ÀfaꞋa 22:1 - Mundani

¹ Pɔ̂l nê, “Bètǎt bɔ̧ nè bɔnyɨ bɔ̧, bɨ̀ yute èngǎ̧ am mbɨ̀Ꞌɨ̀ è nkɨ etsǐ ànəê àtsə am a mbì lɨ̧ anè la.”

ÀfaꞋa 22:1 ပူးပေါင်းရင်းမြစ်များ

Lûk 12:11

“AfɨꞋa bòt e səèŋnè àwɨ̧ nɨŋ nkɨ̀Ꞌɨ̂ a lob Mbɔ̧ɔ̧mà, a mbì bɔɔjuŋ bɔ̂ bègɔvanɔ̀ nè bèfɔ̧̀ bɔɔ saꞋa awɨ̧ la, bɨ̀ ka me mɨ̀ɨ̀te ànəa bɨ̀a shu enɨ fà àwɨ̧ la.

Lûk 21:14

Ka bɨ̀ ka me mɨ̀ɨ̀tè àbɨ̀t bɨ̀a li ŋa abua bòt mbɔŋ la àfɨꞋa tsa, nkàà nê,

ÀfaꞋa 13:26

“Bɔnyɨ bɔ̧, bòt àndǎ̧ Abàlàghâm, nè bòt kà wu Bèjuê a si ŋàa bɔ̀ɔ nguꞋta a Mbɔ̧ɔ̧mà la, bɨ̀ zə. Ntu̧ mèmpème kàlìà yaa wu abua ya.

ÀfaꞋa 19:33

Bòt ko e li mbê nkwàꞋtè nê wu Àlèkzandà ka tà ghɨ̌ ànəa mbɔŋ la, ndɨ̀ wu Bèjuê e li ŋweele atò nê tà kɔꞋ ngà ntɨ̧ɨ̧ nè mbì la. Mbɨ̀Ꞌɨ̀ àa ale la, Àlèkzandà è dèb èbu bi nê bòt bu è buŋ ye làꞋà èngǎ̧ nɨŋ fà àtsəa zi.

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 23:6

AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”

ÀfaꞋa 24:10

ÀfɨꞋa mbɔŋ, gɔvanɔ̀ wu mɨ̀Ꞌ àbu nê Pɔ̂l è laꞋa, tà bùꞋ èngà̧ waa me làꞋa nê: “Mâ ko nê à saꞋa bòt àlaꞋ ya ane mèngùꞋ nyaŋ. È wu ale, e ngu ane mèngùꞋte elàꞋa èngà̧ a mbì lê enɨ etsǐ ànəê àtsə am.

ÀfaꞋa 25:16

“Ka e shu abua yɔb nê, aa abua ya bàa bòt Luêm, bɔ̀ɔ ngɨ̀ bɔ̀ laꞋnê wòt è ghɨ ànəa kàbɔ̀ŋ, bà me laꞋ nê baa ngɨ̀à taa tsə àtsɔb, ba ye nê, bɔ̂ bòt bu bɔ shu ànəê yu àtsəa ŋut la e bù̧ù̧te a lob èsaꞋa, tè tà làꞋ èngà̧ enɨ fàà àtsə azi.

ÀfaꞋa 25:8

Ka Pɔ̂l è fàà àvi abua yɔb nê, “E mbakà ghɨ ànəa kàbɔ̀ŋ ako ane mbɨ̧te Bèjuê. È nka ghɨ̀ ànəa kàbɔ̀ŋ ako ane lob nɨ̧ Mbɔ̧ɔ̧mà a Jèlusalèm. È nka fà̧ ànəê abua empelɔ̀ wu a Luêm la.”

ÀfaꞋa 26:24

Mbɨ̀Ꞌɨ̀ Pɔ̂l nàa ntsìà ànəê yu àtsə azi a èlɨ̀ waa la, Festɔ̀s ŋȩ̂ atò nê, “Pɔ̂l, à be. Àkatè yu a ko nyaŋ la aa ghɨ̌ aa be.”

ÀfaꞋa 28:17

Èli e li ntsè betat, Pɔ̂l è tɔ bɔɔjuŋ Bèjuê bu a Luêm la nê, bɔ̀ kɨꞋɨ bɔ̂ tò ba e mua. ÀfɨꞋa bɔ bù̧ù̧tè la, Pɔ̂l è shu abua yɔb nê, “Bɔnyɨ bɔ̧, e ngu wɔ̀tèfȩ bɔ li mbà̧aã am a Jèlusalèm ndzi a tèkitebu bòt Luêm la. Bɔ batè me baã am ale è nka ghɨ̀ ànəê àko ane bòt ba, è nka laꞋa kàbɔ̀ŋ ane ndɨ bɔ̀ɔ ntsèka mbɨ̀Ꞌɨ̀ bètǎt nyaꞋ ba e li sa abua ya la.

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 2:15

Èghɨ bɔ̀ɔ ngɨ̀à la e nyɨꞋtè nê Mbɔ̧ɔ̧mà zi mbɨ̧ mbɔŋ a mèntɨ̧ɨ̧ mɔb, nkàà nê bɔ̀ɔ ngɨ̀ bɔ̀ ghɨ̀ àghɨ mbɨ̀Ꞌɨ̀ mbɨ̧ shu la, mèntɨ̧ɨ̧ mɔb ka feele àwɔb, ka bɔ̀ pààte mbɨ̧, mèntɨ̧ɨ̧ mɔb me fèèlè àwɔb.

1 Kɔlìn 9:3

Eyaa wu àbɨ̀t màa ŋǎ abua bòt bu bɔ̀ɔ mbàŋè am la.

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

Filìpȩ 1:17

Bòt ghòꞋnà bu è ka laꞋà èngǎ̧ Yesò Klistò nè èntɨ̧ɨ̧ kèfə. Bɔɔ mɨ̀ɨ̀tà nê betsiꞋa bɔ kwèꞋne ngoꞋ adù̧ yaã mbɨ̀Ꞌɨ̀ è ngu a tèfȩ anè la.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

2 Tɔ̀màtià 4:16

È li ngua ngò̧ mbì yu bɔ saꞋa am la, wòt kǒ ka kɨꞋɨ etɨ̧ɨ̧ akwene yaã. Waa waa li ndùùlà am. Maà shù̧ù̧ta nê Mbɔ̧ɔ̧mà e lèène ànəa ngaa bɔ li ngɨ̀ la.

1 Pità 3:15

Ka bɨ tsiꞋ mèntɨ̧ɨ̧ mɨ̧ me kweele ane Yesò Klistò, bɨ̀ mě me ŋa kènuke abua tò mbɨ̀Ꞌɨ̀ Tǎt wɨ̧. Bɨ̀ taŋke awɨ̧ ane ndɨ wòt bììte awɨ̧ ànəa ntɨ̀ yu bɨ bɔ ane Yesò la, ka wuê a ka àfɨ̀Ꞌà leꞋ, bɨ̀ ka bu ànəê eshu la. Ka bɨ̀ me làꞋa bɨ nyaꞋà mbɔ̀ɔ̀le awɨ̧ me làꞋa bò̧ bò̧.