ÀfaꞋa 27:3 - Mundani

³ ÈtsəꞋ e tsi, ba nyi a Sidɔ̀n. Juliɔ̀s bɔ̌ èntɨ̧ɨ̧ ntsɔ̧̀ ane Pɔ̂l, sa atò nê, tà ghǎ ndzè bèshu̧ bi mbɨ̀Ꞌɨ̀ bɔɔ ŋa atò èghɨ tàa nkɨ̀ŋkà la.

ÀfaꞋa 27:3 ပူးပေါင်းရင်းမြစ်များ

Matìù 11:21

“Aa li bɨa wɨ̧ bɨ̀a bòt Kolazìn, aa li bɨa wɨ̧ bɨ̀a bòt Bèsedà! Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Tȩê nè Sidɔ̀n, ko bɔ li dzaŋe kwaã epfəə, mè fəèꞋəè muttsə ane yɔb, enɨ nyɨꞋte nê bɔ waꞋa mènəè kàbɔ̀ŋ mɔb.

ÀfaꞋa 12:20

Elɔ̀d li taꞋa tsoo ane bòt Tȩê nè Sidɔ̀n. Ale, bɔ gha ane ènɔ̧̂ nê bɔ gha eye atò. Bɔ me bùꞋu, mbɨ̀ ngɨ̀ Blatùs wu tà wù àtsəa ntɔꞋ la ye nè nɔ̀b, bɔ ghà abua Elɔ̀d nê bɔ̂ tò ba è làŋkè laŋke, nkàà na àlaꞋ ayɔb àa nɨ̀a èghɨjɨ ne abua bòt àlaꞋ a Elɔ̀d la.

ÀfaꞋa 24:23

Tà ghɨ̀ ale, tà shu abua wajûŋ banyà̧ wu tàa mbààba a Pɔ̂l la nê, tà nɨ atò nɨŋ ngà. Mbɔ̂ mè nê, tà ka me lɨ̀ŋke atò nyaŋ, nê tà nyaꞋa ŋa atò èlu̧ ndɨ betsiꞋa bèshu̧ tò e ko ŋa atò èghɨ tàa nkɨ̀ŋkà la.

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 27:43

Ka wajûŋ bèshujà bu kele awɔb, ndɨ̀ wu tà li tà kà wua nkɨ̀a nê Pɔ̂l pfə la. Tà tsiꞋi shu abua wòt ègème tàa ko eyɔꞋɔ la nê, bɔ̀ kȩ ndebe a èbem mèleb, ndzɔꞋ nga aguŋ,

ÀfaꞋa 28:16

Mbɨ̀Ꞌɨ̀ ba nyi a Luêm la, bɔ sa a Pɔ̂l nê, tà me tseke zìa zìa, mbɔ̂ ntsìꞋi eŋa wuê shujà wemɔ̀Ꞌ nê tà me ghȩ̀ȩ̀na mbààbe atò.