ÀfaꞋa 28:18 - Mundani

¹⁸ Bòt Luêm e li mbììte am mènəè tè ntsìꞋa nkɨ esǎ am, nkàà nê bɔ li ndze nê, e mbakà ghɨ ànəa kàbɔ̀ŋ ako tè è wu àyea bɔ̀ɔ bùŋè am la.

ÀfaꞋa 28:18 ပူးပေါင်းရင်းမြစ်များ

ÀfaꞋa 22:30

Tǎt banyà̧ wu li ngua nkɨ eko àghɨ yu a chɨɨmè ngɨ̀ ka Bèjuê e me kɨ a Pɔ̂l ebùŋè la. ÈtsəꞋ e tsi, tà ghɨ̀ bɔ yaa a Pɔ̂l, mbɔ̂ ntɔ bèntsìà mèpɨ̧̀ Mbɔ̧ɔ̧mà nè bòt èsaꞋa ko bu bàgème nê bɔ bu̧u̧ta. Tà nɨ a Pɔ̂l ngà ngɨ̀ tà tɨ̧ɨ̧ a mbì lɔb.

ÀfaꞋa 23:29

Ngà ale, bɔ me làꞋà tê è nka ye ngule ànəê àko tà ghɨ̀ tê è wu àyea bɔ̀ɔ bùŋe atò la, kò àyea bɔ̀ɔ zi atò ka wuê a tèfȩ la leꞋ. Mènəè mu bɔ zǐ àtsə atò la wu mènəè mbɨ̧ tɔb.

ÀfaꞋa 24:10

ÀfɨꞋa mbɔŋ, gɔvanɔ̀ wu mɨ̀Ꞌ àbu nê Pɔ̂l è laꞋa, tà bùꞋ èngà̧ waa me làꞋa nê: “Mâ ko nê à saꞋa bòt àlaꞋ ya ane mèngùꞋ nyaŋ. È wu ale, e ngu ane mèngùꞋte elàꞋa èngà̧ a mbì lê enɨ etsǐ ànəê àtsə am.

ÀfaꞋa 24:22

Ale, ndɨ̀ wu Felìk neetè nko Alu̧ Yesò la, tà nê bɔ̀ nyaꞋa səèꞋtè èsaꞋa wu nɔ̀ŋè akwèn. Mbɔ̂ èshu abua bòt bu nê, “Maa tsiꞋi esaꞋa ànəê yaa àfɨꞋa Lȩsìàs wu tà wu tǎt banyà̧ la è kɨꞋɨ la.”

ÀfaꞋa 25:25

È wu am mmɔ̌ mbɔŋ, ko e mbakà ye nê tà ghɨ ànəa kàbɔ̀ŋ ako tè ngu àyea màa laꞋnê bɔ̀ bùŋe atò la. Ndɨ̀ wu tòà zìambɔŋ è sɨɨbè nê wu empelɔ̀ ka tàa saꞋa avi la, e ngu etsàa atò abua tǎt wa wuê mbɨ̀Ꞌɨ̀ tà shu la.