ÀfaꞋa 3:6 - Mundani

⁶ Ka Pità shu abua tò nê, “E mbàkà bɔ èkab, ka maa ŋa wê àghɨa mâ bɔ la. Ane èlen Yesò Klistò wòt Nazàlet, mâ shu abua yê nê, lɔ̀Ꞌɔ a si me ghȩ̀ȩ̀ne.”

ÀfaꞋa 3:6 ပူးပေါင်းရင်းမြစ်များ

Matìù 10:9

Bɨa me ghǎ, bɨ̀ ka mbèà goêl, kò silbà, ka wuê kapà a èbem ntaꞋ tɨ̧.

Matìù 7:22

Naa li ngu ane àlia mbɔŋ bòt nyaŋ e shu abua am nê ‘Tê, tè bà le kaꞋ a wua nɨ̀a èlen lê ndàꞋà èngǎ̧ Mbɔ̧ɔ̧mà, nɨ̀a èlen lê fəèà fote kàbɔ̀ŋ, mè nɨ̀a èlen lê ngɨ̀à tèwuute ènəê kà ye fɨ̀Ꞌ?’

Ntu̧ Ntsɔ̧̀ MAK 14:8

Àvi wàa è ghɨ̀ àghɨa tàa ko ghɨ̀ la. ÀfɨꞋa bɔ̀ɔ tu am la a bele ka zìꞋ nkùꞋ tà bê ndzì mèwet ane yaã nɨŋ ntaŋkè ndɨ bɔ̀ɔ li tu am la.

Ntu̧ Ntsɔ̧̀ MAK 16:17

Bòt bu bɔ bɨ̧ɨ̧ne la aa bɔ èlȩê baa: Bɔɔ nga me enɨ èlen laã fəèà fote kàbɔ̀ŋ, mè ndàꞋà èwuu ndɨ̧te ko tsa tsa.

Jɔ̌n 19:19

Pȩlèt shɨ èngà̧ ko ane kèba àyɨt bɔ wu̧u̧te àtsəa mbasa wu, e me shu nê, “Yesò wòt Nazàlet, Fɔ̧̀ Bèjuê.”

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 16:18

Tà ghɨ̀ ale, tà me zia shua wuê èngà̧ waa, tè è li ngu ane àli ako, ntɨ̧ɨ̧ Pɔ̂l e bɨ. Tà ghèble avi, shu abua fo kàbɔ̀ŋ yu nê, “Ane èlen Yesò Klistò, mâ shu awê nê, sà waàvi wàa a si, ndù.” Fo kàbɔ̀ŋ yu bê sà waàvi wu kwàꞋ àfɨꞋa mbɔŋ.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 3:16

Wu mètàŋ èlen Yesò ka e ghɨ̂ èka mbê waa e lɔ̀Ꞌtè la. Mbê waa bɨ ye atò a si ŋàa mè nko atò ntsɔ̧̀ la, è pem nkàà èntɨ̧ɨ̧ tò tà zi ane Yesò la, mbɨ̀Ꞌɨ̀ bɨ̀ambɔŋ bɨ ye la.

ÀfaꞋa 3:5

Ale, tà tsìte àghɨ azi ane yɔb me chɨ̀Ꞌɨ nê bɔ̀ɔ ŋa àghɨ abua zi.

ÀfaꞋa 3:7

Tà shu ale, mbɔ̂ ntsàà àbu azi mbà̧aã àbualu̧ atò, ndɔ̀kè atò tà lɔꞋɔ a si. KwàꞋ àfɨꞋa mbɔŋ, èka tò e bê nkwèèlê fɔ̀ɔ̀lè nê mbɔ̀ɔ̀latsə.

ÀfaꞋa 4:10

Ka, bɨ bòt Izəèlȩê bàgème è ko nê, wu ane èlen Yesò Klistò wòt Nazàlet ka tà ghɨ̂ mbê waa kwèèlê ntsɔ̧̀ tè ntɨ̧ɨ̧ a mbì lɨ̧ anè la. Wu tòà wu bɨ li ngù̧ù̧te atò a mbɨ̧̀ mbasa tà pfə, ka Mbɔ̧ɔ̧mà yù̧ù̧me atò la.

ÀfaꞋa 4:7

Mbɨ̀Ꞌɨ̀ bɔ bù̧ù̧te a si la, bɔ tsia bɔntu̧ Yesò bu a mbì lɔb mbɔ̂ mbììte awɔb nê, “Bɨ ghɨ̀ na ka èka mbê wàa e lɔ̀Ꞌtè à? Bɨ bɔ kǎ mètàŋ à? Bɨ ghɨ̌ ane èlen wàà?”

ÀfaꞋa 9:34

Pità shu abua tò nê, “Enìàs, mâ shu awê nê Yesò Klistò naa ghɨ̌ awê aa peme àfɨ̀Ꞌ yaa. È wu ale, lɔ̀Ꞌɔ a si nkààle a matà wê nɨŋ me ghǎ.” Mbɨ̀Ꞌɨ̀ tà shu ale la, ŋut bê ndɔ̀Ꞌ a si.

1 Kɔlìn 4:11

E kɨꞋɨ dzəâ àfɨ̀Ꞌ yaa bàa ntsèka kà jɨ àghɨ àtɔŋ ya a mè me yu̧; Baa kwaãaã wuê è ntɔ̀Ꞌte ndǐ; bòt e lene awa, baa me ghaãaã ntsèka ntsèà tsě,

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

2 Kɔlìn 8:12

Bɨ ŋa nè èntɨ̧ɨ̧ wemɔꞋ ko Mbɔ̧ɔ̧mà naa nɨ nkàà nê, tàà nɨa àghɨ abua wòt ndɨ àbu ŋut a nyɨꞋte la. Mbɔ̧ɔ̧mà nàà ka shu laꞋ nê wòt ŋa àghɨ kà bɔŋ.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Pità 4:10

Mbɔ̧ɔ̧mà ŋa èyì a màngɨa èghɨ tsa tsa abua waa waa ane yɨ̧. È wu ale, wòt ègème me ghɨ̀ àzi ne àfàꞋ mbɨ̀Ꞌɨ̀ tà faꞋa abua Mbɔ̧ɔ̧mà, nɨ̀a ntɨ̀ŋa bòt ko.