ÀfaꞋa 28:14 - Mundani

¹⁴ Bà nyi abàꞋ və, ba ye bɔnyɨ ba ko bɔ shu abua ya nê, ba tò ba è tseke ane èli besà̧à̧mbe. Eyaa wu ndɨ ba li ngɨ̀ tè nyi a Luêm la.

ÀfaꞋa 28:14 ပူးပေါင်းရင်းမြစ်များ

Matìù 10:11

“Bɨ ghɨ̀ bɨ̀ gha a èpfəè ènɨ̧, kò èbe techɨɨle leꞋ, bɨ kɨ ngule wòt tà kɔ̀ŋkè esèe àwɨ̧ la, ntsèke bɨ tò ba, te àlia bɨa me ghà la a kùꞋ.

Jɔ̌n 21:23

Èngà̧ waa Yesò shu la e bùà a kètsìà bɔnyɨ bu nê, tà laꞋnê wakatè waa ka li tsi epfəa, mbɔ̂ me làꞋ ale, Yesò kà lem nê, wakatè mbɔŋ ka li epfəa. Tà li shu wuê nê, “E kɔ̀ŋkà nê tà tseke yû̧ tè è ndi nkɨ̀Ꞌɨ̂, àyê adù̧ wu ghà à?”

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 19:1

Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

ÀfaꞋa 20:6

Èli bu bɔ̀ɔ njɨ̀a èghɨjɨ bu bɔ̀ɔ ntɔ̀ nê wu èghɨjɨ bled kà wua nkɔ̀Ꞌɔ la e li ntsè ba nyi a èbem ànkànuꞋ a Filìpȩ, èli e mè me tsè betà̧â̧ ba kwene ane yɔb a Tloas və, ba tò ba e tseke ane nkàb abàꞋ və.

ÀfaꞋa 21:4

Ba dzə ale ndze bòt Yesò ko abàꞋ və, ntsèke èli besà̧à̧mbe ba tò ba. Fo Mbɔ̧ɔ̧mà è ghɨ̀ bɔ shu abua Pɔ̂l nê tà ka nga a Jèlusalèm.

ÀfaꞋa 28:13

Ndɔ̀Ꞌɔ abot, nga a Legiɔ̀m. ÈtsəꞋ e tsi àfeme ako a lɔ̀Ꞌ nè àtsɔꞋɔ me tsè, tê è me wu ane èli bebe ba nyi a Pùtìolì.

ÀfaꞋa 28:15

Bɔnyɨ ba a Luêm e zə, nkɨ̀Ꞌɨ̂ tè ngu a èwen Apiɔ̀s, nè adzìꞋ yu bɔ̀ɔ ntɔ nê Lobte mèlùꞋ Tetat la, nkwène ane ya. ÀfɨꞋa Pɔ̂l è ye awɔb la, tà kɔ̀ŋkè a Mbɔ̧ɔ̧mà, èntɨ̧ɨ̧ tò e mè nkwèèlê.

ÀfaꞋa 28:21

Bèjuê bu e bɨ̀ɨ̀lè nê, “Ba bakà ye àkatè àko a dzə a Jùdià ane ànəê ayê la. Wanyɨ wa kǒ bakà lem ndzə abàꞋ və nè ntu̧, bà ka ye wòt kǒ tà kɨꞋɨ eshu ànəa kàbɔ̀ŋ ako àtsə ayê la.

ÀfaꞋa 6:3

È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

ÀfaꞋa 9:30

ÀfɨꞋa bɔnyɨ bu e zə nê, bɔɔ̀ nkɨ ebùŋe a Sɔ̂l la, bɔ nɨ atò nchu nga a Sìsalìà, ntsàà nê tà me ghǎ a Tasɔ̀s.

Lûm 1:13

Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.