ÀfaꞋa 26:22 - Mundani

²² Ka, ekɨꞋɨ wu laane waa, Mbɔ̧ɔ̧mà nàà ntɨ̀ŋa am. È wu ale, e ngu a si ŋàa eshu àghɨa mâ ye mè nko la abua waa waa, wɔ̀jûŋ nè watèchɨɨle. Mènəè maa e shua la, wu kwàꞋ mènəè mu bèndàꞋàtɔŋ Mbɔ̧ɔ̧mà bɔ̂ Musì ba e li nê naa li ghɨ̀ la.

ÀfaꞋa 26:22 ပူးပေါင်းရင်းမြစ်များ

Matìù 26:24

Waã Wòt naa pfə wuê mbɨ̀Ꞌɨ̀ bɔ shɨ a èbem àkata Mbɔ̧ɔ̧mà la, ka aa li bɨɨ àbâ wòt wu tàa fɨ̧̀ɨ̧̀ne atò la. A li mbɔ̀ŋ ko bɔ li bɔ̀ kà lem mbia ŋut.”

Lûk 16:28

na ma bɔ bɔnyɨ bɔ̧ batà̧â̧ la, nkɨ̀ɨ̀te awɔb mbɨ̀Ꞌɨ̀ wòt wɔb kɨꞋɨ̀ àdziꞋa ngoꞋ yàa.’

Lûk 24:27

Yesò ghɨ̀ ale, ngàꞋte mènəè mu bɔ̀ le shɨ a èbem àkata Mbɔ̧ɔ̧mà ane zi la, è shu awɔb, e buꞋa ane àghɨa Musì lè shɨ la, eghǎ dzəâ ane ayea bèndàꞋàtɔŋ Mbɔ̧ɔ̧mà bàgème e li shuê la.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Lûk 24:46

Mbɔ̂ shuê abua yɔb nê, “Eyaa àghɨa bɔ shɨ la, nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ ndɨ tàa ye ngoꞋ ebɔ epfə, ka naa me wu ane èlibȩ betat taa yu̧u̧me la.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 1:45

Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

Jɔ̌n 5:46

È wu nê bɨ li mbɨ̧̀ɨ̧̀ne èngǎ̧ Musì nkûŋ ko bɨ zì mèntɨ̧ɨ̧ mɨ̧ ane yaã, nkàà nê, tà li shɨŋ shu ànəa wòt è ngu wùà la.

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 13:29

AfɨꞋa bɔ paa mènəè ègème Àkata Mbɔ̧ɔ̧mà a làꞋà ane tò la, bɔ shuke atò a ègwet mbasa wu ngà ndzi a èbem èsî.

ÀfaꞋa 24:14

TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

ÀfaꞋa 26:17

Maà kele mbɨ̀Ꞌɨ̀ bòt Izəèlȩê nè bòt kà wu Bèjuê bu màa tsàà àwê abua yɔb la, e zì àlɔꞋ ane yê.

ÀfaꞋa 26:6

Ka nè àfɨ̀Ꞌ yaa, e ngu a si ŋàa mâ tɨ̧ɨ̧ bɔ me saꞋa am la, ndɨ̀ wu mâ bɔ ntɨ̀ ane mènkàꞋa mu Mbɔ̧ɔ̧mà lè kaꞋa abua bètǎt nyaꞋ ba la.

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

Lûm 3:21

Mbɔ̧ɔ̧mà lâ nyɨ̀Ꞌte àfɨ̀Ꞌ yaa ndɨ yèa ngɨ̀à ka nɨa wòt nê tà tɨ̧ɨ̧ ndɨŋndɨ̀ŋ a mbì li la. Àyaa a bakà bɔ àghɨa ko àa ghɨ̌ nê mànɔŋa mbɨ̧ la. Ka mbɨ̧ nè àghɨa bèndàꞋàtɔŋ e li shɨŋ la a li nyɨ̀Ꞌte a èlɨ ngaa mɨ̧̂.

1 Kɔlìn 15:3

E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

1 Kɔlìn 15:4

Bɔ li ntu atò, è me wu ane èli betat tà yu̧u̧mê, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

2 Tɔ̀màtià 3:11

À ko ndɨ bɔ li ngua nkɨà àtsə am enɨ ane ànəa Yesò la, nè ngoꞋ e ndi ndzě a Antìɔ̀k, nè Ikoniòm, bɔ̂ Lislà la. Bɔ li ntaꞋa nyɔ̀Ꞌte a mànɨa àtsəa am, ka Tǎt wa ghɨ̀ e mpeme èvə ane mènəè ngaa ègème.

Ètsə 11:18

Bòt èlaꞋ bu kà ko awê la aa ntsòa nkwèèlâ àtsə, mbɔ̂ àfɨꞋa àa nɔ̀ŋe ntsǒ yê a ègwet lɔb la a kɨꞋɨ̀. Wu àfɨꞋa saꞋa bòt bu bɔ pfəꞋte la. AfɨꞋa a kuꞋ àa ŋa àbȩ̀ bèndàꞋàtɔŋ bê è wu bɔfàꞋ bê, nè bòt bê bàgème, mè nè wòt ègème tàa nkùkta wê la, bòt techɨɨle nè bɔɔjuŋ. Eyaa mè ngu àfɨꞋa àa liime bòt bu bɔ̀ɔ ntsòkà sitsǎꞋ la.”

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Ètsə 20:12

E mè ndze bòt bɔ li mpfəèꞋtê la, bɔjûŋ nè bɔ̀techɨɨle, bɔ tɨ̧ɨ̧te a mbì àtɨ̧a kèfɔ̧̀ yu. Bɔ ghaꞋa èkatè ko. Bɔ ghɨ̀ ale, mè ngaꞋa àyea ko nè àkatè, è wù àkatè mèmpème la. Bɔ ghaꞋte èkatè bu saꞋa bòt bu bɔ li mpfəèꞋtê la ane mènəè bɔ li ngɨ̀ la.