ÀfaꞋa 20:4 - Mundani

⁴ Sopatà, waã Pȩlùs wu è wu wòt Belìà la, li ngà bɔ̂ tò. Bɔ li ngà mɨ̧̂ nè Àlistakùs bɔ̂ Sèkundùs bɔ dzə a Tèsàlonikà la, nè Gayɔ̀s wu tà dzə a Debì la, nè Tȩ̀kɨkùs bɔ̂ Tɨ̀lòfimùs wu bɔ dzəâ àbâ àlaꞋ a Esìà la, nè Tɔ̀màtià.

ÀfaꞋa 20:4 ပူးပေါင်းရင်းမြစ်များ

ÀfaꞋa 14:20

Ka àfɨꞋa bòt Yesò e bu̧u̧te a mbɨ̧̀ tò ntsàꞋte a Mbɔ̧ɔ̧mà la, tà bê ndɔ̀Ꞌ a si, ngwènè a pfəè və. ÈtsəꞋ e sàꞋà ntsi, bɔ̂ Bànabasì e ghà àwɔb a Debì.

ÀfaꞋa 14:6

Bɔntu̧ bu e me ghɨ̀ tê ndzə ànəa ngaa ndùùlà ngà àwɔb àlaꞋ a Lȩ̀konià a èbem èpfəè bu è wu Lislà nè Debì là, fɔ̀ɔ̀le a èdzìꞋ bu a ngèt èpfəè nɨ̧ ngaa la.

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 16:6

Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 17:1

Pɔ̂l bɔ̂ Sȩlàs e ghɨ̀ ale, me ghȩ̀ȩ̀na ngà nè mbì, ntsè èpfəè nɨ̧ bu è wu Àmfipolìs bɔ̂ Àpòlonià la, ngà nyi a Tèsàlonikà, è wu àdziꞋa lob Bèjuê àa ntsàꞋta Mbɔ̧ɔ̧mà la, nàa abot la.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 19:29

Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la.

ÀfaꞋa 2:9

ÀbəèꞋ àya a dzə a Patìà, Medìà, nè Elàm; èbeko e dzəè a Mèsòpòtamìà, Jùdià, nè Kàpàdosìà; nè èbe be dzə a Pontùs, ndɔ̀Ꞌ nè Esìà,

ÀfaꞋa 20:16

Pɔ̂l li taŋke tsè a ngèt Efesɔ̀s mbɨ̀Ꞌɨ̀ ye tsòke àfɨ̀Ꞌ àbâ àlaꞋ a Esìà. Tà li ngua ntèmna enyi a Jèlusalèm ka àlia èghɨjɨ Pentekɔ̀s aa kùꞋu.

ÀfaꞋa 20:18

ÀfɨꞋa bɔ kɨꞋɨ la, tà shu abua yɔb nê, “Bɨ ko ndɨ e ndi ntàꞋa tseke ba nɨ̧̀ ba mè ntàꞋa ghɨ̀ mènəè ebùꞋu ane àlia mbì am àbâ àlaꞋ a Esìà la.

ÀfaꞋa 21:29

(Bɔɔ ndàꞋa ale, ngu ndɨ̀ wu bɔ li mbɨ̀ ndze a Tɨ̀lòfimùs wu tà dzə a Efesɔ̀s la ngȩ̀ȩ̀nà àpfəèà nɨ̧ və bɔ̂ Pɔ̂l la. Bɔ li ntanda nê Pɔ̂l è nɨ atò nyi a èbem lob nɨ̧ Mbɔ̧ɔ̧mà yu a Jèlusalèm la.)

ÀfaꞋa 27:2

Ba li ndzè taꞋà ànkànuꞋ ako a Àdàmitùm, bɔ taŋke tê a tsiꞋa nkɨ me ghǎ a èpfəè bu a ngèt èdzî, àbâ àlaꞋ a Esìà la, nyi a èbèm me ghǎ. Wòt àlaꞋ a Màsèdonìà kǒ, èlen tò wu Àlistakùs tà dzəè àpfəèa Tèsàlonikà la, li ngu ba tò ba.

Lûm 16:21

Tɔ̀màtià wu baa tò àa fàꞋà nɔ̂ la nàà ntsàꞋtà awɨ̧, bɔ̂ Lusiɔ̀s nè Jasɔ̀n mè nè Sòsipatà, è wu bòt àlaꞋ bɔ̧ la.

Lûm 16:23

Gayɔ̀s wu màa ntsèka a lob tò la nè bòt chɔsì bàgème bɔ̀ɔ mbù̧ù̧tà a lob tò la aà ntsàꞋtà àwɨ̧. Èlastùs wu tà wu wòt tàa mpàŋa èkab àpfəèà nɨ̧ yaa la bɔ̂ wanyɨ wa Kwatùs aà ntsàꞋtà àwɨ̧. [

2 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà è ghɨ ane mènkɔ̀ŋke mi la, nè wanyɨ waa Tɔ̀màtià, Abua chɔsì Mbɔ̧ɔ̧mà wu a Kɔlìn la, bɔ̂ bòt Mbɔ̧ɔ̧mà ko bu bàgème a Akayà la.

2 Kɔlìn 1:19

Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.

Efesɔ̀s 6:21

Tȩ̀kɨkùs, wanyɨ wa wu ba taꞋa wua nkɔ̀ŋkà tò, tà mè ngu ngule wɔ̀fàꞋ Tè Yesò Klistò la naa shu awɨ̧ ànəê am àgème, mbɨ̀Ꞌɨ̀ bɨa ko ndɨ màa la e mě ko àghɨ màa ngɨ̀à la.

Filìpȩ 2:19

Yesò Lefɨ̀Ꞌ bɨ̧̀ɨ̧̀na mbɨ̀Ꞌɨ̀ màa mɨ̀ɨ̀tà la, ko maa tsàa a Tɔ̀màtià kwàla taa kɨꞋɨ eye awɨ̧ mbɨ̀Ꞌɨ̀ tà kua tà shu am ndɨ bɨ̀a la, èntɨ̧ɨ̧ am e me bɔ̌.

Kɔ̀losìà 4:10

Àlistakùs wu ba tò è wu a tèfȩ nɔ̂ la nàà ntsàꞋtà wɨ̧. Mak wu tà wù waã wanyɨ Bànabasì la nàà ntsàꞋtà wɨ̧ mɨ̧̂. Bɨ ko nê mâ yaŋe shua wɨ̧ ndɨ bɨ yea Mak bɨ ghɨ̀ la. Ale, taa kɨꞋɨ bɨ sèe atò.

Kɔ̀losìà 4:7

Tȩ̀kɨkùs, wanyɨ wa wu ba taꞋa wua nkɔ̀ŋkà tò la naa shua wɨ̧ ànəê am àgème. Tà wu ngule wɔ̀fàꞋ ba tò ba àa fɔ̀ta faꞋa abua Tè Yesò la.

1 Tɔ̀màtià 1:1

Letà Pɔ̂l wantu̧ Yesò Klistò ane mengɨ̌ Mbɔ̧ɔ̧mà Mpemnà wa bɔ̂ Yesò Klistò wu ntɨ̀ ya wu ane tò la,

2 Tɔ̀màtià 1:2

Abua Tɔ̀màtià waã èkɔŋ am. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa nê bɔ̀ me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

2 Tɔ̀màtià 4:12

È wu a Tȩ̀kɨkùs, ko e ndi ntu̧ atò a Efesɔ̀s.

2 Tɔ̀màtià 4:20

Èlastùs li ntèꞋà a Kɔlìn, e saame a Tɨ̀lòfimùs a Miletùs ngu nê tà li ngua ngò̧ò̧nà.

Tȩtɔ̀s 3:12

Maa tsàa wòt kǒ ane Àtemàs bɔ̂ Tȩ̀kɨkùs abua yê. Ŋut naa kɨꞋɨ tà kwene ane yê, à nyɔ̀Ꞌtè nkɨ̀Ꞌɨ̂ nkwène ane yaã a Nìkopolìs, nkàà nê mâ taŋke etseke abàꞋ və ane àfɨꞋa àbɨ̂ŋ yaa.

Fȩlemùn 1:24

Mak bɔ̂ Àlistakùs nè Demàs, nè Luêk wu ba tò ba àa fàꞋà nɔ̂ la e tsaꞋtè mɨ̧̂.

3 Jɔ̌n 1:1

Letà Wajûŋ ayɔɔ bòt Yesò, Abua Gayɔ̀s wu màa nkɔ̀ŋkà nkàà nkûŋ yu ane ànəa Mbɔ̧ɔ̧mà la.