ÀfaꞋa 3:13 - Mundani

¹³ Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

ÀfaꞋa 3:13 ပူးပေါင်းရင်းမြစ်များ

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 20:19

E bɔ ghɨ̀ ale, e zǐ atò a tèkitebu bòt kà wu Bèjuê, bɔɔ wȩ̀ȩ̀te atò, eshu̧u̧ atò e lɔ̀Ꞌɔ wu̧u̧te atò a mbɨ̧̀ mbasa taa pfə, mbɔ̂ naa me wu ane èlibȩ betat taa yu̧u̧me.”

Matìù 22:32

‘E ngu Mbɔ̧ɔ̧mà Abàlàghâm, ndɔ̀Ꞌ ngu Mbɔ̧ɔ̧mà Asàk nè Mbɔ̧ɔ̧mà Jàkɔ̂b?’ Tà wu Mbɔ̧ɔ̧mà bòt yu̧, tà ntsě Mbɔ̧ɔ̧mà bèmpfəà.”

Matìù 27:2

Bɔ kuule atò ane fȩtsə nɨŋ ngà ndzì a tèkitebu Pȩlèt wu tà wu gɔvanɔ̀ bòt Luêm la.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Ntu̧ Ntsɔ̧̀ MAK 15:11

Ka bètǎt bèntsìà mèpɨ̧̀ bu e lutè ènɔ̧̂ bòt bu nê bɔ ghɨa Pȩlèt tsì wuê a Bàlabasì a tèfȩ.

Lûk 22:57

Tà bê ntu̧ nê, “Àvi wàà, e mbakà ko atò.”

Lûk 23:4

Pȩlèt shu abua bètǎt bèntsìà mèpɨ̧̀ Mbɔ̧ɔ̧mà bu nè ènɔ̧̂ bòt bu abot la nê, “E bakà ye àghɨa tà ghɨ̀ tê è wu àyea bɔ̀ɔ bùŋe atò la.”

Lûk 6:37

“À ka me zəâ èfaãnəè bòt mbɨ̀Ꞌɨ̀ Mbɔ̧ɔ̧mà li ndzəèəè è bê mɨ̧̂; à ka nê à ye wòt à bɨ mbɨ̀Ꞌɨ̀ Mbɔ̧ɔ̧mà li nê àyê a bɨ mɨ̧̂; waꞋa kàbɔ̀ŋ bòt mbɨ̀Ꞌɨ̀ Mbɔ̧ɔ̧mà naa li waꞋa è bê mɨ̧̂.

Jɔ̌n 12:16

Ànəê yaa aà ngɨ̀à ale bɔkatè Yesò e ka zîꞋ nko lə ayùà. Mbɔ̧ɔ̧mà tseke tê tà li tà yu̧u̧me atò ane èwuu èlɨ̀ ko e bê ntsea waa waa la, ka bɔ bɔ̂ nkù̧ù̧te nê àghɨa bɔ ghɨ ane tò la wu ànəa Àkata Mbɔ̧ɔ̧mà a shu ane èlen tò la.

Jɔ̌n 18:40

Bɔ ŋȩ nê, “ChaꞋ; à ka sa tò, sà wua Bàlabasì.” (Bàlabasì li ngu kwàꞋ tsɔŋ kèkweelè.)

Jɔ̌n 19:11

Yesò bɨ̀ɨ̀lè nê, “BetsiꞋa à kà ghɨ̌ àghɨ adù̧ yaã kà Mbɔ̧ɔ̧mà làꞋ nê, à wu ale. Ale, wòt wu tà baãaã am ŋǎ abua yê la, ghɨ ànəa kàbɔ̀ŋ tè ntsè awê.”

Jɔ̌n 19:12

ÀfɨꞋa Pȩlèt e zə èngà̧ waa la, tà me nyɔ̀Ꞌta nkɨà èlu̧ esǎ Yesò, ka Bèjuê bu e me ŋȩ wuê ŋȩ shua nê, “À sa mbê waa, à ko nê, ye ntsě shu̧ Empelɔ̀ Luêm. Wòt nàa ngɨ̀ tà shu mbɨ̀Ꞌɨ̀ tòa anè nê, ye wu fɔ̧̀, tà ko nê, ye tsiꞋi wɔ̀mbù̧ Empelɔ̀ Luêm.”

Jɔ̌n 19:15

Bɔ ŋȩ nê, “Bɔ̀ Bùŋe atò! Bɔ bùŋe atò! Bɔ wu̧u̧te atò a mbɨ̧̀ mbasa.” Pȩlèt bììte awɔb nê, “Bɨa nkɨà nê, è ngu̧u̧te Fɔ̧̀ wɨ̧ a mbɨ̧̀ mbasa à?” Bètǎt bèntsìà mèpɨ̧̀ Mbɔ̧ɔ̧mà bu e nê, “Ba bakà bɔ fɔ̧̀ tsǎ ka nè Sisà.”

Jɔ̌n 7:39

Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.

ÀfaꞋa 22:14

“Tà mè nê, ‘Mbɔ̧ɔ̧mà bètǎt nyaꞋ ba è lȩ̀ awê nê à ko àghɨa yèa nkɨà la, mè ndzè ngule Waã vi tà tɨ̧ɨ̧ ndɨŋndɨ̀ŋ a mbì li la, ndɔ̀Ꞌ ndzə atò ndaꞋa ane azi ne àtɔŋ la.

ÀfaꞋa 24:14

TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

ÀfaꞋa 3:12

AfɨꞋa Pità ye bòt bu ndùùlà nkɨ̀Ꞌâ la, tà shu abua yɔb nê, “Bòt Izəèlȩ̀, ànəê yaa a ghɨ̀ na ka ntsè àwɨ̧ anè à? Ghǎ ghɨ̂ ka bɨ tsitè àghɨ ayɨ̧ ane ya nyaŋ anè à? Bɨ tanda nê mbê waa ghȩ̀ȩ̀nè ane mètàŋ ma, kò wu ndɨ wu bàa nkùŋà a Mbɔ̧ɔ̧mà nyaŋ la à? ÀwɔꞋ, a ntsě ale.

ÀfaꞋa 3:26

È wu ale, bɨ̀ ko nê, bɨ wu bòt mbì Mbɔ̧ɔ̧mà li ndȩ̀ Waã vi ntsaa abua yɨ̧ la. Tà li ntsaa atò nê tà ghɨa bɨ̀ sà mènəè kàbɔ̀ŋ mɨ̧ mbɨ̀Ꞌɨ̀ yea lɔ̀ɔ̀lè àwɨ̧.”

ÀfaꞋa 4:27

Ane nkûŋ, Fɔ̧̀ Elɔ̀d bɔ̂ Pontìùs Pȩlèt nè bòt kà wu Bèjuê e li ngɨ̀ tè mbù̧ù̧tè àpfəèà nɨ̧ ŋàa, bɔ̂ bòt Izəèlȩê nê, bɔ kɨ etsɔꞋɔ Ngule Waã wè wu è wu Fɔ̧̀ wu à li ndzɔꞋ ntsà la.

ÀfaꞋa 4:30

Sà̧à̧mè àbu ayê mbəâ bòt, è ŋà àwa mètàŋ bà nɨ èlen Ngule Waã wè Yesò nɨŋ ngɨ̀ ngɨŋa mènəè nè tèwuute ènəê kà ye fɨ̀Ꞌ.”

ÀfaꞋa 7:32

‘E ngu Mbɔ̧ɔ̧mà wu bètǎt nyaꞋ bê Abàlàghâm bɔ̂ Asàk nè Jàkɔ̂b e li ngùa ntsàꞋtà la.’ Kèbɔɔ ke baãaã a Musì, ènyit tò e bentè, tè tà kà lem ntsi ndɨ̀ŋkè abot.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

Ebùlù 2:9

Mbɔ̂ baa ndzèa Yesò wu Mbɔ̧ɔ̧mà li shùke atò a si ane àtem àfɨ̀Ꞌ àko tè ntsè bɔntu̧ bi la. Tà bɔ ènɨ̧ àfɨ̀Ꞌ yaa bɔ mè ŋa kènuke abua tò nkàà èlɨ tà li ndze ngoꞋ mpfə la. Mbɔ̧ɔ̧mà li nkɔ̀ŋkè bòt ngɨ̀ Yesò pfə ambo waa waa.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.