ÀfaꞋa 26:29 - Mundani

²⁹ Pɔ̂l bɨ̀ɨ̀lè nê, “Kò àfɨꞋa ngaa aà sàà kò aà nyɨꞋa leꞋ, ko maà ntsàꞋta a Mbɔ̧ɔ̧mà nê, tà ghɨa bɨ bòt ba bàgème njùtâ èngǎ̧ am la è tsiꞋi mbɨꞋɨ̀ màa la. Wu nê, bɔ̀ ka nkùùle awɨ̧ ane fȩtsə mbɨ̀Ꞌɨ̀ bɔ kuule am anè la a.”

ÀfaꞋa 26:29 ပူးပေါင်းရင်းမြစ်များ

Jɔ̌n 5:34

ka è kà lem ngu nê, mâ bɔ ndɨ màa lɨ̀Ꞌ am ane ànəa wɔ̀bȩ̂ shu ane yaã la. E ndàꞋà mènəè maa anè wuê mbɨ̀Ꞌɨ̀ bɨa bɨ̧ɨ̧ne epeme.

ÀfaꞋa 12:6

È li ngu ètsəꞋ wu ètsəꞋ àa tsi Elɔ̀d naa tsǐ a Pità esaꞋa atò la, tà wu a kètsìà bèmbaabà babe tà nɔ̀ŋkè me li la. Bɔ kùùle atò ane fȩ tebe ngà èsele ane bèmbaabà bu babe la. Bèmbaabà ko e bɔ̂ ngu a ètsəê lob tèfȩ yu bɔ tɨ̧ɨ̧te la.

ÀfaꞋa 21:33

Tǎt banyà̧ wu gha a mbɨ̧̀ Pɔ̂l, ndzì èbu ane tò, mbɔ̂ ngɨ̀ bɔ kuule atò ane fȩ tebe. Tà bɔ̂ mbììte nê, “Mbê waa wu wàà à? Tà ghɨ̀ ghà à?”

ÀfaꞋa 25:14

Bɔ̀ tseke abàꞋ və ane èli ko, Festɔ̀s è tsɔ̀Ꞌte ànəa Pɔ̂l èshu abua fɔ̧̀ wu nê, “Wòt kǒ naa a si ŋàa Felìk li me dzəâ atɨ̧ ale tà wu a tèfȩ la.

Lûm 10:1

Bɔnyɨ bɔ̧, àghɨa èntɨ̧ɨ̧ am àa nkɨà la, nè àtsàꞋtè am abua Mbɔ̧ɔ̧mà wu nê bòt bɔ̧ bòt Izəèlȩê e wu bɔ mèmpème.

1 Kɔlìn 4:8

Bɨ bɔ èghɨ ègème bɨ̀a nkɨà la tê ndɔ̀Ꞌ! Bɨ jandèlè tè ndɔ̀Ꞌ? Ba ntsě àghɨ, ka bɨ tsiꞋi bèfɔ̧̀. A ghɨ̂ à ka ngu nê bɨ wu ndaŋa bèfɔ̧̀, ko baa wu bèfɔ̧̀ ba nɨ̧̀ ba.

1 Kɔlìn 7:7

Bòt bàgème e ghɨ̀ ale, ngu mbɨ̀Ꞌɨ̀ mmɔ̌, ko a bɔ̀ŋ am, ka Mbɔ̧ɔ̧mà nàà ŋǎ èghab wòt ègème tsa. Tàà ngɨ̀à wòt kǒ a èlɨ̀ waa, ngɨ̀à è via ane via nè èlɨ̀.

2 Kɔlìn 11:1

Mâ shu̧u̧te awɨ̧ nê bɨ̀ nyaꞋa njùte èngǎ̧ am, ka e màà ndzì àdziꞋa àkèghɨ̧̀ adù̧. Bɨ̀ kuule mèntɨ̧ɨ̧ mɨ̧ njùte!

Efesɔ̀s 6:20

Mâ tɨ̧ɨ̧ ane èlen Yesò, mbɔ̂ ngu a tèfȩ nkàà ànəa Ntu̧ Ntsɔ̧̀ yaa. Bɨ̀ tsàꞋta Mbɔ̧ɔ̧mà nê tà tsì kèbɔɔ ane yaã mbɨ̀Ꞌɨ̀ maa tsɔ̀te Ntu̧ Ntsɔ̧̀ yaa ane ndɨ mâ bɔ ndɨ màa tsɔ̀tè la.

Kɔ̀losìà 1:28

Baà shua waa waa ànəa Yesò, nɨa èyì nyɨ̀Ꞌta waa waa, mè səèŋkà ètû̧ bɔb mbɨ̀Ꞌɨ̀ bà me nɨ wòt ègème tà tsiꞋi àghɨ yeamɔꞋ nè Yesò Klistò la nkɨ̀Ꞌa a mbì Mbɔ̧ɔ̧mà, ŋut kuꞋu ane ebà ègème.