ÀfaꞋa 25:25 - Mundani

²⁵ È wu am mmɔ̌ mbɔŋ, ko e mbakà ye nê tà ghɨ ànəa kàbɔ̀ŋ ako tè ngu àyea màa laꞋnê bɔ̀ bùŋe atò la. Ndɨ̀ wu tòà zìambɔŋ è sɨɨbè nê wu empelɔ̀ ka tàa saꞋa avi la, e ngu etsàa atò abua tǎt wa wuê mbɨ̀Ꞌɨ̀ tà shu la.

ÀfaꞋa 25:25 ပူးပေါင်းရင်းမြစ်များ

Lûk 23:14

shu abua yɔb nê, “Bɨ lɔ̀Ꞌ nɨ a mbê waa nɨŋ nkɨ̀Ꞌɨ̂ abua am nê, tàà ntsòkà ètsə bòt àlaꞋ, ka nè àfɨ̀Ꞌ yaa, mâ lɨ̀ŋke atò a kètsìà wɨ̧ tè ndze nê tà bakà paate mbɨ̧ ane mbɨ̧ tu bɨ shua nê tà pààtè la.

Lûk 23:4

Pȩlèt shu abua bètǎt bèntsìà mèpɨ̧̀ Mbɔ̧ɔ̧mà bu nè ènɔ̧̂ bòt bu abot la nê, “E bakà ye àghɨa tà ghɨ̀ tê è wu àyea bɔ̀ɔ bùŋe atò la.”

Jɔ̌n 18:38

Pȩlèt bììte atò nê, “Nkûŋ wu ghàà?” Tà biite ale mè ndzəè nga àbȩ nkwene ane Bèjuê bu, shu abua yɔb nê “E mbakà yea ànəa kàbɔ̀ŋ ko tà ghɨ̀ la.

ÀfaꞋa 23:29

Ngà ale, bɔ me làꞋà tê è nka ye ngule ànəê àko tà ghɨ̀ tê è wu àyea bɔ̀ɔ bùŋe atò la, kò àyea bɔ̀ɔ zi atò ka wuê a tèfȩ la leꞋ. Mènəè mu bɔ zǐ àtsə atò la wu mènəè mbɨ̧ tɔb.

ÀfaꞋa 23:9

Àŋȩte yu a me kɔꞋɔ ngà wuê nè ègwet, tè bènyɨꞋtà mbɨ̧te Musì ko bɔ̀ le wu akwene Bèfalèsiì bu la, e lɔ̀Ꞌɔ a si me ŋȩa ntù̧a àyɔb mɨ̧̂, shua nê, “Ba bakà ye ànəa kàbɔ̀ŋ ako mbê waa è ghɨ̀ la. Ateko wantu̧ Mbɔ̧ɔ̧mà kǒ, kò wuê fo kǒ leꞋ, è làꞋa abua tò ane nkûŋ.”

ÀfaꞋa 25:26

Ka e mbakà lem ndzè ngule ànəê ane tò waa màa shɨ abua empelɔ̀ wu la. È wu ale, mâ nɨ atò nɨŋ nkɨ̀Ꞌɨ̂ a si ŋàa a mbì lɨ̧ bɨ fɔ̧̀ Aglipà ba, nê tà làꞋa èngǎ̧ vi zìambɔŋ, fɔ̧̀ Aglipà zə. Ba me wu ale mbàŋè ànəa ngaa tè ndze, ko mâ ko ànəa màa shɨ abua empelɔ̀ wu la.

ÀfaꞋa 26:31

Bɔ̀ dzəè a lob və, bɔ me mua a kètsìà wɔb è shua nê, “Mbê waa bakà ghɨ ànəê àko bɔ̀ɔ bùŋe atò, kò àyea bɔ̀ɔ zǐ atò ka wuê a tèfȩ la leꞋ.”

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 28:18

Bòt Luêm e li mbììte am mènəè tè ntsìꞋa nkɨ esǎ am, nkàà nê bɔ li ndze nê, e mbakà ghɨ ànəa kàbɔ̀ŋ ako tè è wu àyea bɔ̀ɔ bùŋè am la.