ÀfaꞋa 21:40 - Mundani

⁴⁰ Tǎt banyà̧ wu bɨ̧ɨ̧nè nê Pɔ̂l è laꞋa ale, Pɔ̂l tɨ̧ɨ̧ a ègwet ntɨ̀a tu ndèbè èbu bi nê bòt bu è buŋ. AfɨꞋa bɔ bu la, tà bùꞋ me làꞋa abua ayɔb ane ndɨ̧ àlaꞋ a yɔb, bɔ̀ɔ bòt Ebùlù.

ÀfaꞋa 21:40 ပူးပေါင်းရင်းမြစ်များ

Lûk 23:38

Bɔ ghɨ̀ ale, è shɨ èngà̧ ngù̧ù̧te àtsə atò a mbɨ̧̀ àyɨt nê, “Eyaa wu Fɔ̧̀ Bèjuê.”

Jɔ̌n 19:13

Mbɨ̀Ꞌɨ̀ Pȩlèt zə mèngà̧ maa la, tà nɨa Yesò ndzə àbȩ, ntsèke a ègwet àtɨ̧ a saꞋa, àdzìꞋ àko bɔ bɔ̧ɔ̧ ane àti a ko bɔ̀ɔ ntɔ ane ndɨ̧ Ebùlù nê Gabatà la.

Jɔ̌n 19:17

Tà ŋèꞋe mbasa vi ngà àbȩ, adzìꞋ yu bɔ̀ɔ ntɔ nê àdziꞋa àghele àtsə la. Èlen àdziꞋa mbɔŋ ane ndɨ̧ Ebùlù li ngu Golgotà.

Jɔ̌n 19:20

Bèjuê nyaŋ e li ntɔ èngǎ̧ ngaa, nkàà nê, àdziꞋ yu bɔ li ngù̧ù̧te Yesò la, a li ngu a ngèt àpfəèa nɨ̧ a Jèlusalèm. Bɔ li shɨ̀ àghɨa mbɔŋ ane ndɨ̧ Ebùlù, nè è ye bòt Luêm, nè ndɨ̧ bòt Glɨ̂k.

Jɔ̌n 5:2

Àtɨ̀ŋ àko a wu a Jèlusalèm a ngèt ètsəêkaã yu bɔ̀ɔ ntɔ nê ètsələèꞋ njɨ̀tsə la. Èlen àtɨ̀ŋ a ngaa ane ndɨ̧ Ebùlù wu Betzatà, a bɔ ètsəê yetà̧â̧ àa nyià abot la.

ÀfaꞋa 1:19

Bòt bɔ li ngua ntsèke a Jèlusalèm la e li ndzə ànəa ngaa bɔ̀ɔgème, ntsiꞋi me tɔ àdziꞋa ngaa nê “Àkeldamà”, ngua shua ane ndɨ̧ yɔb nê “ÈbaꞋ Àlo̧.”)

ÀfaꞋa 12:17

Tà mɨ̀Ꞌtè àbu azi nê bɔ̀ ka tsi ndàꞋ, mbɔ̂ shu awɔb ndɨ Mbɔ̧ɔ̧mà è ghɨ̂ ka ntsì àvi a tèfȩ la. Mbɔ̂ mè nê, “Bɨ̀ shu a Jimsì bɔ̂ bɔnyɨ ba ko bu nê, mâ dzəè a tèfȩ tu.” Mbɔ̂ ngà adzìꞋa tsa.

ÀfaꞋa 13:16

Pɔ̂l lɔ̀Ꞌɔ a si ndèbtè èbu bi nê bɔ̀ buŋ, mbɔ̂ mbùꞋ me làꞋa. “Bɔnyɨ bɔ̧ bòt Izəèlȩê nè bòt kà wu Bèjuê bɔ̀ɔ ngùꞋta Mbɔ̧ɔ̧mà la, bɨ̀ zə!

ÀfaꞋa 19:33

Bòt ko e li mbê nkwàꞋtè nê wu Àlèkzandà ka tà ghɨ̌ ànəa mbɔŋ la, ndɨ̀ wu Bèjuê e li ŋweele atò nê tà kɔꞋ ngà ntɨ̧ɨ̧ nè mbì la. Mbɨ̀Ꞌɨ̀ àa ale la, Àlèkzandà è dèb èbu bi nê bòt bu è buŋ ye làꞋà èngǎ̧ nɨŋ fà àtsəa zi.

ÀfaꞋa 21:35

Bɔ nɨ a Pɔ̂l, bɔ̀ gha ane ntɨ̀a tu tèa nkɔ̀Ꞌa nga a èbem lob yu la, banyà̧ bu e tsiꞋi ŋeꞋe atò ŋeꞋe nkàà nê, ènɔ̧̂ bòt bu e li ntsòò tê mè me kɨ ebaãaã atò.

ÀfaꞋa 22:2

Bɔ me zə Pɔ̂l me làꞋa abua yɔb ane ndɨ̧ bòt Ebùlù ale, bɔ paa mbuŋ. Tà me nɨ èngǎ̧ vi ngà nè mbì.

ÀfaꞋa 26:14

Bàa ègème e kwene a si. E me zə, àtɔŋ a laꞋa abua am ane ndɨ̧ Ebùlù nê, ‘Sɔ̂l, Sɔ̂l, à ghɨ̀ na ka me kɨ àtsə am enɨ à? À ghɨ̀à wuê awê àwɔ̌ mbɔŋ, ndɨ̀ wu àa ngù̧a awê, mbɨ̀Ꞌɨ̀ mpɔ̀ŋ tàa ŋèꞋa avi ngù̧a ane ayɨ̌t tǎt tò è tɔbtè me nɨa nchuꞋa atò ntsàà nè mbì la.’

ÀfaꞋa 6:1

Àfɨ̀Ꞌ àko a tsè, bɔkatè Yesò e me kwèꞋne, àyɔ̀ŋ a dzə a kètsìà Bèjuê bu bèa ndàꞋà wuê ndɨ̧ Glɨ̂k la, nè Bèjuê bu è wù bèlèkɔꞋasi la. Èbu bèa ndàꞋà wuê ndɨ̧ Glɨ̂k la e me tsoo nê, bɔ̀ɔ ngɨ̀ bɔ̀ me ghàbtè èghɨ àli àgème bɔ̀ ka ŋa be bènempfə bɔb.

Ètsə 16:16

Fo tu te ghɨ̀ ale, fete bèfɔ̧̀ bu àdziꞋa ko bɔɔ ntɔ ane ndɨ̧ Ebùlù nê Àmagedòn la.

Ètsə 9:11

Fɔ̧̀ ènkàfuŋ mbɔŋ li ngu wantu̧ wu tà wu àtsəa èbɨ lu kà ye ndìa la. Èlen tò ane ndɨ̧ Ebùlù wu Abadòn, ane ndɨ̧ Glɨ̂k wu Apoliyɔ̀n.