ÀfaꞋa 21:27 - Mundani

²⁷ Mbɨ̀Ꞌɨ̀ èli bu besà̧à̧mbe e tsiꞋa nkɨ emì la, Bèjuê ko bɔ dzə àbâ àlaꞋ a Esìà la e ye a Pɔ̂l a èbem lob nɨ̧ Mbɔ̧ɔ̧mà a Jèlusalèm. Bɔ ye atò, ntɔ̀te àtsəa ènɔ̧̂ bòt, a zì èbu ane tò.

ÀfaꞋa 21:27 ပူးပေါင်းရင်းမြစ်များ

Lûk 21:12

“Ka èghɨ ngaa aa li me laꞋ nê aa ngɨ̀à, bɔ baãaã awɨ̧, ngɨ̧̀ɨ̧̀nè àwɨ̧, ntsàà àwɨ̧ a lobte Mbɔ̧ɔ̧mà Bèjuê bɔ saꞋa awɨ̧, màꞋà àwɨ̧ a tèfȩ. Bɔɔ li esəèŋnè àwɨ̧ enɨ kɨꞋɨ a mbì bèfɔ̧̀ nè bɔɔjuŋ àlaꞋ, ambo yaã.

ÀfaꞋa 13:50

Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 14:2

Ka Bèjuê bu bɔ tu̧ ezə èngǎ̧ Mbɔ̧ɔ̧mà la e lute bòt kà wu Bèjuê tè ntsòkè ètsə bɔb bɔ tsiꞋi me pààbe bɔnyɨ ba bu.

ÀfaꞋa 14:5

Bɔ lɔ̀Ꞌɔ àfɨꞋa mbɔŋ, Bèjuê bɔ̂ bɔɔjuŋ ayɔɔ yɔb nè bòt kà wu Bèjuê e làŋkè nê bɔ̀ ghɨ̧̀ɨ̧̀nè bɔntu̧ Yesò bu ntèmte awɔb ane àti.

ÀfaꞋa 16:6

Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 2:9

ÀbəèꞋ àya a dzə a Patìà, Medìà, nè Elàm; èbeko e dzəè a Mèsòpòtamìà, Jùdià, nè Kàpàdosìà; nè èbe be dzə a Pontùs, ndɔ̀Ꞌ nè Esìà,

ÀfaꞋa 20:19

E ndi ngua ngɨ̀à àfàꞋ am mbɨ̀Ꞌɨ̀ wɔ̀fàꞋ Mbɔ̧ɔ̧mà àfɨ̀Ꞌ àko nè mèsi, kà wua ŋèꞋa tèkwȩ taã a ègwet. È ghɨ̀ è wu àfɨ̀Ꞌ àko, Bèjuê ko e taꞋa ŋa ngoꞋ abua am, e mbɔ̂ me ghɨ̌ àfàꞋ yu nga wuê nè mbì.

ÀfaꞋa 24:11

Mbɨ̀Ꞌɨ̀ àwɔ̌ mbɔŋ à ye la, èli e bakà tse èghem ntsɔ̀b bebe mbɨ̀Ꞌɨ̀ e ndi nga a Jèlusalèm nê e nga e wùꞋte a Mbɔ̧ɔ̧mà la.

ÀfaꞋa 24:18

È nga è me ghɨ̌ èghɨ bàa ka bɔ ye am a èbem lob nɨ̧ Mbɔ̧ɔ̧mà a Jèlusalèm. Me ye am ale, e ko nê mâ paa tê ntàŋke èpà̧ wu mâ wua ngɨ̀à enɨ nyɨꞋte nê e ntsiꞋi wòt èntɨ̧ɨ̧ kèfə e mbì Mbɔ̧ɔ̧mà la. Ènɔ̧̂ bòt e li è ka wu abot, ngoꞋ ka mê nguê. Ka Bèjuê ko bɔ dzə àbâ àlaꞋ a Esìà la e bɔ̂ ngu abot.

ÀfaꞋa 26:21

Eyaa wu àghɨ yu a li ngɨ̀ ka Bèjuê e baãaã am a èbem lob nɨ̧ Mbɔ̧ɔ̧mà a Jèlusalèm me kɨ ebùŋè la.

ÀfaꞋa 4:3

Ale, bɔ baãaã awɔb nɨŋ ngà nkȩ̀ tè ètsəꞋ e tsi, nkàà nê àfɨꞋa li ntàꞋa tsě.

ÀfaꞋa 5:18

Bɔ shu ale mbà̧à̧ àwɔb àfɨꞋa ngaa ngà nkȩ̀ adzìꞋa bɔ̀ɔ nkȩ̀à bòt bɔ ghɨ̀ mènəè kàbɔ̀ŋ la.

ÀfaꞋa 6:12

Ale, mèfà̧ mbɔŋ sɔ̀ɔ̀bè mèntɨ̧ɨ̧ banɔ̧̀ bɔ̂ bɔɔjuŋ nè bènyɨꞋtà mbɨ̧te Musì bɔ ghà mbà̧aã a Stifèn nɨa tò nga a mbì bòt lob èsaꞋa.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

2 Kɔlìn 11:26

Ane bèlèghȩ̀ȩ̀nè nyaŋ, e ndɨ ngua ndzea ngoꞋ a èbem mèdzî è lu̧u̧ la, ndzě ngoꞋ abua bètsɔŋ, mè ndzě ngoꞋ a tèkitebu bòt àlaꞋ bɔ̧. Mâ ye ngoꞋ a tèkitebu bòt kà wu Bèjuê, ndzě ngoꞋ a èbem èpfəè nɨ̧, ndzě ngoꞋ a èbem èlaꞋ yuube. Mâ ye ngoꞋ fɔɔle a èbem *mèdzî mè ndzě ngoꞋ a tèkitebu bòt bɔ̀ɔ fɨ̀ta shua nê bɔ wu bòt Yesò Klistò la.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.