ÀfaꞋa 23:6 - Mundani

⁶ AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”

ÀfaꞋa 23:6 ပူးပေါင်းရင်းမြစ်များ

Matìù 10:16

“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba.

Matìù 22:23

È li ngu ane àlia mbɔŋ Bèsadùsiì, bòt bu bɔ̀ɔ shua nê betsiꞋa wòt kà pfə mè njù̧ù̧me la, e kɨꞋɨ ndze a Yesò mbììte atò

Matìù 3:7

Ka àfɨꞋa tà ye Bèfalèsiì nyaŋ nè Bèsadùsiì nkɨ̀Ꞌa taa zǐ àwɔb a èdzî mɨ̧̂ la, tà bììte awɔb nê, “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

ÀfaꞋa 22:3

Nê “E ngu wòt Juê bɔ bi am Tasɔ̀s àbâ àlaꞋ a Sìlisìà la. Mbɔ̂ e ndi ntsə a Jèlusalèm ŋaa mbɨ̀Ꞌɨ̀ wakatè Gàmalìà. Bɔ li nèètè nyɨ̀Ꞌte am ndɨ màa me kùŋe mbɨ̧te bètǎt nyaꞋ ba la. E mè ŋà ènyit yaã abua Mbɔ̧ɔ̧mà wuê mbɨ̀Ꞌɨ̀ bɨ̀agème wàà bɨ tɨ̧ɨ̧ a si ŋàa laane la.

ÀfaꞋa 22:30

Tǎt banyà̧ wu li ngua nkɨ eko àghɨ yu a chɨɨmè ngɨ̀ ka Bèjuê e me kɨ a Pɔ̂l ebùŋè la. ÈtsəꞋ e tsi, tà ghɨ̀ bɔ yaa a Pɔ̂l, mbɔ̂ ntɔ bèntsìà mèpɨ̧̀ Mbɔ̧ɔ̧mà nè bòt èsaꞋa ko bu bàgème nê bɔ bu̧u̧ta. Tà nɨ a Pɔ̂l ngà ngɨ̀ tà tɨ̧ɨ̧ a mbì lɔb.

ÀfaꞋa 22:5

Bɨ biitè àtsəa bèntsìà mèpɨ̧̀ Mbɔ̧ɔ̧mà, bɔ̂ bòt lob èsaꞋa, ko bɔɔ shu awɨ̧ nê e ndàꞋà nkûŋ. Bɔ li ŋà mèkatè abua am nê, è nga ŋa abua Bèjuê bu è wu bòt Yesò a Dàmaskɔ̀s la. Ale, e nchu nga abàꞋ və ebaãaã bòt Yesò bu ekuule awɔb ane fȩtsə enɨ ewène a Jèlusalèm bɔɔ ŋa awɔb ngoꞋ.”

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 23:15

È wu ale, bɨ bòt èsaꞋa e tsàà ntu̧ abua tǎt banyà̧ Luêm nê tà nɨ a Pɔ̂l nchu ŋǎ abua yɨ̧. Bɨ̀ me tsɔ̀te ntu̧ yu, bɨ fɨtè nê bɨ kɨ nèète ekɨ mènəè mu bòt e shua ane tò la. Ka bàambɔŋ e taãaã ndɨ bàa bùŋe atò kà tà lem nkɨ̀Ꞌɨ̂ te nyi a si ŋàa la.”

ÀfaꞋa 23:20

Mbalù̧ yu nê, “Bɔɔjuŋ Bèjuê e laŋkè nê bɔɔ sàꞋa atetsɔꞋ, e ghɨ̌ aa nɨ a e Pɔ̂l nɨ chu a lob èsaꞋa. Nê, bɔɔ fɨte awê nê bɔ kɨ atò mbɨ̀Ꞌɨ̀ nèète ghaꞋte mènəè mu bòt e shua ane tò la.

ÀfaꞋa 23:7

Mbɨ̀Ꞌɨ̀ tà bê ndàꞋà èngà̧ waa la, Bèfalèsiì nè Bèsadùsiì e bùꞋ me yɔ̌ a kètsìà wɔb tè ènɔ̧̂ wɔb wu e ghàbtè.

ÀfaꞋa 24:15

Mmɔ̌ mbɔŋ mâ bɔ ntɨ̀ mè me chɨ̀Ꞌɨ̀ wuê mbɨ̀Ꞌɨ̀ bòt baa a si ŋàa la, nê, Mbɔ̧ɔ̧mà naa li yu̧u̧me a waa waa, bòt kàbɔ̀ŋ, nè bòt ntsɔ̧̀.

ÀfaꞋa 24:21

NdàꞋ ànəê yeamɔꞋ e ndi shu la wu nê, bɔ wua ntsìà mpəè taã àfɨ̀Ꞌ yaa nkàà nê mâ bɔ ntɨ̀ nê, Mbɔ̧ɔ̧mà naa li yu̧u̧me bòt bu bɔ pfəꞋte la.”

ÀfaꞋa 28:20

Eyaa wu àghɨa a ghɨ̀ ka e me kɨ eye awɨ̧ la. Bɔ me kuule am ane fȩtsə mbɨ̀Ꞌɨ̀ wɔ̀tèfȩ anè, ngua nkàà wuê ànəa wòt wu bòt Izəèlȩê e bɔ ntɨ̀ ane tò la.”

Filìpȩ 3:5

Bɔ li mbi am, è me wu kwàꞋ ane èli befà̧aã bɔ naŋe am. E ngu wòt Izəèlȩê mâ dzə àndǎ̧ Benjamèn la. E ngu wòt Ebùlù ane èbâ ègème. È wu nè, mànɔŋa mbɨ̧te Bèjuê, ko e ndi ngua ngɨ̀à mènəè mbɨ̀Ꞌɨ̀ Bèfalèsiì.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

Ebùlù 6:19

Ba bɔ ntɨ̀ yaa, è wuê mbɨꞋɨ̀ àlɨ̀Ꞌa èntɨ̧ɨ̧ ya la. Ba lâ nko nê, betsiꞋa àghɨ à ka baãaãtè yùà. Wu ntɨ̀ mbɔŋ nàa ghɨ̌ baa fəèꞋə ndǐ yu bɔ tsoŋa a èbem lob nɨ̧ Mbɔ̧ɔ̧mà a Jèlusalèm a ègwet la, enyi egha tê wu àdziꞋa ntsèm a Mbɔ̧ɔ̧mà la.