ÀfaꞋa 20:24 - Mundani

²⁴ A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

ÀfaꞋa 20:24 ပူးပေါင်းရင်းမြစ်များ

Lûk 16:28

na ma bɔ bɔnyɨ bɔ̧ batà̧â̧ la, nkɨ̀ɨ̀te awɔb mbɨ̀Ꞌɨ̀ wòt wɔb kɨꞋɨ̀ àdziꞋa ngoꞋ yàa.’

Jɔ̌n 15:27

Bɨ̀a mbɔŋ e bɔ ndɨ bɨ̀a laꞋa ànəa bɨ ko ane yaã la, nkàà nê bɨ li ngu ba nɨ̧̀ ba kwàꞋ àfɨ̀Ꞌ yu e ndi mbùꞋ me nyɨꞋte mènəè maa la.

Jɔ̌n 17:4

Mâ ghɨ̂ bòt e ye ènɨ̧ wê a sitsǎꞋ, na mâ paa àfàꞋ yu à li ŋa nê è ngɨa la.

ÀfaꞋa 1:17

Tà li ngu wòt kǒ ayɔɔ aya, ngu ndɨ Yesò li ndȩ atò nê ba tò ba è me ghɨ̌ àfaꞋa Mbɔ̧ɔ̧mà nɔ̂ la.”

ÀfaꞋa 11:23

Tà ghà abàꞋ və ndze ndɨ Mbɔ̧ɔ̧mà è nyɨꞋte a ntsɔ̧̀ vi ane bòt ngaa la, ànəa mbɔŋ a bɔ̀ atò, tà kààtè àwɔb nê bɔ̀ zì àtsə me kùŋè wuê a Yesò nkûŋ nkûŋ ngà nè mbì kà lɨŋke kwèn.

ÀfaꞋa 13:25

Jɔ̌n li tà tsiꞋa nkɨ epaa àfàꞋ àzi, tà bììte bòt bu nê, ‘Bɨ mɨɨtè nê è ngu wà à? E ntsě wòt wu bɨ chɨ̀Ꞌà la. ChaꞋ, e ntsě tòà. E mbakà lem nkùꞋ wòt tàa ko etsǐ gùbtsə a èka tò la.’

ÀfaꞋa 14:3

Bɔntu̧ Yesò bu e bɔ̂ ngɨ̀ ale ntsèkê abàꞋ və ane àfɨ̀Ꞌ à seè, me làꞋà ka bɔ̌, shua bòt bu ndɨ Mbɔ̧ɔ̧mà nàa nkɔ̀ŋkà àwɔb la. Mbɔ̧ɔ̧mà li mè ŋà àwɔb mètàŋ bɔ me nɨa ngɨ̀à tèwuute ènəê kà ye fɨ̀Ꞌ nɨa nyɨ̀Ꞌta mètàŋ tò mè ngɨ̀à ngɨŋa mènəè nɨa nyɨ̀Ꞌta nê ànəa bɔ làꞋà la wu nkûŋ.

ÀfaꞋa 15:7

Bɔ bù̧ù̧te a si ale, ndaꞋ ane àfɨ̀Ꞌ à seè, ka àtsə à ka wuê. Pità tseke tè ndɔ̀Ꞌ a si nê, “Bɔnyɨ bɔ̧, bɨ ko nê è li ngu te àfɨ̀Ꞌ àko Mbɔ̧ɔ̧mà e lȩ̀ am a kètsìà wɨ̧ nê è ntsɔ̀te Ntu̧ Ntsɔ̧̀ abua bòt kà wu Bèjuê mbɨ̀Ꞌɨ̀ bɔɔ zə e zì mèntɨ̧ɨ̧ mɔb ane Yesò.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 20:23

Mâ ko wuê nê, Fo Kèfə nàà shu am a èbem àpfəèà nɨ̧ àgème mâ tsè la nê è nko na lob tèfȩ nè ngoꞋtsə tèa nchɨ̀Ꞌà am la.

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

ÀfaꞋa 21:13

Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Lûm 11:6

È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.

Lûm 4:4

Wòt fàꞋà àfàꞋ, bɔ ŋa èkab abua tò, è kà wu àghɨa àku bɔ ŋa abua tò la, è wu èkab àfàꞋ yu tà fàꞋà la.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

2 Kɔlìn 4:12

Ale, èvə aa ntsèka nəèꞋa abà àya àfɨ̀Ꞌ àgème, è me wu ayɨ̧, è wu mèmpème kàlìà.

2 Kɔlìn 5:8

Ale, baa ngùꞋtà wa mè ndâ nko nê, aà mbɔ̀ nê bà sǎ mbɨ̧te ènyit ta tàa ngà ngu nè Tǎt wa Yesò Klistò àdziꞋa tà wù la.

2 Kɔlìn 7:4

Mâ bɔ èntɨ̧ɨ̧ ane yɨ̧. Maà ndâ ngàꞋta am ambo yɨ̧. Bɨa ndzìà èntɨ̧ɨ̧ am, e mè ndâ me wùꞋtè am ka wuê a èbem ngoꞋ tu tègème bàa ndzea la.

Gàlashìà 1:1

Letà Pɔ̂l wantu̧ Yesò ane mèngɨ̌ Yesò Klistò bɔ̂ Tǎt wa Mbɔ̧ɔ̧mà wu Yesò lè pfə tà yù̧ù̧me atò la. È li è kà ghɨ̂ wɔ̀bȩ̂ tà kà mê ntsè ane wɔ̀bȩ̂ ka nguê wantu̧.

Efesɔ̀s 1:6

Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 3:13

Mâ shu̧u̧te awɨ̧ nê bɨ̀ ka mbɨ̧̀ɨ̧̀ne ntɨ̀ yɨ̧ yu ane Mbɔ̧ɔ̧mà nkàà nê e ndzea ngoꞋ ya ambo yɨ̧. Àbȩ̀ a ngoꞋ ya gha jɨ bɨ̀a.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Filìpȩ 2:30

nkàà nê tà li ndaa epfə ane àghɨa tà li ngua ngɨ̀à ane yaã ane èlen Yesò Klistò la. Tà li ngua ngɨ̀à ale mbɨ̀Ꞌɨ̀ eŋa am ètɨŋe wu bɨ̀ambɔŋ e li ngu eŋa ka bɨ̀ ka wu a si ŋaa la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

1 Tèsàlonikà 3:3

Ba li ngua ngɨ̀à ale mbɨ̀Ꞌɨ̀ ngoꞋ tu bòt e ghɨ̂ bɨ ye la te ghɨ̀ wòt kǒ ane yɨ̧ tsì èntɨ̧ɨ̧ vi ane Yesò. Bɨ̀a mbɔŋ bɨ ko nê èwuu ngoꞋ tàa wu àbəꞋa èghɨ e bɔ ndɨ àa ye awa bàa bòt Mbɔ̧ɔ̧mà la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 3:11

À ko ndɨ bɔ li ngua nkɨà àtsə am enɨ ane ànəa Yesò la, nè ngoꞋ e ndi ndzě a Antìɔ̀k, nè Ikoniòm, bɔ̂ Lislà la. Bɔ li ntaꞋa nyɔ̀Ꞌte a mànɨa àtsəa am, ka Tǎt wa ghɨ̀ e mpeme èvə ane mènəè ngaa ègème.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.

Tȩtɔ̀s 1:3

Àfɨ̀Ꞌ a li nkùꞋ, Mbɔ̧ɔ̧mà ghɨ̀ bɔ tsɔ̀tè èngǎ̧ tò, ngɨ̀ bòt e ko àghɨ yu tà li nkàꞋ la. Wu Mbɔ̧ɔ̧mà, Mpemnà wa tà li ndzì ntu̧ yaa a tèkitebu taã nê è me tsɔ̀tè la.

Tȩtɔ̀s 2:11

Bòt è ghɨ̌ a èlɨ̀ waa nkàà nê Mbɔ̧ɔ̧mà è nèètè nyɨ̀Ꞌte a ntsɔ̧̀ vi abua waa waa mbɨ̀Ꞌɨ̀ baa peme.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ètsə 6:11

Bɔ mè ŋǎ èmà̧ kèfə abua wòt ègème ane yɔb. Bɔ ŋa ale mbɔ̂ shu abua yɔb nê bɔ̀ mě ntsèke ane àfɨ̀Ꞌ àko, tè kèmpà̧ bɔnyɨ bɔb bu bɔ̀ wu bɔfàꞋ Mbɔ̧ɔ̧mà mɨ̧̂ la ghɨa nkùꞋ. Eyaa wu bòt bɔ li mbɔ ndɨ bɔ̀ɔ bùŋe mbɨ̀Ꞌɨ̀ bɔ li mbùŋè èbaa nè bòt la.