ÀfaꞋa 22:3 - Mundani

³ Nê “E ngu wòt Juê bɔ bi am Tasɔ̀s àbâ àlaꞋ a Sìlisìà la. Mbɔ̂ e ndi ntsə a Jèlusalèm ŋaa mbɨ̀Ꞌɨ̀ wakatè Gàmalìà. Bɔ li nèètè nyɨ̀Ꞌte am ndɨ màa me kùŋe mbɨ̧te bètǎt nyaꞋ ba la. E mè ŋà ènyit yaã abua Mbɔ̧ɔ̧mà wuê mbɨ̀Ꞌɨ̀ bɨ̀agème wàà bɨ tɨ̧ɨ̧ a si ŋàa laane la.

ÀfaꞋa 22:3 ပူးပေါင်းရင်းမြစ်များ

Lûk 10:39

Màta ko nê ye bɔ wanyɨ vi kǒ èlen tò wu Màlià la. Màlià mbɔŋ kɨꞋɨ̀ ntsèke a ngèt èka Yesò me yute mènəè tàa nyɨ̀Ꞌta la.

Lûk 2:46

Èlibȩ è tsè betat, ka bɔ ye atò a èbem lob nɨ̧ Mbɔ̧ɔ̧mà, a kètsìà bènyɨꞋtà Bèjuê tà tsekè me yute a lèmù wɔb mè mbììta awɔb mèngà̧ la.

Lûk 8:35

Ale, bòt e dzəè ngà àbȩ eye àghɨa a ghɨ̀ la. Bɔ kɨꞋɨ nkwene ane Yesò, ndzèa mbê wu fote kàbɔ̀ŋ te dzəa ane tò la tà tseke a mbì Yesò la. Bɔ me ye tà kwaã ndǐ ti, èyì tò e kuà, kèbɔɔ ke baãaã wòt ègème.

ÀfaꞋa 11:25

Bànabasì li nga a Tasɔ̀s, ekɨ a Sɔ̂l.

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 15:41

Pɔ̂l ba e lɔ̀Ꞌ ale, ntsè èlaꞋ Silìà nè Sìlisìà me ghȩ̀ȩ̀na ndɔ̀ktà bèchɔsì bu.

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 21:39

Pɔ̂l bɨ̀ɨ̀lè nê, “E ngu wòt Juê bɔ bi am àpfəèà nɨ̧ yu è wu Tasɔ̀s àbâ àlaꞋ a Sìlisìà la. E ngu waã àpfəèà nɨ̧ àkekweelè àlaꞋ ŋàa. Wɔ̀jûŋ, chɨɨme sà am è ndaꞋa abua bòt baa.”

ÀfaꞋa 23:34

Tà tɔ àkatè yu mbììte a Pɔ̂l àbâ àlaꞋ a tà dzəè ngaa la. ÀfɨꞋa tà zə nê Pɔ̂l è dzəa a Sìlisìà la,

ÀfaꞋa 23:6

AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”

ÀfaꞋa 26:5

Bɔ ko ane àfɨ̀Ꞌ à seè, na bɔ wuê ebɨ̧ɨ̧ne e shu awê la, nê ebùꞋu tê àfɨꞋa mbì, maà ngɨ̀à mènəè mɔ̧ wuê mbɨ̀Ꞌɨ̀ ènɔ̧̂ bòt bu bɔ̀ɔ mbê ndâ ntsàꞋta a Mbɔ̧ɔ̧mà ndɨ mbɨ̧ ta tèa nkɨ̀a la. Bòt baa e shua la wu Bèfalèsiì.

ÀfaꞋa 26:9

“Mmɔ̌ mbɔŋ e ndi nkwàꞋtè nê, mâ wu èghɨ ànəê àgème enɨ etsòkè èlen Yesò wòt Nazàlet.

ÀfaꞋa 5:34

Ka wòt Falèsiì kǒ ane yɔb, èlen tò wû Gàmalìà, tàa nyɨ̀Ꞌta mbɨ̧te Musì, bɔ mè ntaꞋa wua nkùkta atò la, lɔ̀Ꞌɔ a si a kètsìà èsaꞋa wu, ŋȩ nê, bɔ̀ nɨ bɔntu̧ bu nga àbȩ.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

ÀfaꞋa 9:1

Mbɨ̀Ꞌɨ̀ mènəè maa nàa ntsèà la, Sɔ̂l me ghǎ wuê nè mbì nkàà, nkɨ ekɨɨme wuê bɔkatè bu bɔ zì mèntɨ̧ɨ̧ mɔb ane Yesò la. Tà li ngà fɔ̀ɔ̀le abua àtsəa bèntsìà mèpɨ̧̀ Mbɔ̧ɔ̧mà

ÀfaꞋa 9:11

“Lɔ̀Ꞌɔ a si nga a lob Judàs a alu̧ wu bɔ̀ɔ ntɔ nê wu Alu̧ Ndɨŋndɨ̀ŋ la. À gha abot, à bììte wòt kǒ tà dzə àpfəèà nɨ̧ a Tasɔ̀s, èlen tò wu Sɔ̂l, tàa ntsàꞋta Mbɔ̧ɔ̧mà la.

ÀfaꞋa 9:30

ÀfɨꞋa bɔnyɨ bu e zə nê, bɔɔ̀ nkɨ ebùŋe a Sɔ̂l la, bɔ nɨ atò nchu nga a Sìsalìà, ntsàà nê tà me ghǎ a Tasɔ̀s.

Lûm 11:1

Ale, tsiꞋ è mbììte nê: Tè Mbɔ̧ɔ̧mà waꞋa bòt bi? ChaꞋ, ta bakà waꞋa awɔb. Mmɔ̌ mbɔŋ e ngu wòt Izəèlȩê, wòt àndǎ̧ Abàlàghâm, mâ dzəa a ləlob Benjamèn la.

2 Kɔlìn 11:22

Bɨ̀ zə! Bɔ me shu nê bɔ wu bèlèkɔꞋasi bòt Ebùlù, ko e ngu àyaã wekǒ mɨ̧̂, me shu nê bɔ wu bòt Izəèlȩê, ko e ngu àyaã wekǒ mɨ̧̂, mè me shu nê bɔ wu bòt àndǎ̧ Abàlàghâm, ko e ngu àyaã wekǒ mɨ̧̂.

Gàlashìà 1:14

E ndi ngɨ̀ mènəè mbɨ̧te Bèjuê tèa nkɨà la tè ntɨ̧ a mbì nkàŋè taã ko nyaŋ àlaꞋ a ya. E ndi mbê nge màa nkùŋà mènəè bètǎt nyaꞋ ba la.

Gàlashìà 1:21

Àfɨ̀Ꞌ a li ntsèke tè me wu, e nga àbâ Silìà bɔ̂ Sìlisìà.