ÀfaꞋa 24:5 - Mundani

⁵ “Ba ye nê mbê waa wu kwàꞋ anyà̧kàbɔ̀ŋ a kètsìà bɔbȩ. Tàa ngɨ̀ tà tsě adzìꞋ àgème a ngɔ̀ŋ ŋaa, tà lɔ̀kè ngoꞋ a kètsìà Bèjuê. Tàa anè ngu ndâ wòt tà wu àtsəa ènɔ̧̂ bòt bu bɔ̀ɔ ntɔ awɔb nê bòt Nazàlet la.

ÀfaꞋa 24:5 ပူးပေါင်းရင်းမြစ်များ

Matìù 10:25

Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.

Matìù 2:23

me tseke àpfəa ko bɔ̀ɔ ntɔ nê Nazàlet la. À li ngɨ̀ anè mbɨ̀Ꞌɨ̀ àghɨa bèndàꞋàtɔŋ Mbɔ̧ɔ̧mà e li shu ane Fɔ̧̀ wu Mbɔ̧ɔ̧mà li ndzɔꞋ etsàà la, aa wu nkûŋ, nê, “Bɔɔ li tɔ atò nê wòt Nazàlet.”

Ntu̧ Ntsɔ̧̀ MAK 1:24

“Yesò wòt Nazàlet, à kɨa ghà abua ya à? À kɨ̀Ꞌa a si ŋaa eliime awa à? Mâ ko wòt à wu wùà la. À wu ngule wantu̧ Mbɔ̧ɔ̧mà.”

Lûk 23:19

Bàlabasì li me wu a tèfȩ ale, ngu ndɨ ngoꞋ li ndzəè a àpfəèà nɨ̧ yu tà mè bùŋe wòt la.

Lûk 23:2

Mbɨ̀Ꞌɨ̀ bɔ kɨꞋɨ tê ndzə a mbì tò la, bɔ bùꞋ me zì mènəè àtsəa Yesò shua nê, “Ba baãaã a mbê waa ndùta bòt ba shua nê, bɔ̀ ka ŋà èkab taksì abua Sisà, mè shua nê ye wu wòt wu Mbɔ̧ɔ̧mà yɔꞋ ntsà taa wu Fɔ̧̀ la.”

Lûk 23:25

Tà tsɔꞋɔ wòt wu bɔ li ntsaa atò a tèfȩ ambo ndèm nè ndɨ bɔ bùŋe wòt la sàŋ, mbɔ̂ ŋǎ a Yesò abua yɔb nê bɔ̀ ghɨ̀ ne tò mbɨ̀Ꞌɨ̀ bɔ kɔ̀ŋkè la.

Lûk 23:5

Ka bòt bu e me ŋwèèlè wuê ŋwèèle shua nê, “Tàà ndùta bòt nyɨ̀Ꞌta a èbem àlaꞋ a Jùdià àgème, e lɔ̀Ꞌɔ a Galìlî e kɨꞋɨ̀ tê wu adzìꞋ yaa.”

ÀfaꞋa 15:5

Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”

ÀfaꞋa 21:28

Bɔ baãaã atò ale, me ŋȩa shua nê, “Bòt Izəèlȩê, bɨ̀ tɨ̀ŋe awa. Eyaa wu mbê wu tàa ngȩ̀ȩ̀nà nyɨ̀Ꞌta bòt bàgème nê bòt Izəèlȩê, nè mbɨ̧te Musì, fɔ̀ɔ̀lè ne lob nɨ̧ Mbɔ̧ɔ̧mà a Jèlusalèm wu èghɨ aku la. Ye atò àfɨ̀Ꞌ yaa tà chɨɨmè nɨ bòt ko kà wu Bèjuê nyi a èbem lob nɨ̧ Mbɔ̧ɔ̧mà a Jèlusalèm tè ntsòkè lob ngaa la.”

ÀfaꞋa 22:22

Bòt bu e buŋ me yute tê Pɔ̂l è làꞋ ànəê yaa, bɔ bùꞋ me ŋȩ ane ètɨ̧̂ shua nê, “Bɨ̀ tsi atò a sitsǎꞋ ŋàa. Bɨ̀ bùŋe atò. Tà bakà kùꞋu wòt tàa me tseke a ngɔ̀ŋ ŋaa la.”

ÀfaꞋa 24:14

TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

ÀfaꞋa 24:4

Maà ka kɨ etsòke àfɨ̀Ꞌ àyê nyaŋ, è wu ale, e me shu̧u̧te awê nê, à nyaꞋa mbuŋ njùte awadziꞋ ànəê yaa e nkɨ eshu ane èlen la bàgème la.

ÀfaꞋa 25:7

ÀfɨꞋa tà kɨꞋɨ la, Bèjuê bu bɔ lɔ̀Ꞌɔ a Jèlusalèm la, e ghaale atò mbùꞋ me shu taꞋà mènəè kàbɔ̀ŋ tà ghɨ̀ la, kà lem ndze àlȩê bɔ ŋa ane ayea ko la.

ÀfaꞋa 26:5

Bɔ ko ane àfɨ̀Ꞌ à seè, na bɔ wuê ebɨ̧ɨ̧ne e shu awê la, nê ebùꞋu tê àfɨꞋa mbì, maà ngɨ̀à mènəè mɔ̧ wuê mbɨ̀Ꞌɨ̀ ènɔ̧̂ bòt bu bɔ̀ɔ mbê ndâ ntsàꞋta a Mbɔ̧ɔ̧mà ndɨ mbɨ̧ ta tèa nkɨ̀a la. Bòt baa e shua la wu Bèfalèsiì.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

ÀfaꞋa 5:17

ÀfɨꞋa mbɔŋ àtsəa bèntsìà mèpɨ̧̀ Mbɔ̧ɔ̧mà nè bèshu̧ bi bu be li ngu a ènɔ̧̂ Bèsadùsiì la, e me ghòꞋnè bɔntu̧ Yesò bu tè nê bɔ ghɨ ànəê.

ÀfaꞋa 6:13

Mbɨ̀Ꞌɨ̀ bɔ ghà te ngu a lob èsaꞋa yu la, bɔ nɨ bòt ko nê bɔ̀ kɨꞋɨ ndzì mènəè àtsəa tò. Bòt ngaa e kɨꞋɨ nê, “Mbê waa bê nge tàa ntsèka ndàꞋà mènəè kàbɔ̀ŋ adù̧ lob nɨ̧ Mbɔ̧ɔ̧mà yu Jèlusalèm bàa ntsàꞋtà tò a èbèm la, mè nè mbɨ̧ tu Mbɔ̧ɔ̧mà ghɨ̂ Musì tsaa abua ya la.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

1 Kɔlìn 4:13

Bòt è me tsǐ mpəè ta, ba me tsɔꞋɔ èngǎ̧ wɔb ane àlàŋkè. Bòt ngɔ̀ŋ yaa e tsiꞋa ndzea wa àfɨ̀Ꞌ yaa mbɨ̀Ꞌɨ̀ ndɔ̀tetsə, mè ndzea wa mbɨ̀Ꞌɨ̀ èghɨ waꞋa ekɨꞋɨ dzə àfɨ̀Ꞌ yaa.

1 Pità 2:19

Aa ale nkàà nê Mbɔ̧ɔ̧mà naa lɔ̀ɔ̀le bòt bu bɔ ghǎ ambo ndɨ bɔ̀ɔ nkɨ e ghɨ̀ àghɨa tàa nkɨà la, ndzě ngoꞋ kà wu yɔb la.