ÀfaꞋa 28:20 - Mundani

²⁰ Eyaa wu àghɨa a ghɨ̀ ka e me kɨ eye awɨ̧ la. Bɔ me kuule am ane fȩtsə mbɨ̀Ꞌɨ̀ wɔ̀tèfȩ anè, ngua nkàà wuê ànəa wòt wu bòt Izəèlȩê e bɔ ntɨ̀ ane tò la.”

ÀfaꞋa 28:20 ပူးပေါင်းရင်းမြစ်များ

ÀfaꞋa 10:29

Ale, mbɨ̀Ꞌɨ̀ à ntu̧u̧ bòt nê bɔ̀ kɨꞋɨ ntɔ am la, e mbê nkɨ̀Ꞌɨ̂ kà tàŋne. Maà mbììta awê nê, ghǎ ghɨ̂ ka à tu̧u̧ bòt abua am à?”

ÀfaꞋa 10:33

Ale, e mbê ntu̧ ntɔ awê. À ghɨ̌ ntsɔ̧̀ na à kɨꞋɨ la. Bàa gème e wu anè adzìꞋ yaa a mbì Mbɔ̧ɔ̧mà nkɨ ezə ànəa tà tu̧u̧ awê nê à kɨꞋɨ shu awa la.”

ÀfaꞋa 21:33

Tǎt banyà̧ wu gha a mbɨ̧̀ Pɔ̂l, ndzì èbu ane tò, mbɔ̂ ngɨ̀ bɔ kuule atò ane fȩ tebe. Tà bɔ̂ mbììte nê, “Mbê waa wu wàà à? Tà ghɨ̀ ghà à?”

ÀfaꞋa 23:6

AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”

ÀfaꞋa 24:15

Mmɔ̌ mbɔŋ mâ bɔ ntɨ̀ mè me chɨ̀Ꞌɨ̀ wuê mbɨ̀Ꞌɨ̀ bòt baa a si ŋàa la, nê, Mbɔ̧ɔ̧mà naa li yu̧u̧me a waa waa, bòt kàbɔ̀ŋ, nè bòt ntsɔ̧̀.

ÀfaꞋa 26:29

Pɔ̂l bɨ̀ɨ̀lè nê, “Kò àfɨꞋa ngaa aà sàà kò aà nyɨꞋa leꞋ, ko maà ntsàꞋta a Mbɔ̧ɔ̧mà nê, tà ghɨa bɨ bòt ba bàgème njùtâ èngǎ̧ am la è tsiꞋi mbɨꞋɨ̀ màa la. Wu nê, bɔ̀ ka nkùùle awɨ̧ ane fȩtsə mbɨ̀Ꞌɨ̀ bɔ kuule am anè la a.”

ÀfaꞋa 28:17

Èli e li ntsè betat, Pɔ̂l è tɔ bɔɔjuŋ Bèjuê bu a Luêm la nê, bɔ̀ kɨꞋɨ bɔ̂ tò ba e mua. ÀfɨꞋa bɔ bù̧ù̧tè la, Pɔ̂l è shu abua yɔb nê, “Bɔnyɨ bɔ̧, e ngu wɔ̀tèfȩ bɔ li mbà̧aã am a Jèlusalèm ndzi a tèkitebu bòt Luêm la. Bɔ batè me baã am ale è nka ghɨ̀ ànəê àko ane bòt ba, è nka laꞋa kàbɔ̀ŋ ane ndɨ bɔ̀ɔ ntsèka mbɨ̀Ꞌɨ̀ bètǎt nyaꞋ ba e li sa abua ya la.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 6:20

Mâ tɨ̧ɨ̧ ane èlen Yesò, mbɔ̂ ngu a tèfȩ nkàà ànəa Ntu̧ Ntsɔ̧̀ yaa. Bɨ̀ tsàꞋta Mbɔ̧ɔ̧mà nê tà tsì kèbɔɔ ane yaã mbɨ̀Ꞌɨ̀ maa tsɔ̀te Ntu̧ Ntsɔ̧̀ yaa ane ndɨ mâ bɔ ndɨ màa tsɔ̀tè la.

Filìpȩ 1:13

Àghɨa a ghɨ̀ la wu nê, mbɨ̀Ꞌɨ̀ è ngu a tèfȩ a èbem ntɔꞋ anè la, a ghɨ̂ bèshujà bu mbààba ntɔꞋ mbɔŋ la, nè wòt ègème a si ŋàa e ko nê bɔ kȩ̀ am nkàà ànəa Yesò Klistò.

Kɔ̀losìà 4:18

E ntsiꞋa shɨa àdziꞋ ya ane àbu am mmɔ̌ mbɔŋ nê: Mmɔ̌ Pɔ̂l maà tsàꞋtà àwɨ̧. Bɨ̀ ka ndèènè nê e ngu a tèfȩ. Maà ntsàꞋtà nê Mbɔ̧ɔ̧mà me nyɨꞋte a ntsɔ̧̀ vi abua yɨ̧.

2 Tɔ̀màtià 1:10

Ka ne àfɨ̀Ꞌ yaa, ba yea ntsɔ̧̀ Mbɔ̧ɔ̧mà mbɔŋ, nkàà nê Tǎt wa Yesò Klistò wu tà wu Mpemnà la è kɨꞋɨ̀. Tà loote nkwete èvə, mè nyɨ̀Ꞌte nê, ba bɨ̧ɨ̧nà Ntu̧ Ntsɔ̧̀ yu, ko baa bɔ ngule mèmpème kàlìà kà wu tsi epfə.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

Fȩlemùn 1:10

E ngua shù̧ù̧te awê ane ànəa waã am Ònesìmùs wu mâ tsiꞋi tǎt tò ane Yesò mbɨ̀Ꞌɨ̀ e ngu a tèfȩ anè la.

Fȩlemùn 1:13

È wu nè nà̧ ko mâ kɔ̀ŋkè nê tà tseke ba tò àdziꞋ yaa e ngu a tèfȩ ane ànəa Ntu̧ Ntsɔ̧̀ la, me tɨŋe am mbɨ̀Ꞌɨ̀ àwɔ̀ mbɔŋ à wu etɨŋe la.