bòt bɔ bakà ye am ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la, nè ngɨŋa mènəè, wòt ane yɨ̧ ka zî èntɨ̧ɨ̧ vi ane yaã la.”

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

ÀfaꞋa 2:43

Mbɔ̧ɔ̧mà li ngɨ̀ bɔntu̧ Yesò bu e taꞋa ghɨ̀ ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte mètàŋ tò. Wòt ègème tà ye àghɨa a ghɨ̀ la, è taꞋa bɔa.

ÀfaꞋa 3:13

Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

ÀfaꞋa 3:16

Wu mètàŋ èlen Yesò ka e ghɨ̂ èka mbê waa e lɔ̀Ꞌtè la. Mbê waa bɨ ye atò a si ŋàa mè nko atò ntsɔ̧̀ la, è pem nkàà èntɨ̧ɨ̧ tò tà zi ane Yesò la, mbɨ̀Ꞌɨ̀ bɨ̀ambɔŋ bɨ ye la.

ÀfaꞋa 3:6

Ka Pità shu abua tò nê, “E mbàkà bɔ èkab, ka maa ŋa wê àghɨa mâ bɔ la. Ane èlen Yesò Klistò wòt Nazàlet, mâ shu abua yê nê, lɔ̀Ꞌɔ a si me ghȩ̀ȩ̀ne.”

ÀfaꞋa 4:10

Ka, bɨ bòt Izəèlȩê bàgème è ko nê, wu ane èlen Yesò Klistò wòt Nazàlet ka tà ghɨ̂ mbê waa kwèèlê ntsɔ̧̀ tè ntɨ̧ɨ̧ a mbì lɨ̧ anè la. Wu tòà wu bɨ li ngù̧ù̧te atò a mbɨ̧̀ mbasa tà pfə, ka Mbɔ̧ɔ̧mà yù̧ù̧me atò la.

ÀfaꞋa 4:27

Ane nkûŋ, Fɔ̧̀ Elɔ̀d bɔ̂ Pontìùs Pȩlèt nè bòt kà wu Bèjuê e li ngɨ̀ tè mbù̧ù̧tè àpfəèà nɨ̧ ŋàa, bɔ̂ bòt Izəèlȩê nê, bɔ kɨ etsɔꞋɔ Ngule Waã wè wu è wu Fɔ̧̀ wu à li ndzɔꞋ ntsà la.

ÀfaꞋa 5:12

Bɔntu̧ Yesò bu e li ntàꞋa ghɨ̀ tèwuute ènəê kà ye fɨ̀Ꞌ nɨŋ nyɨ̀Ꞌte mètàŋ Mbɔ̧ɔ̧mà, mè ngɨ̀ ngɨŋa ènəê a kètsìà bòt. Bòt bu bɔ zì mèntɨ̧ɨ̧ mɔb ane Yesò la, e li ngua mbù̧ù̧tà ane ènɔ̧̂ wemɔꞋ adzìꞋ yu a mbì lob nɨ̧ Mbɔ̧ɔ̧mà a Jèlusalèm bɔ̀ le wua ntɔ nê wu ètsələèꞋ Fɔ̧̀ Sàlemun la.

ÀfaꞋa 6:8

Stifèn li ngu wòt Mbɔ̧ɔ̧mà tàꞋa lɔ̀ɔ̀le atò mè ntàꞋa ŋa atò mètàŋ tà nɨŋ ngɨ̀ tèwuute ènəê kà ye fɨ̀Ꞌ bɔ̂ ngɨŋa ènəê nɨŋ nyɨ̀Ꞌte mètàŋ Mbɔ̧ɔ̧mà a kètsìà bòt la.