ÀfaꞋa 26:10 - Mundani

¹⁰ Eyaa wu àghɨa e ndi ngua ngɨ̀à a Jèlusalèm la. Bètǎt bèntsìà mèpɨ̧̀ Mbɔ̧ɔ̧mà e li ŋà mètàŋ abua am e me baãaã bòt Mbɔ̧ɔ̧mà nyaŋ ndzìà a tèfȩ. È ghɨ̀ è wu àfɨꞋa bɔ laꞋnê bɔ̀ bùŋè àwɔb la, mmɔ̌ mbɔŋ e mbɨ̧ɨ̧nè.

ÀfaꞋa 26:10 ပူးပေါင်းရင်းမြစ်များ

ÀfaꞋa 7:58

səèŋne atò ndzəè a èbem àpfəèà nɨ̧ yu ntèmte atò ane àti. Bòt bu aà ngà a màntemta Stifèn ale, sɔ̀tè mèmà̧ mɔb ŋǎ abua wakèsà kǒ bɔ̀ɔ ntɔ atò ane Sɔ̂l la.

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

ÀfaꞋa 8:3

Ka è me wu a Sɔ̂l tà nyɔ̀Ꞌte nê yea me tseke a si ntaa chɔsì wu. Tà me ghǎ a lobtsə səèŋnà mbâ̧ ègème nè àvi tà zì èntɨ̧ɨ̧ vi ane Yesò la nɨa wɔb ngà maꞋa a tèfȩ.

ÀfaꞋa 9:21

Bòt bàgème bɔ zə ndɨ tà làꞋà la, e ghaꞋa mètsəê mɔb ànəê a tsè awɔb la, me biite a kètsìà awɔb nê, “Ka mbê waa wu wòt wu a Jèlusalèm tàa mbùŋa a waa waa tàa ntsàꞋtà a Yesò la à? Ka tà ghɨ̂ me chu a si ŋàa ale ngua nchua mbɨ̀Ꞌɨ̀ ebaãaã bòt enɨ awɔb eghǎ vəèə abua bètǎt bèntsìà mèpɨ̧̀ Mbɔ̧ɔ̧mà à?”

ÀfaꞋa 9:26

Sɔ̂l ghɨ̀ ale, ngwènè a Jèlusalèm me kɨ enyɔ̀Ꞌte enyi ayɔɔ bɔkatè Yesò, ka bɔ̀ ka wua mbɨ̧̀ɨ̧̀nâ nê tà wu bɔ̂ tò ba nɔ̂.

ÀfaꞋa 9:32

Mènəè maa li me tsè ale, Pità taꞋa wua ngȩ̀ȩ̀nà a èdzìꞋ nyaŋ. È li ngu ane àli ako, tà nê ye gha eye bòt Mbɔ̧ɔ̧mà a Lidà.

ÀfaꞋa 9:41

Pità tsàà àbu azi ntɨ̀ŋe atò, tà lɔ̀Ꞌɔ a si. Tà tɔ bòt Mbɔ̧ɔ̧mà nè bènempfə bu ŋa atò tà yu̧u̧me la abua yɔb.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

Gàlashìà 1:13

Bɨ zə mènəè e ndi ngua ngɨ̀à àfɨꞋa mbì ane èlɨ Bèjuê e li ngua nkɨ̀à nɨ̀a nkùŋa Mbɔ̧ɔ̧mà la. E ndi ngua nùà chɔsì Mbɔ̧ɔ̧mà ndâ nkɨ eliime awɔb kwàꞋ ane ètɨ̧̂, kà ku tèsȩ.

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.