ÀfaꞋa 3:25 - Mundani25 Mbɔ̧ɔ̧mà li ngɨ̀ bèndàꞋàtɔŋ bi e kàꞋà mènəè abua yɨ̧. Tà li ngɨ̀ mènkàꞋa kèkweelè bɔ̂ bètǎt nyaꞋ bɨ̧ nkàà àwɨ̧. Tà li shu abua Abàlàghâm nê, ‘Maa li tsě ane bòt àndà̧ yê elɔ̀ɔ̀le bòt sitsǎꞋ bàgème.’ အခန်းကိုကြည့်ပါ။ |
Mbɔ̧ɔ̧mà li nkàꞋa Abàlàghâm nè wòt ègème bɔ̀ɔ̀ li bi atò àndǎ̧ tò la, nê ngɔ̀ŋ naa wu yɔb, mbɔ̂ ngɨ̀ mbɨ̀Ꞌɨ̀ tà shu la, ka tà kà wua ngɨ̀à nkàà nê Abàlàghâm li ngua nɔ̀ŋà mbɨ̧. Tà li ngɨ̀ ale nkàà nê Abàlàghâm li ndzì èntɨ̧ɨ̧ vi ane tò, Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.
Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.
Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.