ÀfaꞋa 27:13 - Mundani

¹³ Mbɨ̀Ꞌɨ̀ bàa ngà nè mbì la, awa àfeme kǒ nyaꞋa ndɔ̀Ꞌ nè àtsɔꞋɔ me tsě, bòt bu e tanda nê, betsiꞋa bɔ ghɨ̀ wuê mbɨ̀Ꞌɨ̀ bɔ wua nkwàꞋtà la. Ale, bɔ lɔ̀kè àghɨa lelet yu àa mbà̧aã ànkànuꞋ mbɨ̀Ꞌɨ̀ a gha nè mbì la, mbɔ̂ mbê me ghȩ̀ȩ̀nè wuê a mbɨ̧̀ Klît.

ÀfaꞋa 27:13 ပူးပေါင်းရင်းမြစ်များ

Lûk 12:55

“Bɨ̀a ngɨ̀ bɨ̀ ye àfeme a dzə a tsɔꞋɔ la, bɨ nê ‘Nyèm nàà ngà ete’, è bê ntè wuê mbɨ̀Ꞌɨ̀ bɨ shu la.

ÀfaꞋa 2:11

Bèjuê nè bòt kà wu Bèjuê, bɔ gheblè tê ntsìꞋa nkùkta Mbɔ̧ɔ̧mà mbɨ̀Ꞌɨ̀ Bèjuê la. ÀbəèꞋ àko ane yɔb li ngu bòt Klît, nê bòt Àlabìà. AfɨꞋa mbɔŋ bòt ngaa e biitè nê, ‘Ghǎ ghɨ̂ ka ba me zə bòt baa bɔ zì mèntɨ̧ɨ̧ mɔb ane Yesò la e tsiꞋa ndàꞋà ane ndɨ̧ ta shua taꞋa mènəè Mbɔ̧ɔ̧mà ghɨ̀ la à’?”

ÀfaꞋa 27:12

ÀdziꞋ yu bɔ̀ɔ ngɔ̀ɔ̀bà ènkànuꞋ àbȩ la a li à ka wu àyea betsiꞋa bɔ jɨ àbɨ̂ŋ abot la. Ale, àbəꞋa bòt nyaŋ a nê, bɔ̀ nyɔꞋta ngà tè ngu àpfəè yu è wu Finìk la, na bɔ wu ko eghǎ tè enyi abot la. ÀdziꞋa ngaa wu àdziꞋa bɔ̀ɔ ngɔ̀ɔ̀bà ènkànuꞋ a Klît la. À ghɨ̀ ale, àbà ako a me ye àkɔꞋɔ, àbà ako a me ye àtsɔꞋɔ, ŋà èlu̧ ndɨ betsiꞋa bòt e jɨ àbɨ̂ŋ abàꞋ və la.

ÀfaꞋa 27:21

Mbɨ̀Ꞌɨ̀ bòt bu e tseke ane àfɨ̀Ꞌ à seè kà jɨ èghɨjɨ la, Pɔ̂l è lɔ̀Ꞌɔ a si a kètsìà wɔb nê, “Banɔ̧̀, bɨà me wu ale njùtê ànəa e shua la, ko ba bakà lɔꞋɔ a Klît. Ko èghɨ baa e bɨ, àfeme a mè ntsòke la, e bakà ghɨ̀ ale.

ÀfaꞋa 27:8

Ba li ngua ngȩ̀ȩ̀nà wuê a mbɨ̧̀ èdzî, mbɔ̂ ndze ngoꞋ kwàꞋ ànyaꞋne, tè nkɨ̀Ꞌɨ̂ adzìꞋ ako bɔ̀ɔ ntɔ nê wu àdziꞋa bɔ̀ɔ sèlà ànkànuꞋ aguŋ, àghɨ à ka tsi ngɨ̀ la. Elɔ̀Ꞌɔ abot və eghǎ àpfəè yu è wu Lasìà la, èndɨ̌ è ka wua sàà.

Tȩtɔ̀s 1:12

Ka wuê ngule wòt Klît wɔb kǒ, è wu wòt àghɨ yeakwì la li nê, “Bòt Klîtan e taꞋa wua fɨ̀ta, ngɨ̀à kàbɔ̀ŋ mbɨ̀Ꞌɨ̀ nyà̧tebàꞋ, nkùa èlɔŋ, mè nkɔ̀ŋkà wuê èghɨjɨ.”

Tȩtɔ̀s 1:5

E ndi sà awê a Klît nê à taŋke mènəè mu è li mbèle kà ba taŋkè la, mè ngà a èpfəè nɨ̧ ègème, ndzì bɔɔjuŋ àtsəa bòt Yesò mbɨ̀Ꞌɨ̀ e ndi shu awê la.