ÀfaꞋa 28:31 - Mundani

³¹ Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

ÀfaꞋa 28:31 ပူးပေါင်းရင်းမြစ်များ

Matìù 4:23

Tà me ghȩȩne a èdziꞋ ègème a Galìlî nyɨ̀Ꞌta èngǎ̧ Mbɔ̧ɔ̧mà a èbem lobte Mbɔ̧ɔ̧mà, mè ntsɔ̀tà Ntu̧ Ntsɔ̧̀ kèfɔ̧̀ Mbɔ̧ɔ̧mà, mè mbəèa tèwuute èghɔ̧ tègème, nè èlɔꞋ ègème ane bòt.

Ntu̧ Ntsɔ̧̀ MAK 1:14

Àfɨ̀Ꞌ yu bɔ baãaã Jɔ̌n màꞋa a tèfȩ la, Yesò kɨ̀Ꞌɨ̂ a Galìlî me tsɔ̀te Ntu̧ Ntsɔ̧̀ Mbɔ̧ɔ̧mà,

Lûk 8:1

Àfɨ̀Ꞌ a li ntsèke tè me wu, Yesò me ghȩ̀ȩ̀na ntsea a èpfəè nɨ̧ nè èbe techɨɨle ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà. Bɔkatè tò bu ntsɔ̀b babe la e wu bɔ̂ tò ba nɔ̂,

ÀfaꞋa 1:3

Mbɨ̀Ꞌɨ̀ bɔ ghɨ̧̀ɨ̧̀ne a Yesò tè tà pfə mè njù̧ù̧mê la, tà nèètè nyɨ̀Ꞌte avi abua bɔntu̧ bi bu ane ndɨ bɔ̀ɔ ko nkûŋ nkûŋ nê Tà yù̧ù̧mè la. Tà li ntaꞋa pùùla a mbì lɔb ane èlibȩ èghem yekwì, ndaꞋa abua yɔb ndɨ Mbɔ̧ɔ̧mà nàa mbà̧aã kèfɔ̧̀ vi la.

ÀfaꞋa 20:25

“Mâ ghȩ̀ȩ̀ne a kètsìà wɨ̧ bɨ̀agème ndàꞋà ndɨ Kèfɔ̧̀ Mbɔ̧ɔ̧mà nàa la. Ka nè àfɨ̀Ꞌ yaa, mâ ko nê wòt ane yɨ̧ ka li me pfə e mě ye am a.

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

ÀfaꞋa 28:30

Pɔ̂l li ngɨ̀ ale me tseke wuê a èbem lob tà lè wua ntsèka ŋǎ èkab adù̧ la tè ngà ngu ane èngùꞋ yebe, sèè bòt bàgème bɔ li nkɨ̀Ꞌɨ̂ e ye atò la.

ÀfaꞋa 4:29

È wu ale, a Tǎt wa, ye ndɨ̀ waa bɔ kàà àwa la, è ŋa bɔfàꞋ bê mètàŋ bɔ̀ me làꞋa èngǎ̧ wè kà bɔ̀â.

ÀfaꞋa 4:31

ÀfɨꞋa bɔ tsàꞋte a Mbɔ̧ɔ̧mà tè ndɔ̀Ꞌ la, àdziꞋa mbɔŋ a nyìꞋnè, Fo Kèfə kɨꞋɨ nyi a mèntɨ̧ɨ̧ mɔb, bɔ bùꞋ mè làꞋa èngǎ̧ Mbɔ̧ɔ̧mà kà bɔ̀â.

ÀfaꞋa 5:42

E bùꞋu àfɨꞋa ngaa eghǎ ne mbì, bɔ me ghà àli àgème a èbem lob nɨ̧ Mbɔ̧ɔ̧mà a Jèlusalèm nè èpfəè bòt, ndàꞋà mè ntsɔ̀tà Ntu̧ Ntsɔ̧̀ nê Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 8:12

Mbɨ̀Ꞌɨ̀ bɔ zə Ntu̧ Ntsɔ̧̀ kèfɔ̧̀ Mbɔ̧ɔ̧mà ane èlen Yesò Klistò lu Filìb làꞋà la, wòt ègème, mbâ̧ nè àvi bɨ̧ɨ̧nè, bɔ zì atò a èdzî.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.