ÀfaꞋa 22:25 - Mundani

²⁵ Ka àfɨꞋa bɔ gha te nkùùle atò me kɨ eshu̧u̧ la, Pɔ̂l bììte wajûŋ banyà̧ bu abot la nê, “Mbɨ̧tsə te bɨ̧ɨ̧nè nê, bɨ̀ shu̧u̧ wòt Luêm kà lem saꞋa atò eye nê tà ghɨ ànəa kàbɔ̀ŋ?”

ÀfaꞋa 22:25 ပူးပေါင်းရင်းမြစ်များ

Matìù 10:17

Bɨ̀ me ko awɨ̧ ane bɔbȩ na bɔ̀ɔ baãaã awɨ̧ enɨ ghǎ a lobte èsaꞋa, e mě shu̧ awɨ̧ a èbem lobte Mbɔ̧ɔ̧mà tɔb la.

Matìù 27:54

Mbɨ̀Ꞌɨ̀ tǎt bèshujà bu, nè bèshujà bu be li ngu bɔ̂ tò ba mbààba Yesò la, e ye ndɨ sitsǎꞋ nyìꞋnè la, nè àghɨa a ghɨ̀ la, bɔ taꞋa bɔa tè nê, “Ane nkûŋ, mbê waa li ngu Waã Mbɔ̧ɔ̧mà.”

Matìù 8:8

Tǎt bèshujà wu mè shu abua tò nê, “Lefɨ̀Ꞌ, e mbakà kuꞋu ewe àa nyi a lob yaã la. Ka làꞋà wuê èngǎ̧ wè ko wafàꞋ am naa kweele.

ÀfaꞋa 10:1

Wòt kǒ li ngu àpfəè ako bɔ̀ɔ ntɔ nê Sìsalìà la, èlen tò wu Kɔ̀nilìà. Tà wu tǎt bèshujà à Luêm. Bɔ li ngua ntɔ bèshujà tò nê, “Àlaã bèshujà Itàlì.”

ÀfaꞋa 16:37

Ka Pɔ̂l è shu abua bɔkefen bu nê, “Ba li bà ka ghɨ̂ ànəa kàbɔ̀ŋ ako, bɔ bɔ̂ shù̧ù̧ awa a kètsìà ndzɔ̀ŋ bòt, ba bɔ̂ ngu anè ntsìꞋi bòt Luêm mɨ̧̂. Bɔ li màꞋ awa a tèfȩ, ka nè àfɨ̀Ꞌ yaa bɔ wua nkɨ etsàà àwa baa me ghǎ ka bòt e koê. ChaꞋ, bà ka ghǎ àdziꞋ a. Bèkěm Luêm bu e bɔ̂ ndɨ bɔ̀ɔ kɨꞋɨ a si ŋàa bɔ̀ɔmbɔŋ ka etsàà àwa àbȩ la.”

ÀfaꞋa 22:26

Mbɨ̀Ꞌɨ̀ wajûŋ banyà̧ wu è zə èngà̧ waa la, tà gha abua tǎt banyà̧ wu, mbììte atò nê, “Eyaa chɨɨme ngu ghà bɨ ghɨ̀à la à? Mbê waa wu wòt Luêm?”

ÀfaꞋa 23:17

Pɔ̂l wu, tɔ wajûŋ banyà̧ kǒ, shu abua tò nê, “Nɨ wakèsà waa nga abua tǎt banyà̧ wu, tà bɔ ànəê àko tàa nkɨ eshu abua tò la.”

ÀfaꞋa 23:27

Bèjuê e li mbà̧aã a mbê waa me kɨ ebùŋe atò, e ngà ba banyà̧ bɔ̧ faa atò ngu nê mâ zə bɔ nê tà wu wòt Luêm.

ÀfaꞋa 25:16

“Ka e shu abua yɔb nê, aa abua ya bàa bòt Luêm, bɔ̀ɔ ngɨ̀ bɔ̀ laꞋnê wòt è ghɨ ànəa kàbɔ̀ŋ, bà me laꞋ nê baa ngɨ̀à taa tsə àtsɔb, ba ye nê, bɔ̂ bòt bu bɔ shu ànəê yu àtsəa ŋut la e bù̧ù̧te a lob èsaꞋa, tè tà làꞋ èngà̧ enɨ fàà àtsə azi.

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 27:3

ÈtsəꞋ e tsi, ba nyi a Sidɔ̀n. Juliɔ̀s bɔ̌ èntɨ̧ɨ̧ ntsɔ̧̀ ane Pɔ̂l, sa atò nê, tà ghǎ ndzè bèshu̧ bi mbɨ̀Ꞌɨ̀ bɔɔ ŋa atò èghɨ tàa nkɨ̀ŋkà la.

ÀfaꞋa 27:43

Ka wajûŋ bèshujà bu kele awɔb, ndɨ̀ wu tà li tà kà wua nkɨ̀a nê Pɔ̂l pfə la. Tà tsiꞋi shu abua wòt ègème tàa ko eyɔꞋɔ la nê, bɔ̀ kȩ ndebe a èbem mèleb, ndzɔꞋ nga aguŋ,