Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÀfaꞋa 24:14 - Mundani

14 TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

အခန်းကိုကြည့်ပါ။ ကော်ပီ




ÀfaꞋa 24:14
44 ပူးပေါင်းရင်းမြစ်များ  

“Ale, wòt ègème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, maa li mbɨ̧̀ɨ̧̀ne nê tà wu wòt am mɨ̧̂ a mbì Tǎt am wu a ègwet la.


Mènəè ègème mbɨ̧te Musì nè bèndàꞋàtɔŋ Mbɔ̧ɔ̧mà àa shua la, e dzə a èbem mbɨ̧ tàa tebe la.”


Ale, àghɨa àa nkɨà nê bòt è ghɨ̌ abua yê la, ghɨ̌ abua yɔb mɨ̧̂, nkàà nê eyaa wu àghɨa mbɨ̧te Musì nè bèndàꞋàtɔŋ Mbɔ̧ɔ̧mà e shuà la.


mbɨ̀Ꞌɨ̀ tà li ngɨ̀ bèndàꞋàtɔŋ tò e làꞋ ane mèngùꞋ nyaŋ è tsè la.


“Bòt e li ngua ndzəa wuê mènəè mbɨ̧te Musì nè mèngǎ̧ bèndàꞋàtɔŋ Mbɔ̧ɔ̧mà eghǎ edzəâ ane àfɨ̀Ꞌ Jɔ̌n ndzìà èdzî. E bùꞋu àfɨꞋa mbɔŋ Ntu̧ Ntsɔ̧̀ kèfɔ̧̀ Mbɔ̧ɔ̧mà wu a mètsəê bòt bɔ̀ tsɔ̀tà, tè waa waa tà zə la tsiꞋa nùà ane ètɨ̧̂ nkɨ enyi a èbem.


“Ka Abàlàghâm nê, ‘Bɔ bɔ a Musì nè bèndàꞋàtɔŋ Mbɔ̧ɔ̧mà, bɔ̀ yute awɔb.’


Yesò ghɨ̀ ale, ngàꞋte mènəè mu bɔ̀ le shɨ a èbem àkata Mbɔ̧ɔ̧mà ane zi la, è shu awɔb, e buꞋa ane àghɨa Musì lè shɨ la, eghǎ dzəâ ane ayea bèndàꞋàtɔŋ Mbɔ̧ɔ̧mà bàgème e li shuê la.


ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”


Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”


BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”


Bɔ̀ tɔ mbɨ̧te Musì, nè àkata bèndàꞋàtɔŋ Mbɔ̧ɔ̧mà, bòt àtsəa lob Mbɔ̧ɔ̧mà Bèjuê e tsàà ntu̧ abua yɔb nê, “Bɔnyɨ ba baa nkɨà nê bɨ̀ làꞋa èngà̧ abua bòt baa, na bɨ bɔ èngà̧ e kɨɨte awɔb la.”


Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”


Eyaa li ngu àfɨ̀Ꞌ yu ngoꞋ kèkweelè li ndzə a Efesɔ̀s nkàà ànəa Alu̧ Yesò wu la.


Ka bòt àtsə àkekweelè ko ane yɔb è ka wua nkɨ ebɨ̧ɨ̧ne, bɔ tsiꞋi me làꞋà mènəè kàbɔ̀ŋ ane Alu̧ Yesò waa a mbì ndzɔ̀ŋ bòt yu. Ale, Pɔ̂l sà bèŋût, ntsìꞋi nɨ wuê bɔkatè Yesò bu. Àli àgème bɔ̂ tò ba e me baãaãte èngǎ̧ Mbɔ̧ɔ̧mà a èbem tsâ̧ wu Tìlanùs li ngua ndàꞋà abua bòt la.


“Tà mè nê, ‘Mbɔ̧ɔ̧mà bètǎt nyaꞋ ba è lȩ̀ awê nê à ko àghɨa yèa nkɨà la, mè ndzè ngule Waã vi tà tɨ̧ɨ̧ ndɨŋndɨ̀ŋ a mbì li la, ndɔ̀Ꞌ ndzə atò ndaꞋa ane azi ne àtɔŋ la.


Ale, ndɨ̀ wu Felìk neetè nko Alu̧ Yesò la, tà nê bɔ̀ nyaꞋa səèꞋtè èsaꞋa wu nɔ̀ŋè akwèn. Mbɔ̂ èshu abua bòt bu nê, “Maa tsiꞋi esaꞋa ànəê yaa àfɨꞋa Lȩsìàs wu tà wu tǎt banyà̧ la è kɨꞋɨ la.”


“Ba ye nê mbê waa wu kwàꞋ anyà̧kàbɔ̀ŋ a kètsìà bɔbȩ. Tàa ngɨ̀ tà tsě adzìꞋ àgème a ngɔ̀ŋ ŋaa, tà lɔ̀kè ngoꞋ a kètsìà Bèjuê. Tàa anè ngu ndâ wòt tà wu àtsəa ènɔ̧̂ bòt bu bɔ̀ɔ ntɔ awɔb nê bòt Nazàlet la.


Ka Pɔ̂l è fàà àvi abua yɔb nê, “E mbakà ghɨ ànəa kàbɔ̀ŋ ako ane mbɨ̧te Bèjuê. È nka ghɨ̀ ànəa kàbɔ̀ŋ ako ane lob nɨ̧ Mbɔ̧ɔ̧mà a Jèlusalèm. È nka fà̧ ànəê abua empelɔ̀ wu a Luêm la.”


Ka, ekɨꞋɨ wu laane waa, Mbɔ̧ɔ̧mà nàà ntɨ̀ŋa am. È wu ale, e ngu a si ŋàa eshu àghɨa mâ ye mè nko la abua waa waa, wɔ̀jûŋ nè watèchɨɨle. Mènəè maa e shua la, wu kwàꞋ mènəè mu bèndàꞋàtɔŋ Mbɔ̧ɔ̧mà bɔ̂ Musì ba e li nê naa li ghɨ̀ la.


Fɔ̧̀ Aglipà, mâ ye nê à bɨ̧ɨ̧ne ànəa bèndàꞋàtɔŋ Mbɔ̧ɔ̧mà e li ngua shua la.”


“Bèjuê bàgème e ko ndɨ màa ngɨ̀à mènəè mɔ̧ la, e bùꞋù tê àfɨꞋa e ndi ngu watèchɨɨle la. Bɔ yàŋe ko tê a mèmbùꞋu ndɨ màa ngɨ̀à mènəè mɔ̧ ègème a èbem àlaꞋ am nè Jèlusalèm la.


Ka nè àfɨ̀Ꞌ yaa, e ngu a si ŋàa mâ tɨ̧ɨ̧ bɔ me saꞋa am la, ndɨ̀ wu mâ bɔ ntɨ̀ ane mènkàꞋa mu Mbɔ̧ɔ̧mà lè kaꞋa abua bètǎt nyaꞋ ba la.


Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”


Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.


Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.


Bɨ li ngù̧ù̧te a Yesò a mbɨ̧̀ mbasa mbùŋe atò, ka Mbɔ̧ɔ̧mà bètǎt ba yu̧u̧mè atò.


‘E ngu Mbɔ̧ɔ̧mà wu bètǎt nyaꞋ bê Abàlàghâm bɔ̂ Asàk nè Jàkɔ̂b e li ngùa ntsàꞋtà la.’ Kèbɔɔ ke baãaã a Musì, ènyit tò e bentè, tè tà kà lem ntsi ndɨ̀ŋkè abot.


nê tà ŋa mèkatè nàa nyɨ̀Ꞌta wòt ye wu wùà la, ye nɨŋ nga a lobte Mbɔ̧ɔ̧mà àpfəèà nɨ̧ a Dàmaskɔ̀s. Mbɨ̀Ꞌɨ̀ ye gha abàꞋ və, yè ye bòt bɔ̀ɔ nkùŋà alu̧ Yesò la, ye ko mbà̧à̧ àwɔb, mbâ̧ nè àvi nɨŋ nkua akwèn nkɨ̀Ꞌɨ̂ a Jèlusalèm.


Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,


Mbɔ̧ɔ̧mà lâ nyɨ̀Ꞌte àfɨ̀Ꞌ yaa ndɨ yèa ngɨ̀à ka nɨa wòt nê tà tɨ̧ɨ̧ ndɨŋndɨ̀ŋ a mbì li la. Àyaa a bakà bɔ àghɨa ko àa ghɨ̌ nê mànɔŋa mbɨ̧ la. Ka mbɨ̧ nè àghɨa bèndàꞋàtɔŋ e li shɨŋ la a li nyɨ̀Ꞌte a èlɨ ngaa mɨ̧̂.


Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.


mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.


Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.


Wòt me tsòkè àtsəa bòt Yesò nkɨ eghàbtè àwɔb, à ŋȩ̀te atò. À ŋȩte ngò̧ tebe, tà me ghɨ̀ wuê ghɨ̌, à tsi atò ayɔɔ.


Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.


E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ