ÀfaꞋa 26:23 - Mundani

²³ Bɔ li nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ̂ ndɨ tàa li eye ngoꞋ te epfə, ebɔ ewu wòt mbì tàa lɔ̀Ꞌɔ eyu̧u̧me la. Nê, taa li eyu̧u̧me etsɔ̀te Ntu̧ Ntsɔ̧̀ mèmpème, è wù mbɨꞋɨ̀ èkaꞋà abua Bèjuê nè bòt kà wu Bèjuê la.”

ÀfaꞋa 26:23 ပူးပေါင်းရင်းမြစ်များ

Matìù 26:24

Waã Wòt naa pfə wuê mbɨ̀Ꞌɨ̀ bɔ shɨ a èbem àkata Mbɔ̧ɔ̧mà la, ka aa li bɨɨ àbâ wòt wu tàa fɨ̧̀ɨ̧̀ne atò la. A li mbɔ̀ŋ ko bɔ li bɔ̀ kà lem mbia ŋut.”

Matìù 27:53

ndzə a èbem ètsəsì bu. Yesò tseke tê njù̧ù̧me bɔ gha a èbem àpfəèa nɨ̧a Mbɔ̧ɔ̧mà tè bòt nyaŋ e ye awɔb.

Lûk 2:32

Taa ale nguê mbɨ̀Ꞌɨ̀ èkaꞋà àa nyɨꞋte alu̧ wê abua bòt kà wu Bèjuê la. Taa li ghɨ̌ bòt aa kɨꞋɨ ekukte bòt bê bu, è wu bòt Izəèlȩê la.”

Lûk 24:26

Tè bɨ bakà ko laꞋ nê Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ ka bɔ tseke a ègwet àtɨ̧ Kèfɔ̧̀ Mbɔ̧ɔ̧mà la à?”

Lûk 24:46

Mbɔ̂ shuê abua yɔb nê, “Eyaa àghɨa bɔ shɨ la, nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ ndɨ tàa ye ngoꞋ ebɔ epfə, ka naa me wu ane èlibȩ betat taa yu̧u̧me la.

Jɔ̌n 10:18

Wòt kǒ tàa bùŋè am kà e shu nê à wu ale la ntsě. Mâ ŋa àtsə am ane mɔ̧ nè mènkɔ̀ŋke. Mâ bɔ mètàŋ ndɨ betsiꞋa e ŋà àtsəa am mpfə la, mè mbɔ̀ mètàŋ ndɨ betsiꞋa e nju̧u̧mè la. Eyaa wu àghɨa Tǎt am Mbɔ̧ɔ̧mà laꞋnê e ngɨa la.”

Jɔ̌n 11:25

Yesò shu abua tò nê, “E ngu wòt tàa njù̧ù̧ma bòt ngɨa bɔ pema la. Wòt màà mpfəà ko tà bele yû̧ na tà zìà èntɨ̧ɨ̧ vi ane yaã la,

ÀfaꞋa 13:34

Eyaa wu ànəa Mbɔ̧ɔ̧mà li ndàꞋ ndɨ yèa yu̧u̧me a Yesò tè taa baka tsi fi a èbem èsî la, ‘Maà ŋa awɨ̧ ngule èlɔ̂t wu e ndi nkàꞋ abua Fɔ̧̀ Dàbid la.’

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

ÀfaꞋa 26:8

Èghǎ a ghɨ̂ ka bɨ̀a Bèjuê e kwàꞋtè nê, betsiꞋa Mbɔ̧ɔ̧mà kà yu̧u̧mè bòt bɔ pfəꞋte la à?

ÀfaꞋa 3:18

È li ngu tê afɨꞋa mbì, Mbɔ̧ɔ̧mà ghɨ̀ bèndàꞋàtɔŋ bi bàgème be tsɔ̀tè ndɨ Fɔ̧̀ wu tà li ndzɔꞋ etsàà la, nàa li ye ngoꞋ la. A li mbê mè ntè wuê mbɨ̀Ꞌɨ̀ tà li shuê la.

ÀfaꞋa 3:24

“TsiꞋ è shu awɨ̧ nê, Mbɔ̧ɔ̧mà li ngɨ̀ bèndàꞋàtɔŋ bi bàgème, fɔɔle nè Samùèl nè èbe be li nkɨ̀Ꞌɨ̂ akwen tò la, bɔ shu mènəè nàa ghɨ̌ ane èli bàa la.

1 Kɔlìn 15:3

E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Kɔ̀losìà 1:18

Tà mè ngu àtsəa chɔsì wu è wu mbɨ̀Ꞌɨ̀ mbɨ̧̀ ènyit Yesò Klistò zìambɔŋ la. Wu tòà tà li ngɨ̀ bɔ bɔ mèmpème la. Tà wu wòt mbì Mbɔ̧ɔ̧mà li njù̧ù̧me mbɨ̀Ꞌɨ̀ e ghɨ̌ taa wu àtsəa èghɨ ègème la.

Ebùlù 2:10

Mbɔ̧ɔ̧mà wu wòt tà li ngɨ̀ ka àghɨ àgème a wu la, mè ngua ngɨ̀à èghɨ mbɔŋ ègème abua zi. Tà li ngua nkɨà nê bòt nyaŋ è wu bɔ̧ bi mbɨ̀Ꞌɨ̀ èghɨ bɔɔ bɔ ènɨ̧. A li mbɔ̀ŋ nê tà ghɨa wòt wu tàa ghɨ bòt aa bɔ mèmpème la ye ngoꞋ mbɨ̀Ꞌɨ̀ ewu àghɨa tà bɔ ndɨ tàa wu yùà la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.