ÀfaꞋa 20:35 - Mundani

³⁵ Mâ nyɨꞋtè àwɨ̧ ane balu̧ bàgème ndɨ ba bɔ̂ ndɨ bàa me fàꞋà nyaŋ mbɨ̀Ꞌɨ̀ me tɨŋe bòt kà ye ayɔb la, nkwàꞋte ànəa Yesò Lefɨ̀Ꞌ zìambɔŋ li shuê la, nê, ‘MèngùꞋte naa ne màŋa tè ntse a mànɨa.’ ”

ÀfaꞋa 20:35 ပူးပေါင်းရင်းမြစ်များ

Matìù 10:8

Bɨ̀ bə bòt èghɔ̧, njù̧ù̧me bòt bɔ pfəꞋte la, ngɨ̀ bòt èghɔ̧atsɔꞋɔ è pem, mè fəè fote kàbɔ̀ŋ ane bòt. Bɨ li mbɔ̀ ka yu̧, è wu ale, bɨ̀ mè ŋa abua bòt kà bɔ yu̧ mɨ̧̂.

ÀfaꞋa 20:20

Bɨ ko nê, ngule ànəê àko betsiꞋa a tɨŋe awɨ̧ e ndi è ka laꞋa abua yɨ̧ àsà̧aã èwen nè lob tɨ̧ la, a ntsě.

ÀfaꞋa 20:27

Ngu nê ànəa ako Mbɔ̧ɔ̧mà nàa nkwaꞋta eghɨ̀ kâ e shu awɨ̧ la a ntsě.

ÀfaꞋa 20:34

Bɨ̀ambɔŋ e ko nê mâ nɨ èbu bɔ̧ baa nɨŋ fàꞋ njû̧ àghɨ àgème ba bòt bɔ̧ bàgème è le wua nkɨ̀ŋkà la.

ÀfaꞋa 20:36

AfɨꞋa Pɔ̂l e paa èngǎ̧ vi la, tà tèm tènjûŋ ti a si bɔ̂ tò ba bàgème e tsaꞋte a Mbɔ̧ɔ̧mà.

Lûm 15:1

Bàa wu bàa nkwèèla ane mèntɨ̧ɨ̧ ma mu bàa zi ane Yesò la, bàà me tɨŋe bɔnyɨ ba ane èdziꞋi bɔ̀ɔ njùa adù̧ la. Bàà ka me ghɨ̀ wuê àghɨa àa mbɔ̀ àwa la.

1 Kɔlìn 9:12

Tè bòt ko e wu me shu nê wu àdziꞋa yɨ̧ a màŋa wɔb èghɨ, è me wu awa bɨ̀ ka ŋa abua ya tê ntsè? Ka ba bakà ghɨ mbɨꞋɨ̀ ba wuê ghɨ̀ la, baa nɨa àghɨ àgème mbɨ̀Ꞌɨ̀ àa la, mbɨ̀Ꞌɨ̀ ka baa ghɨ̀ àghɨa àa kele bòt nê bɔ̀ ka mbɨ̧̀ɨ̧̀ne Ntu̧ Ntsɔ̧̀ Yesò Klistò la.

2 Kɔlìn 11:12

Maa me ghɨ̀ àghɨa màa ngɨa àfɨ̀Ꞌ yaa la nɨa ngà nè mbì mbɨ̀Ꞌɨ̀ bòt bu bɔ̀ɔ ngà̧aã shua nê awɔb tsàà Mbɔ̧ɔ̧mà la è ka tsi eye èlu̧ bɔ̀ɔ me ghàꞋte àwɔb shua nê bɔɔ fàꞋà wuê mbɨ̀Ꞌɨ̀ mmɔ̌ la a.

2 Kɔlìn 11:9

E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 12:13

Àghɨ yu e ndi ngɨ abua bèchɔsì ko kà ghɨ abua yɨ̧ la wu ghàà? Wu wuê ndàꞋ àghɨ yeamɔꞋ e ndi è nka ghɨ abua yɨ̧ la. Àghɨa mbɔŋ wu nê e ndi è nka shu nê bɨ̀ me ŋa èghɨ abua am. Bɨ̀ waꞋa kàbɔ̀ŋ am.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

1 Tèsàlonikà 4:11

Waa waa ane yɨ̧ nyɔꞋta me nyaꞋa ntsèke avi bò̧ bò̧, tà ka me ŋeꞋe avi nchɨ̧̀a a èbem mènəè bòt tsa. Bɨ̀ me nɨ èbu bɨ̧ fàꞋà nkɨà ètsəèjɨ wɨ̧ mbɨꞋɨ̀ ba li ndzaŋe shu awɨ̧ la.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

Ebùlù 13:3

Bɨ̀ me ku̧u̧te bòt bu bɔ̀ wu a tèfȩ la, mbɨ̀Ꞌɨ̀ bɨ wu a fȩ bɨ tò ba, mè nkù̧ù̧ta bòt bu bɔ̀ɔ ngɨ̧̀ɨ̧̀nà wɔb la nkàà nê wu ànəa betsiꞋa a ye awɨ̧ la mɨ̧̂.

3 Jɔ̌n 1:7

Ko nê, bòt baa e li me gha a lèghȩ̀ȩ̀nè wɔb ane ànəa Yesò Klistò ale, bɔ̀ ka bɨ̧ɨ̧nè enɨ àghɨa ko a dzəâ abua bòt kà wu bòt Yesò la.