ÀfaꞋa 21:13 - Mundani

¹³ Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

ÀfaꞋa 21:13 ပူးပေါင်းရင်းမြစ်များ

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

ÀfaꞋa 20:37

Bɔ lɔ̀Ꞌ me màꞋà èbu bɔb a tèkwȩte Pɔ̂l, elàꞋne atò, mèsi chu àghɨ a waa waa ane yɔb.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

1 Kɔlìn 15:31

Bɔnyɨ bɔ̧, èvə aa nəèꞋa a tèdzi taã àli àgème. E nkà̧à̧ àyaa ane kèghàꞋtè fu mâ bɔ ane yɨ̧ ndɨ̀ wu bà wu àghɨ yeamɔꞋ nè Yesò Klistò Lefɨ̀Ꞌ wa la.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Filìpȩ 2:26

Èntɨ̧ɨ̧ tò aà ŋweele atò nê, tà kɨꞋɨ mè ndzè àwɨ̧ bɨ̀agème. A li à ka bɔ atò ndɨ̀ wu bɨ li ndzə nê tàà ngò̧ò̧nà la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

2 Tɔ̀màtià 1:4

Màa ngɨ̀ è ku̧u̧te àfɨ̀Ꞌ yu e ndi me sà awê mèsi chu àghɨ ayê la, e me nùa nkɨ eye awê, mbɨ̀Ꞌɨ̀ èntɨ̧ɨ̧ am aa lu̧u̧ nè mèngùꞋte.

2 Tɔ̀màtià 4:6

È me wu am, ko eyaa wu àfɨꞋa màa sǎ ngɔ̀ŋ yaa la. AfɨꞋa bɔ̀ɔ bùŋe am ane ànəa Mbɔ̧ɔ̧mà la a kuêꞋ.

2 Pità 1:14

Maà ngɨ̀à ale ngu nê mâ ko nê è mbele yàŋe epfə sǎ sitsǎꞋ yàa mbɨ̀Ꞌɨ̀ Yesò Klistò Lefɨ̀Ꞌ wa nyɨꞋte am la.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.