ÀfaꞋa 3:11 - Mundani

¹¹ Mbê wu bɔ bə atò la ghɨ̀ ale, mbà̧aã a Pità bɔ̂ Jɔ̌n ntɨ̧̂. Ànəa ngaa a bê ntsè a waa waa, tè bɔ tsiꞋi me lùùla nga adzìꞋ yu a mbì lob nɨ̧ Mbɔ̧ɔ̧mà a Jèlusalèm bɔ̀ɔ ntɔ nê ètsələèꞋ Fɔ̧̀ Sàlemun la, eye ànəa ngaa.

ÀfaꞋa 3:11 ပူးပေါင်းရင်းမြစ်များ

Lûk 22:8

Yesò tu̧u̧ a Pità bɔ̂ Jɔ̌n nê, “Bɨ̀ ghǎ ntàŋke èghɨjɨ èpǎ̧ Màntsea a ègwet, bà kɨꞋɨ njɨ.”

Lûk 8:38

Mbê wu fote kàbɔ̀ŋ te dzə ane tò la shu̧u̧te a Yesò nê tà ghɨa bɔ̂ tò è ghà nɔ̂. Ka Yesò tu̧, è shu abua tò nê,

Jɔ̌n 10:23

ÀfɨꞋa mbɔŋ Yesò wu a èbem lob nɨ̧ Mbɔ̧ɔ̧mà, ngȩȩna a èbem àdzìꞋa ko bɔ̀ɔ ntɔ nê ètsələèꞋ fɔ̧̀ Sàlemun la.

ÀfaꞋa 2:6

AfɨꞋa bòt baa e zə ndɨ bòt bu bɔ zì mèntɨ̧ɨ̧ mɔb ane Yesò la, e tsiꞋa ndàꞋa ndɨ̧te èlaꞋ tsa tsa la, taꞋà ènɔ̧̂ bòt e bu̧u̧te abot. Ènyit bòt ngaa bàgème e taꞋa bɔ̌ nkàà nê bɔ zə ndɨ bòt Yesò bu e làꞋà ane ndɨ̧ tɔb la.

ÀfaꞋa 3:12

AfɨꞋa Pità ye bòt bu ndùùlà nkɨ̀Ꞌâ la, tà shu abua yɔb nê, “Bòt Izəèlȩ̀, ànəê yaa a ghɨ̀ na ka ntsè àwɨ̧ anè à? Ghǎ ghɨ̂ ka bɨ tsitè àghɨ ayɨ̧ ane ya nyaŋ anè à? Bɨ tanda nê mbê waa ghȩ̀ȩ̀nè ane mètàŋ ma, kò wu ndɨ wu bàa nkùŋà a Mbɔ̧ɔ̧mà nyaŋ la à? ÀwɔꞋ, a ntsě ale.

ÀfaꞋa 3:3

AfɨꞋa mbê ngaa è ye a Pità bɔ̂ Jɔ̌n ngà enyi a lob və la, tà shù̧ù̧te awɔb nê bɔ̀ ŋa àghɨ abua zi.

ÀfaꞋa 3:4

Pità bɔ̂ Jɔ̌n e tsitè àghɨ ayɔb ane tò. Pità bɔ̂ shu abua tò nê, “Me lɨ̀ŋkè awa.”

ÀfaꞋa 5:12

Bɔntu̧ Yesò bu e li ntàꞋa ghɨ̀ tèwuute ènəê kà ye fɨ̀Ꞌ nɨŋ nyɨ̀Ꞌte mètàŋ Mbɔ̧ɔ̧mà, mè ngɨ̀ ngɨŋa ènəê a kètsìà bòt. Bòt bu bɔ zì mèntɨ̧ɨ̧ mɔb ane Yesò la, e li ngua mbù̧ù̧tà ane ènɔ̧̂ wemɔꞋ adzìꞋ yu a mbì lob nɨ̧ Mbɔ̧ɔ̧mà a Jèlusalèm bɔ̀ le wua ntɔ nê wu ètsələèꞋ Fɔ̧̀ Sàlemun la.