ÀfaꞋa 23:20 - Mundani

²⁰ Mbalù̧ yu nê, “Bɔɔjuŋ Bèjuê e laŋkè nê bɔɔ sàꞋa atetsɔꞋ, e ghɨ̌ aa nɨ a e Pɔ̂l nɨ chu a lob èsaꞋa. Nê, bɔɔ fɨte awê nê bɔ kɨ atò mbɨ̀Ꞌɨ̀ nèète ghaꞋte mènəè mu bòt e shua ane tò la.

ÀfaꞋa 23:20 ပူးပေါင်းရင်းမြစ်များ

ÀfaꞋa 22:30

Tǎt banyà̧ wu li ngua nkɨ eko àghɨ yu a chɨɨmè ngɨ̀ ka Bèjuê e me kɨ a Pɔ̂l ebùŋè la. ÈtsəꞋ e tsi, tà ghɨ̀ bɔ yaa a Pɔ̂l, mbɔ̂ ntɔ bèntsìà mèpɨ̧̀ Mbɔ̧ɔ̧mà nè bòt èsaꞋa ko bu bàgème nê bɔ bu̧u̧ta. Tà nɨ a Pɔ̂l ngà ngɨ̀ tà tɨ̧ɨ̧ a mbì lɔb.

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 23:19

Tǎt banyà̧ wu zìambɔŋ baãaã àbu atò, nɨ atò nga a ntsèm, mbììte atò nê, “Wu ka ànəê à kɨ eshu abua am à?”

ÀfaꞋa 23:30

Mâ me ghɨ̀ tê ndzə nê Bèjuê ko aà ntà̧aã atò, ka e nê, tsiꞋ è ntsàa atò abua yê ale. Mâ shu abua bòt bu nkɨà àtsə atò enɨ la nê, bɔ̀ saꞋa atò a mbì lê.

ÀfaꞋa 23:6

AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”