ÀfaꞋa 21:26 - Mundani

²⁶ Ale, ètsəꞋ e tsi, Pɔ̂l nɨ bòt bu bakwì la bɔ̂ tò ba e ghà fɔ̀te mbùꞋ ànəa mànshua lèsɔ̀t wu. Mbɔ̂ ndɔ̀Ꞌ nga a èbem lob nɨ̧ Mbɔ̧ɔ̧mà a Jèlusalèm, è shu a ntsìà mèpɨ̧̀ wu abot la àlia èpǎ̧ mbɔŋ àa lìa, bɔɔ ŋa àghɨ àtsəa waa waa ane yɔb enɨ nkɔ̀ŋka a Mbɔ̧ɔ̧mà la.

ÀfaꞋa 21:26 ပူးပေါင်းရင်းမြစ်များ

Jɔ̌n 11:55

Bɔɔ ngɨa àfɨ̀Ꞌ yaa ale, àlia Bèjuê àa njɨ̀a èpǎ̧ Màntsea a ègwet wɔb la, a tsiꞋa nkùꞋà. Ale, bòt nyaŋ e lɔꞋɔ a èdzìꞋ èdzìꞋ nkɔꞋ nga a Jèlusalèm, e shùù ènyit mbɨ̀Ꞌɨ̀ ekùꞋu e mbì Mbɔ̧ɔ̧mà a mànjɨa èpǎ̧ wu.

ÀfaꞋa 21:24

Nɨ bòt baa bɨ tò ba è ghǎ shùù ènyit yɨ̧ mbɨ̀Ꞌɨ̀ ekùꞋu e mbì Mbɔ̧ɔ̧mà. Aa ghǎ, à ŋà èkab wu bɔ̀ɔ tsòke enɨ tsì mèpɨ̧̀ àdziꞋa èpà̧ wu la, bɔ bɔ̂ mù ètsə bɔb. À ghɨ̀ ale, ko waa waa naa ko nê mènəè mu ègème bɔ shua ane yê la wu àfɨte. Ko bɔɔ ko nê àwɔ̀ mbɔŋ aà nkùŋà mbɨ̧te Musì.

ÀfaꞋa 24:18

È nga è me ghɨ̌ èghɨ bàa ka bɔ ye am a èbem lob nɨ̧ Mbɔ̧ɔ̧mà a Jèlusalèm. Me ye am ale, e ko nê mâ paa tê ntàŋke èpà̧ wu mâ wua ngɨ̀à enɨ nyɨꞋte nê e ntsiꞋi wòt èntɨ̧ɨ̧ kèfə e mbì Mbɔ̧ɔ̧mà la. Ènɔ̧̂ bòt e li è ka wu abot, ngoꞋ ka mê nguê. Ka Bèjuê ko bɔ dzə àbâ àlaꞋ a Esìà la e bɔ̂ ngu abot.

1 Kɔlìn 9:20

Màa ngɨ̀ è ngu ba Bèjuê, e tsiꞋi me ntsèke mbɨꞋɨ̀ wòt Juê, màa nkɨà mbɨ̀Ꞌɨ̀ ghɨ̌ bɔɔ zì mèntɨ̧ɨ̧ mɔb ane Yesò la. Màa ngɨ̀ è ngu ba bòt bu mbɨ̧tsə te tsèm àwɔb nê mbɨ̀Ꞌɨ̀ bɔ me ghɨ̌ èghɨ ko la, e tsiꞋi me tseke mbɨꞋɨ̀ wòt mbɨ̧ te mbɔŋ tê tsem atò la, ka mmɔ̌ mbɔŋ è nka wua nɔ̀ŋà mbɨ̧tsə, màa ngɨ̀à ale mbɨ̀Ꞌɨ̀ ghɨ̌ bòt bu bɔ̀ɔ nɔ̀ŋà mbɨ̧tsə la aa zì mèntɨ̧ɨ̧ mɔb ane Yesò Klistò la.