ÀfaꞋa 20:7 - Mundani

⁷ È li ngu àlia mbì ane nkàb, ba bu̧u̧tè adzìꞋ yeamɔꞋ ejɨ èghɨjɨ Waã Mbɔ̧ɔ̧mà. Pɔ̂l è làꞋa èngǎ̧ Mbɔ̧ɔ̧mà abua bòt bu tè ngà ngu a èntɨ̧ɨ̧ ètsəꞋ, ndɨ̀ wu tà lè wu saꞋa atetsɔꞋ me ghǎ la.

ÀfaꞋa 20:7 ပူးပေါင်းရင်းမြစ်များ

Ntu̧ Ntsɔ̧̀ MAK 16:9

[Yesò li njù̧ù̧me a ntɔtetsɔ̌Ꞌ ane àlia mbì ane nkàb ale, mbɨ̀ sàꞋa a mbì Màlià Màdàlin wu tà lè lɔꞋ fəè fote kàbɔ̀ŋ tesà̧à̧mbe ane tò la.

Lûk 22:19

Tà mè nɨa bled, ŋà mènkɔ̀ŋke abua Mbɔ̧ɔ̧mà, mbɔ̂ mbòꞋtê ŋa abua bɔntu̧ bi nê, “Eyaa wu mbɨ̧̀ ènyit yaã mâ ŋa abua yɨ̧ la. Bɨ̀ me ghɨa nɨa mɨ̀ɨ̀tè am.”

Lûk 24:35

Bɔ̀ɔ mbɔŋ mɨ̧̂ e shu awɔb àghɨa a yaã ngɨ alu̧ la, mè shu ndɨ bɔ yaã ndȩ a Yesò afɨꞋa tà boꞋte a bled wu la.

Jɔ̌n 20:1

È li ngu àlia mbì ane nkàb, kwàꞋ a ntɔtetsɔ̌Ꞌ, Màlià Màdàlin ghà àtsəasì yu, me ye èti lu a ètsəê la è ka tsi ngu.

Jɔ̌n 20:19

È tseke te me wu àfɨꞋa nyèmtèsi ane àlia mbɔŋ, è wu àlia mbì ane nkàb la, bɔkatè Yesò e wua lob bɔ bù̧ù̧tè ngàbtè mètsələèꞋ ntsèke a èbèm, bɔ̀ɔ mbɔ̀a Bèjuê la. Yesò pùùlà è ntɨ̧ a mbì lɔb nê, “Àlàŋkè à wu ne nɨ̧̀.”

Jɔ̌n 20:26

Nkàb è tem, bɔkatè Yesò bu e mè mbù̧ù̧te a èbem lob, Tɔmasì wu bɔ̂ tò ba mɨ̧̂. Bɔ tseke ale mbɔ̂ ngàbtè mètsələèꞋ, ka Yesò bɔ mpùùla ntɨ̧ a kètsìà yɔb nê, “Àlàŋkè a wu ne nɨ̧̀.”

ÀfaꞋa 16:10

Mbɨ̀Ꞌɨ̀ Pɔ̂l è ye ndzò̧ yu la, ba bê ntàŋkê a mànga a Màsèdonìà, ngu ndɨ̀ wu Mbɔ̧ɔ̧mà è shu awa nê bà gha ntsɔ̀tè Ntu̧ Ntsɔ̧̀ yu abua bòt bu abàꞋ və la. waa bɔ̂ Pɔ̂l ba.

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

ÀfaꞋa 2:46

Bɔ li ngua mbù̧ù̧tà ane ènɔ̧̂ wemɔꞋ a èbem lob nɨ̧ Mbɔ̧ɔ̧mà a Jèlusalèm àli àgème. Bɔ li ngua njɨ̀a èghɨjɨ bɔb adzìꞋ yeamɔꞋ a èpfəè bɔb, nè èntɨ̧ɨ̧ kèfə mè ngùꞋtà wɔb.

ÀfaꞋa 20:11

Pɔ̂l ghɨ̀ ale, tà mè nkɔꞋ nga àtsəalob yu, mbòꞋa bled nkwet bɔ̂ bòt Yesò bu. Tà ghɨ̀ ale, tà me làꞋà bɔ̂ tò ba tè nyèm saꞋ tà me ghǎ.

ÀfaꞋa 20:31

È wu ale, bɨ̀ me ko awɨ̧ ntsɔ̧̀ mèa nkù̧ù̧ta na e nde laꞋa èngǎ̧ Mbɔ̧ɔ̧mà abua waa waa ane yɨ̧, ètsəꞋ nè nèngû̧ ane èngùꞋ yetat nè mèsi àghɨ am la.

ÀfaꞋa 20:5

Bòt baa e li ngà nè mbì, nchɨ̀Ꞌɨ̀ awa a Tloas.

ÀfaꞋa 20:9

Wakèsà kǒ èlen tò wu Yutikùs la ko nê ye wu adù̧ wundù ye tseke la. Mbɨ̀Ꞌɨ̀ Pɔ̂l nàa ndàꞋà la, kèlɔ ke me baãaã wakèsà wu ngà wuê nè mbì. AdzìꞋ me wù̧ù̧ne, tà lì tê ntsɔ̀Ꞌɔ̂, ndɔꞋɔ ane ntɨ̀a tetat a ègwet lob yaa ndèb a si. Bɔ me laꞋ nê bɔɔ ŋèꞋe atò, tà pfə tê ndɔ̀Ꞌ.

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

1 Kɔlìn 10:16

Tè ba me nu ndɔŋ èlɔ̂t yu bàa nkɔ̀ŋka Mbɔ̧ɔ̧mà adù̧ la, à ka wu nê baa nua àlo̧ a Waã Mbɔ̧ɔ̧mà à? Bàa mě bà me kwela bled wu bàa mbòꞋta la, à ka wu nê baa kwela mbɨ̧̀ ènyit waã Mbɔ̧ɔ̧mà à?

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 16:2

Waa waa ane yɨ̧ ye nê ye fete èkab ye bɔ la ane àlia mbì ane nkàb ègème nɔ̀ŋè me chɨ̀Ꞌɨ, mbɨ̀Ꞌɨ̀ è nkɨꞋɨ, bɨ̀ ka tsi fete èghɨ.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Ètsə 1:10

Mbɨ̀Ꞌɨ̀ è ngu abot ane Àliapfəèa Mbɔ̧ɔ̧mà ako la, Fo Mbɔ̧ɔ̧mà e kɨꞋɨ ane yaã, e ndzə àtɔŋ ko akwèn yaã ndàꞋà mbɨ̀Ꞌɨ̀ èsɔndɨk.