ÀfaꞋa 26:3 - Mundani

³ Àyaa wu kwàꞋ nkûŋ ndɨ̀ wu à chɨɨmè nèètè nko ndɨ Bèjuê àa ngɨ̀à mènəè mɔb la, nè mènəè bɔ̀ɔ nkaana adù̧ mbɨ̧ tɔb la. E ngu anè shù̧ù̧ta awê nê, à nyaꞋa mbuŋ njùtê èngǎ̧ am.

ÀfaꞋa 26:3 ပူးပေါင်းရင်းမြစ်များ

ÀfaꞋa 21:21

Bòt ko e shu awa nê, àà ngȩ̀ȩ̀nà shua abua Bèjuê bu bèa ntsèka ayɔɔ bòt kà wu Bèjuê la nê, bɔ̀ ka tsi nkùŋè mbɨ̧te Musì, bɔ̀ ka tsi nàŋe bɔ̧ bɔb, bɔ̀ ka tsi nkùŋè mènəè ndɨ̧ Bèjuê.

ÀfaꞋa 24:10

ÀfɨꞋa mbɔŋ, gɔvanɔ̀ wu mɨ̀Ꞌ àbu nê Pɔ̂l è laꞋa, tà bùꞋ èngà̧ waa me làꞋa nê: “Mâ ko nê à saꞋa bòt àlaꞋ ya ane mèngùꞋ nyaŋ. È wu ale, e ngu ane mèngùꞋte elàꞋa èngà̧ a mbì lê enɨ etsǐ ànəê àtsə am.

ÀfaꞋa 24:4

Maà ka kɨ etsòke àfɨ̀Ꞌ àyê nyaŋ, è wu ale, e me shu̧u̧te awê nê, à nyaꞋa mbuŋ njùte awadziꞋ ànəê yaa e nkɨ eshu ane èlen la bàgème la.

ÀfaꞋa 25:26

Ka e mbakà lem ndzè ngule ànəê ane tò waa màa shɨ abua empelɔ̀ wu la. È wu ale, mâ nɨ atò nɨŋ nkɨ̀Ꞌɨ̂ a si ŋàa a mbì lɨ̧ bɨ fɔ̧̀ Aglipà ba, nê tà làꞋa èngǎ̧ vi zìambɔŋ, fɔ̧̀ Aglipà zə. Ba me wu ale mbàŋè ànəa ngaa tè ndze, ko mâ ko ànəa màa shɨ abua empelɔ̀ wu la.

ÀfaꞋa 26:2

Fɔ̧̀ Aglipà, mâ ye nê èsi am aà mbɔ̀, mbɨ̀Ꞌɨ̀ mâ tɨ̧ɨ̧ a mbì lê laane waa etsì mènəè maa ègème Bèjuê e zǐ àtsə am la.

ÀfaꞋa 26:26

Fɔ̧̀ Aglipà, à ko mènəè maa ègème, è wu ale, e ngu elàꞋa abua yê kà bɔ̀â. Mâ ye nê, ànəa ko ane ngaa kà à koê a ntsě, nkàà nê mènəè ngaa li è ka wua ntsèà a ntsèm.

ÀfaꞋa 26:7

Eyaa wu èghɨ mbɔŋ bu Mbɔ̧ɔ̧mà li nkàꞋ abua lətelob Izəèlȩê tu èghem ntsɔ̀b tebe nê bɔɔ li ebɔ mbɨꞋɨ̀ bɔ̀ɔ ngùꞋtà àvi a nyèmtèsi nè tètsɔꞋ la. Fɔ̧̀ Aglipà, Bèjuê e kɨ enɨ àtsə am anè ngu ànəa ntɨ̀ ngaa ba tò ba e bɔ la.

ÀfaꞋa 28:17

Èli e li ntsè betat, Pɔ̂l è tɔ bɔɔjuŋ Bèjuê bu a Luêm la nê, bɔ̀ kɨꞋɨ bɔ̂ tò ba e mua. ÀfɨꞋa bɔ bù̧ù̧tè la, Pɔ̂l è shu abua yɔb nê, “Bɔnyɨ bɔ̧, e ngu wɔ̀tèfȩ bɔ li mbà̧aã am a Jèlusalèm ndzi a tèkitebu bòt Luêm la. Bɔ batè me baã am ale è nka ghɨ̀ ànəê àko ane bòt ba, è nka laꞋa kàbɔ̀ŋ ane ndɨ bɔ̀ɔ ntsèka mbɨ̀Ꞌɨ̀ bètǎt nyaꞋ ba e li sa abua ya la.

ÀfaꞋa 6:14

Ba li ndzə tà me shu nê Yesò wòt Nazàlet naa li tsòkè lob nɨ̧ Mbɔ̧ɔ̧mà a Jèlusalèm, e mě kubte mènəè mu Musì li ntsaa abua ya la.”

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.