ÀfaꞋa 21:20 - Mundani

²⁰ Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 21:20 ပူးပေါင်းရင်းမြစ်များ

Matìù 9:8

Mbɨ̀Ꞌɨ̀ ènɔ̧̂ bòt bu e ye ale la, kèbɔɔ ke baãaã wɔb, bɔ tsiꞋi me wùꞋte a Mbɔ̧ɔ̧mà wu tà ŋa èwuu àtɔŋ yàa abua wɔ̀bȩ̂ la.

Lûk 12:1

Mbɨ̀Ꞌɨ̀ ènɔ̧̂ bòt e yaãaã tê bòt e tsiꞋa ntɔ̀Ꞌtà beko la, Yesò bɨ̀ shu abua bɔkatè bi nê, “Bɨ̀ me ko awɨ̧ ane yis Bèfalèsiì, è wù àghɨa kà wu yùà la.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Jɔ̌n 12:24

Ane nkûŋ, tsiꞋ è shu awɨ̧ nê bɔ bakà nyɔꞋɔ kèmbèm ntsəè a si tè kea tuu, kèmbèm fu kea fì, ko kea tèꞋà wuê kemɔꞋ. Mbə kè tu kèmbèm fu kè fia ka ke shɨꞋ ndzì tèbèmtsə nyaŋ.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

ÀfaꞋa 15:5

Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

ÀfaꞋa 22:3

Nê “E ngu wòt Juê bɔ bi am Tasɔ̀s àbâ àlaꞋ a Sìlisìà la. Mbɔ̂ e ndi ntsə a Jèlusalèm ŋaa mbɨ̀Ꞌɨ̀ wakatè Gàmalìà. Bɔ li nèètè nyɨ̀Ꞌte am ndɨ màa me kùŋe mbɨ̧te bètǎt nyaꞋ ba la. E mè ŋà ènyit yaã abua Mbɔ̧ɔ̧mà wuê mbɨ̀Ꞌɨ̀ bɨ̀agème wàà bɨ tɨ̧ɨ̧ a si ŋàa laane la.

ÀfaꞋa 4:21

Bòt èsaꞋa bu e shu awɔb nê, bɔ mè ndàꞋ ànəê ane ànəa Yesò, ko aa bɨɨ abà yɔb. Mbɨ̀Ꞌɨ̀ bɔ ŋȩte awɔb ale la, bɔ bɔ̂ sà àwɔb bɔ me ghǎ. Bɔ ghɨ̀ ale, bɔ̀ ka ye èlu̧ bɔ̀ɔ ŋa awɔb ngoꞋ la, ngu ndɨ wu waa waa nàa ngùꞋtà a Mbɔ̧ɔ̧mà ane ànəa a ghɨ̀ la.

ÀfaꞋa 4:4

Ka bòt nyaŋ bɔ zə èngǎ̧ Pità bɔ̂ Jɔ̌n la, e zì mèntɨ̧ɨ̧ mɔb ane Yesò. Bòt bɔ zì mèntɨ̧ɨ̧ mɔb ane Yesò la e li nkwèꞋnè tè bɔ tsiꞋi mbɔ̀ŋè bètɔsì batà̧â̧.

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

Lûm 10:2

BetsiꞋa e ndàꞋa nkûŋ ane ànəa yɔb nê bɔ batè ndâ mbɔ̂ èntɨ̧ɨ̧ a mànkuŋa Mbɔ̧ɔ̧mà, ka bɔ̀ ka ko ntsɔ̧̀ ndɨ bɔ wu me kùŋe atò la.

Gàlashìà 1:14

E ndi ngɨ̀ mènəè mbɨ̧te Bèjuê tèa nkɨà la tè ntɨ̧ a mbì nkàŋè taã ko nyaŋ àlaꞋ a ya. E ndi mbê nge màa nkùŋà mènəè bètǎt nyaꞋ ba la.

Gàlashìà 1:24

Mbɨ̀Ꞌɨ̀ bɔ zə ale la, bɔ wuꞋta Mbɔ̧ɔ̧mà nkàà am.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.