Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÀfaꞋa 3:14 - Mundani

14 Tà li ŋǎ èntɨ̧ɨ̧ vi wuê ndaꞋa abua Mbɔ̧ɔ̧mà, mè ntɨ̧ɨ̧ ndɨŋndɨ̀ŋ a mbì tò, ka bɨ tsi atò ayɔɔ tè ntsìꞋi shù̧ù̧te a Pȩlèt nê tà yàa wuê wòt tà wu lɨ̧̂ la sàŋ, mbɔ̂ ŋǎ a Yesò bɔ bùŋè.

အခန်းကိုကြည့်ပါ။ ကော်ပီ




ÀfaꞋa 3:14
22 ပူးပေါင်းရင်းမြစ်များ  

Bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê e mè ŋwèèlè ènɔ̧̂ bòt bu nê bɔ ghɨa Pȩlèt èsa Bàlabasì mbɔ̂ bùŋè a Yesò.


“Yesò wòt Nazàlet, à kɨa ghà abua ya à? À kɨ̀Ꞌa a si ŋaa eliime awa à? Mâ ko wòt à wu wùà la. À wu ngule wantu̧ Mbɔ̧ɔ̧mà.”


Ka bètǎt bèntsìà mèpɨ̧̀ bu e lutè ènɔ̧̂ bòt bu nê bɔ ghɨa Pȩlèt tsì wuê a Bàlabasì a tèfȩ.


Wòt kǒ èlen tò wu Bàlabasì la le wu a tèfȩ àfɨꞋa mbɔŋ ayɔɔ bòt bu bɔ li mbùŋè wòt àfɨꞋa ndèm li ndzə la.


Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.


Tà tsɔꞋɔ wòt wu bɔ li ntsaa atò a tèfȩ ambo ndèm nè ndɨ bɔ bùŋe wòt la sàŋ, mbɔ̂ ŋǎ a Yesò abua yɔb nê bɔ̀ ghɨ̀ ne tò mbɨ̀Ꞌɨ̀ bɔ kɔ̀ŋkè la.


Bɔɔ li eye àghɨa màngɨa àghɨa Mbɔ̧ɔ̧mà nàa nkɨà la wu yùà la, nkàà nê, e tsiꞋa nga abua Tǎt am, kà bɨ wu tsi eye am.


Bɔ ŋȩ nê, “ChaꞋ; à ka sa tò, sà wua Bàlabasì.” (Bàlabasì li ngu kwàꞋ tsɔŋ kèkweelè.)


Bɔ li bɔ̀ ka lem mbɔ̀ ngule lə bɔ̀ɔ nɨ ghɨ̌ bɔɔ bùŋe a Yesò la, mbɔ̂ ŋwèèlè wuê a Pȩlèt nê tà bùŋe atò.


Mâ ko nê, betsiꞋa àwɔ̀ Tǎt am, à ka waꞋa am àlaꞋ a bèmpfəà. BetsiꞋa à ka waꞋa waã wè tàa ndzəèa awê ntsɔ̧̀ la, tà fì.


“Tà mè nê, ‘Mbɔ̧ɔ̧mà bètǎt nyaꞋ ba è lȩ̀ awê nê à ko àghɨa yèa nkɨà la, mè ndzè ngule Waã vi tà tɨ̧ɨ̧ ndɨŋndɨ̀ŋ a mbì li la, ndɔ̀Ꞌ ndzə atò ndaꞋa ane azi ne àtɔŋ la.


Ane nkûŋ, Fɔ̧̀ Elɔ̀d bɔ̂ Pontìùs Pȩlèt nè bòt kà wu Bèjuê e li ngɨ̀ tè mbù̧ù̧tè àpfəèà nɨ̧ ŋàa, bɔ̂ bòt Izəèlȩê nê, bɔ kɨ etsɔꞋɔ Ngule Waã wè wu è wu Fɔ̧̀ wu à li ndzɔꞋ ntsà la.


Nê, “Ba li bà ka səèŋkè ètû̧ bɨ̧ nê bɨ̀ ka tsi ndàꞋà èngà̧ ane èlen mbê waa à? Bɨ ye àghɨa bɨ ghɨ̀ la à? Bɨ ghɨ̀ èngǎ̧ wɨ̧ e saŋe a Jèlusalèm ègème tè waa waa zə. Bɨ kɨ zì èvə tò àtsəa ya à?”


Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.


Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.


Bɨ saꞋa wòt kà fâ̧ ànəê nê tà kwen, mbuŋe atò, tà kà lem mbɔ̀ èlu̧ tàa ŋwèèle etu̧u̧ la.


Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.


E shɨa àkatè yaa abua yɨ̧, bɔ̧ bɔ̧, mbɨ̀Ꞌɨ̀ wòt kǒ ane yɨ̧ ghɨ a kàbɔ̀ŋ. Ka wòt ane yɨ̧ ghɨ a kàbɔ̀ŋ, tà ko nê wòt kǒ nàà və tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tàa ndɨ̀à ànəa kàbɔ̀ŋ wa abua Tǎt wa Mbɔ̧ɔ̧mà la. Ŋut wu Yesò Klistò à.


“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ