ÀfaꞋa 4:19 - Mundani

¹⁹ Ka Pità bɔ̂ Jɔ̌n e shu abua yɔb nê, “Bɨ̀a mbɔŋ bɨ̀ kwàꞋta nê àyea ŋa àa mbɔ̀ a mbì Mbɔ̧ɔ̧mà à? Wu màndzəa abua yɨ̧, kò màndzəa abua Mbɔ̧ɔ̧mà à?

ÀfaꞋa 4:19 ပူးပေါင်းရင်းမြစ်များ

Matìù 22:21

Bɔ bɨ̀ɨ̀lè nê “Àtsəa Sisà.” Ale, Yesò shu abua yɔb nê “Bɨ̀ ŋa àghɨa è wu àyea Sisà la abua tò, ŋà àghɨa è wù àyea Mbɔ̧ɔ̧mà la abua Mbɔ̧ɔ̧mà.”

Lûk 22:8

Yesò tu̧u̧ a Pità bɔ̂ Jɔ̌n nê, “Bɨ̀ ghǎ ntàŋke èghɨjɨ èpǎ̧ Màntsea a ègwet, bà kɨꞋɨ njɨ.”

Jɔ̌n 7:24

Bɨ̀ ka me saꞋa èghɨ bòt àa ngɨ̀à la wuê ane àghɨa bɨ ye la, bɨ me saꞋa ànəê, bɨ kɨ nkûŋ nàa adù̧ la ka saꞋ.”

ÀfaꞋa 4:13

Bòt èsaꞋa bu e ye ndɨ Pità bɔ̂ Jɔ̌n e làꞋà kà bɔ̀â la, ànəa ngaa a bê ntsè àwɔb. A ghɨ̀ ale, mè ntsè àwɔb ezə nê Pità bɔ̂ Jɔ̌n wu bòt kànəè, kà lèm ndi me ghǎ àkatè. AfɨꞋa mbɔŋ bɔ ko nê Pità bɔ̂ Jɔ̌n e li ngua ngȩ̀ȩ̀nà bɔ̂ Yesò ba.

ÀfaꞋa 5:28

Nê, “Ba li bà ka səèŋkè ètû̧ bɨ̧ nê bɨ̀ ka tsi ndàꞋà èngà̧ ane èlen mbê waa à? Bɨ ye àghɨa bɨ ghɨ̀ la à? Bɨ ghɨ̀ èngǎ̧ wɨ̧ e saŋe a Jèlusalèm ègème tè waa waa zə. Bɨ kɨ zì èvə tò àtsəa ya à?”

ÀfaꞋa 5:29

Pità bɔ̂ bɔntu̧ ko bu e bɨ̀ɨ̀lè nê, “Ba bɔ̂ ndɨ bàa ghɨ ànəa Mbɔ̧ɔ̧mà shu la. BetsiꞋa bà ka sa àyea tò, ngɨ̀ wuê àyea wɔ̀bȩ̂.

1 Kɔlìn 10:15

E ngua ndaꞋa abua yɨ̧ mbɨ̀Ꞌɨ̀ e ndaꞋa abua bòt èyì. Bɨ̀ kwàꞋtà àyɨ̧ ndze ànəa e shuà la.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

Efesɔ̀s 6:1

Bɔ̧, ndɨ̀ wu bɨ̀ wu bòt Tè Yesò la, bɨ̀ me zə bètǎt bɨ̧ bɔ̂ bènyɨ̌ bɨ̧, nkàà nê wu àghɨa bɨ bɔ ndɨ bɨ̀a me ghɨ̀ la.

1 Tɔ̀màtià 2:3

Àyaa aà mbɔ̀ a Mbɔ̧ɔ̧mà wu tà wu Mpemnà wa la,

Ebùlù 11:23

Èntɨ̧ɨ̧ wu bètǎt Musì e li ndzì ane Mbɔ̧ɔ̧mà la e li ngɨ̀ bɔ bi atò ndò̧ atò ane èŋu yetat, nkàà nê bɔ li ndze nê tàà mbɔ̀, bɔ̀ ka meè ngua mbɔ̀ɔ etu̧u̧ ànəa fɔ̧̀ shu la.

Jimsì 2:4

Bɨ ghɨ̀ ale, ko aa wua nyɨ̀Ꞌta nê, bɨa mbà̧à̧ta bòt a kètsìà wɨ̧ ndȩ̀à mèsi, mè sàꞋa bòt ane èlɨ kàbɔ̀ŋ.