ÀfaꞋa 3:16 - Mundani

¹⁶ Wu mètàŋ èlen Yesò ka e ghɨ̂ èka mbê waa e lɔ̀Ꞌtè la. Mbê waa bɨ ye atò a si ŋàa mè nko atò ntsɔ̧̀ la, è pem nkàà èntɨ̧ɨ̧ tò tà zi ane Yesò la, mbɨ̀Ꞌɨ̀ bɨ̀ambɔŋ bɨ ye la.

ÀfaꞋa 3:16 ပူးပေါင်းရင်းမြစ်များ

Matìù 14:29

Yesò shu abua tò nê, “KɨꞋɨ.” Ale, Pità dzə a èbem ànkànuꞋ yu mbùꞋ me ghȩ̀ȩ̀ne a ègwet mèleb mu eghǎ kwene ane tò.

Matìù 9:22

Yesò ghèble avi ndzè atò mbɔ̂ nê “Waã am, ka ngwàꞋ ndo̧o̧na, èntɨ̧ɨ̧ wu à zi ane yaã la, e ghɨ̂ à pem.” KwàꞋ àfɨꞋa mbɔŋ àvi wu bê nkwèèlê.

Jɔ̌n 14:12

Ane nkûŋ, tsiꞋ è shua wɨ̧ nê, wòt tà zǐ èntɨ̧ɨ̧ vi ane yaã la naa me ghɨ̀ mènəè maa e ngɨ̀à la mɨ̧̂, e meè ghɨ̌ fɔɔle me è tsě màa la, nkàà nê e tsiꞋa nga ekwene ane tǎt am.

Jɔ̌n 7:23

Tè bɨ wu naŋe waã ane àliapfəè, bɨ̀a mbɔ̀a mbɨ̀Ꞌɨ̀ ka bɨ pààtè mbɨ̧ Musì la, mmɔ̌ mbɔŋ è ngɨa wòt pem nenkèm ane àlia mbɔŋ bɨ wua ntsòa ane yaã ne ghàà?

ÀfaꞋa 14:9

È li ngu ane àli ako tà wu a si tà tsekè me yute Ntu̧ Ntsɔ̧̀ yu Pɔ̂l tsɔ̀tà la. Pɔ̂l ye nê, betsiꞋa tà zì èntɨ̧ɨ̧ vi ane Yesò tè tà bə atò. Ale, tà tsìte àghɨ azi ane tò,

ÀfaꞋa 16:18

Tà ghɨ̀ ale, tà me zia shua wuê èngà̧ waa, tè è li ngu ane àli ako, ntɨ̧ɨ̧ Pɔ̂l e bɨ. Tà ghèble avi, shu abua fo kàbɔ̀ŋ yu nê, “Ane èlen Yesò Klistò, mâ shu awê nê, sà waàvi wàa a si, ndù.” Fo kàbɔ̀ŋ yu bê sà waàvi wu kwàꞋ àfɨꞋa mbɔŋ.

ÀfaꞋa 3:6

Ka Pità shu abua tò nê, “E mbàkà bɔ èkab, ka maa ŋa wê àghɨa mâ bɔ la. Ane èlen Yesò Klistò wòt Nazàlet, mâ shu abua yê nê, lɔ̀Ꞌɔ a si me ghȩ̀ȩ̀ne.”

ÀfaꞋa 3:8

Tà kȩ ndɔ̀Ꞌ ntɨ̧ àtatsi, mbùꞋ me ghȩ̀ȩ̀ne. Bɔ̂ tò ba e gha a èbem lob nɨ̧ Mbɔ̧ɔ̧mà a Jèlusalèm, tà me ghȩ̀ȩ̀ne nkȩta nguꞋta a Mbɔ̧ɔ̧mà.

ÀfaꞋa 4:10

Ka, bɨ bòt Izəèlȩê bàgème è ko nê, wu ane èlen Yesò Klistò wòt Nazàlet ka tà ghɨ̂ mbê waa kwèèlê ntsɔ̧̀ tè ntɨ̧ɨ̧ a mbì lɨ̧ anè la. Wu tòà wu bɨ li ngù̧ù̧te atò a mbɨ̧̀ mbasa tà pfə, ka Mbɔ̧ɔ̧mà yù̧ù̧me atò la.

ÀfaꞋa 4:30

Sà̧à̧mè àbu ayê mbəâ bòt, è ŋà àwa mètàŋ bà nɨ èlen Ngule Waã wè Yesò nɨŋ ngɨ̀ ngɨŋa mènəè nè tèwuute ènəê kà ye fɨ̀Ꞌ.”

ÀfaꞋa 4:7

Mbɨ̀Ꞌɨ̀ bɔ bù̧ù̧te a si la, bɔ tsia bɔntu̧ Yesò bu a mbì lɔb mbɔ̂ mbììte awɔb nê, “Bɨ ghɨ̀ na ka èka mbê wàa e lɔ̀Ꞌtè à? Bɨ bɔ kǎ mètàŋ à? Bɨ ghɨ̌ ane èlen wàà?”

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.