ÀfaꞋa 25:8 - Mundani

⁸ Ka Pɔ̂l è fàà àvi abua yɔb nê, “E mbakà ghɨ ànəa kàbɔ̀ŋ ako ane mbɨ̧te Bèjuê. È nka ghɨ̀ ànəa kàbɔ̀ŋ ako ane lob nɨ̧ Mbɔ̧ɔ̧mà a Jèlusalèm. È nka fà̧ ànəê abua empelɔ̀ wu a Luêm la.”

ÀfaꞋa 25:8 ပူးပေါင်းရင်းမြစ်များ

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 24:12

Bèjuê e li bɔ̀ ka ye am nkàànà ànəê ba wòt kǒ a èbem lob nɨ̧ Mbɔ̧ɔ̧mà a Jèlusalèm la. Bɔ̀ ka lem ndzè am adzìꞋ àko tsa a èbem àpfəèà nɨ̧ yu, ka wuê a èbem lobte Mbɔ̧ɔ̧mà tɔb nkɨ elɔ̀ke ngoꞋ a kètsìà bòt la.

ÀfaꞋa 24:14

TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

ÀfaꞋa 24:6

Tà li ngɨ̀ tè nyɔ̀Ꞌtè nê ye kɨ etsòkè lob nɨ̧ Mbɔ̧ɔ̧mà a Jèlusalèm, ka ba baãaã atò. [Ba li ntàŋkê nê baa saꞋa atò mbɨ̀Ꞌɨ̀ mbɨ̧ ta tèa nkɨ̀a la,

ÀfaꞋa 25:10

Pɔ̂l bɨ̀ɨ̀lè nê, “E ngu anè a mbì bòt èsaꞋa Empelɔ̀ Luêm. Eyaa wu àdziꞋa bɔ̀ɔ saꞋa am la. Mbɨ̀Ꞌɨ̀ àwɔ̀ mbɔŋ à ko la, e mbakà ghɨ̀ ànəa kàbɔ̀ŋ ako abua Bèjuê.

ÀfaꞋa 28:17

Èli e li ntsè betat, Pɔ̂l è tɔ bɔɔjuŋ Bèjuê bu a Luêm la nê, bɔ̀ kɨꞋɨ bɔ̂ tò ba e mua. ÀfɨꞋa bɔ bù̧ù̧tè la, Pɔ̂l è shu abua yɔb nê, “Bɔnyɨ bɔ̧, e ngu wɔ̀tèfȩ bɔ li mbà̧aã am a Jèlusalèm ndzi a tèkitebu bòt Luêm la. Bɔ batè me baã am ale è nka ghɨ̀ ànəê àko ane bòt ba, è nka laꞋa kàbɔ̀ŋ ane ndɨ bɔ̀ɔ ntsèka mbɨ̀Ꞌɨ̀ bètǎt nyaꞋ ba e li sa abua ya la.

ÀfaꞋa 28:21

Bèjuê bu e bɨ̀ɨ̀lè nê, “Ba bakà ye àkatè àko a dzə a Jùdià ane ànəê ayê la. Wanyɨ wa kǒ bakà lem ndzə abàꞋ və nè ntu̧, bà ka ye wòt kǒ tà kɨꞋɨ eshu ànəa kàbɔ̀ŋ ako àtsə ayê la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.