ÀfaꞋa 4:12 - Mundani

¹² Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

ÀfaꞋa 4:12 ပူးပေါင်းရင်းမြစ်များ

Matìù 1:21

Taa bi wambâ̧ bɨa tsì èlen tò nê Yesò, nkàà nê taa li tsǐ bòt bi a èbem mènəè kàbɔ̀ŋ mɔb e ghɨ̌ bɔɔ peme.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 3:36

Wòt tà zǐ èntɨ̧ɨ̧ vi ane Waã Mbɔ̧ɔ̧mà la è bɔ mèmpème kàlìà, è we tà tu̧ ezǐ èntɨ̧ɨ̧ vi ane tò la ka wu li ebɔ mèmpème, mbɔ̂ ntsǒ Mbɔ̧ɔ̧mà kà wu li elìa, è bele àtsəa tò è nɔ̀ŋkè la.

ÀfaꞋa 13:26

“Bɔnyɨ bɔ̧, bòt àndǎ̧ Abàlàghâm, nè bòt kà wu Bèjuê a si ŋàa bɔ̀ɔ nguꞋta a Mbɔ̧ɔ̧mà la, bɨ̀ zə. Ntu̧ mèmpème kàlìà yaa wu abua ya.

ÀfaꞋa 2:5

Bèjuê è le wuê a Jèlusalèm, bòt bɔ̀ɔ̀ nkùkta Mbɔ̧ɔ̧mà bɔ dzəa èlaꞋ ègème a ngɔ̀ŋ ŋaa la.

1 Kɔlìn 3:11

Nkàà nê Mbɔ̧ɔ̧mà tsia Yesò Klistò ane àtetsi tè ndɔ̀Ꞌ. Ale, àtetsia tsa à ka tsi nguê.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.