ÀfaꞋa 21:3 - Mundani

³ Ba ghà tê bà tsiꞋa ndzèa Sȩplùs, ba tsè nè àtsɔꞋɔ ngà nè Silìà, ntɨ̧ a Tȩê ndzə àbȩ, è wu àdziꞋa bɔ̀ le wuê etsǐ èghɨ a èbem ànkànuꞋ yu la.

ÀfaꞋa 21:3 ပူးပေါင်းရင်းမြစ်များ

Matìù 11:21

“Aa li bɨa wɨ̧ bɨ̀a bòt Kolazìn, aa li bɨa wɨ̧ bɨ̀a bòt Bèsedà! Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Tȩê nè Sidɔ̀n, ko bɔ li dzaŋe kwaã epfəə, mè fəèꞋəè muttsə ane yɔb, enɨ nyɨꞋte nê bɔ waꞋa mènəè kàbɔ̀ŋ mɔb.

Matìù 4:24

Àndǎ tò a ghà a èdziꞋ ègème a èbem àlaꞋ və fɔ̀ɔ̀le a èbem Silìà ègème. Bòt e zə ale, nɨ bòt tèwuute èghɔ̧ tègème, nɨŋ nkɨ̀Ꞌɨ̂ abua tò tà bə awɔb. Bòt ènyit saa e li ngu ayɔɔ bòt baa, nè bòt fote kàbɔ̀ŋ, nè èbe èghɔ̧ màkwena, fɔ̀ɔ̀le ne èbe èbâ ènyit bɔb è pfəꞋte la.

Lûk 10:13

“Aa li bɨa wɨ̧ bɨ̀a bòt Kolazìn, aa li bɨa wɨ̧ bɨ̀a bòt Bèsedà! Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Tȩê nè Sidɔ̀n ko bɔ li dzaŋe kwaã epfəə, mè fəèꞋəè muttsə ane yɔb, enɨ nyɨꞋte nê bɔ waꞋa mènəè kàbɔ̀ŋ mɔb.

Lûk 2:2

ÀfɨꞋa bɔ̀ɔ ngɨ̀à kèmpà̧ mbì bɔbȩ wu la, Sisà Àgɔstɔ̀s è yɔ̀Ꞌɔ Kwìlinɔ̀ ane gɔvanɔ̀ bòt Silìà.

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

ÀfaꞋa 12:20

Elɔ̀d li taꞋa tsoo ane bòt Tȩê nè Sidɔ̀n. Ale, bɔ gha ane ènɔ̧̂ nê bɔ gha eye atò. Bɔ me bùꞋu, mbɨ̀ ngɨ̀ Blatùs wu tà wù àtsəa ntɔꞋ la ye nè nɔ̀b, bɔ ghà abua Elɔ̀d nê bɔ̂ tò ba è làŋkè laŋke, nkàà na àlaꞋ ayɔb àa nɨ̀a èghɨjɨ ne abua bòt àlaꞋ a Elɔ̀d la.

ÀfaꞋa 13:4

Mbɨ̀Ꞌɨ̀ Fo Kèfə è tu̧u̧ a Bànabasì bɔ̂ Sɔ̂l la, bɔ chu nga àpfəèà nɨ̧ yu è wu Sèlesìà la. Bɔ gha abot, bɔ nyi a èbem ànkànuꞋ nga àlaꞋ Sȩplùs yu a èbem èdzî la.

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 15:39

Àyɔ̀ŋ kekweelè a lɔ̀Ꞌɔ a kètsìà awɔb adù̧ ànəa mbɔŋ tè bɔ sàbtè. Bànabasì nɨ a Mak bɔ̂ tò e nyi a èbem ànkànuꞋ ngà nè àlaꞋ a Sȩplùs.

ÀfaꞋa 15:41

Pɔ̂l ba e lɔ̀Ꞌ ale, ntsè èlaꞋ Silìà nè Sìlisìà me ghȩ̀ȩ̀na ndɔ̀ktà bèchɔsì bu.

ÀfaꞋa 18:18

Pɔ̂l li ntsèke bɔ̂ bɔnyɨ ba ko bu ane èli nyaŋ a Kɔlìn. Tà lɔ̀Ꞌɔ ebàꞋ və, bɔ̂ Plìsilà nè Àkwilà e nyi a èbem ànkànuꞋ me ghà ne àlaꞋ a Silìà. Me laꞋnê yea ngà ale, ndzì nkà̧ a mbì Mbɔ̧ɔ̧mà a Sènkliyà, tè mù fɔ̀ɔ̀lè àtsə azi.

ÀfaꞋa 21:16

ÀbəꞋa bɔkatè Yesò ko a Sìsalìà və a nɨ awa nga ntsaa a lob wòt kǒ bà le wua nga me tseke a lob tò la. Èlen ŋut li ngu Masɔ̀n, tà bɔ̂ ngu wòt Sȩplùs. Tà li ngu wakatè Yesò e bùꞋù te ane èli mbì bu.

ÀfaꞋa 21:2

Bà nyi abàꞋ və, ba ye taꞋà ànkànuꞋ ako nga nè àlaꞋ a Fònisìà la, ntsìꞋi dzə a èbem aya yu ngà nyi a èbèm me ghǎ.

ÀfaꞋa 21:7

Ba nɨ lèghȩ̀ȩ̀nè wa me ghà ne mbì ndɔꞋɔ a Tȩê nga àpfəè yu è wu Tòlemè la. Bà nyi abàꞋ və, ba tsàꞋtè bɔnyɨ ba mbɔ̂ ndì àli yeamɔꞋ ba tò ba.

ÀfaꞋa 27:4

Ba lɔ̀Ꞌɔ abàꞋ və ale, me ghȩ̀ȩ̀ne ne ngèt àlaꞋ yu a kètsìà èdzî wu bɔ̀ɔ ntɔ̂ nê Sȩplùs la, bàa mbɔ̀a ndɨ̀ wu àfeme àa ntsèà nyaŋ nkɨ̀Ꞌa nè mbì la.

ÀfaꞋa 4:36

Eyaa wu ndɨ Jòsêb wu tà li ngu wòt àndǎ̧ Levì bɔ bi atò àlaꞋ a Sȩplùs la, li ngɨ̀ la. Bɔntu̧ Yesò e li ngua ntɔ atò nê Bànabasì (ngua shua nê, “Wòt tàa ndzìà èntɨ̧ɨ̧ bɔnyɨ bi la”).