ÀfaꞋa 20:17 - Mundani

¹⁷ Pɔ̂l li ntsèke a Miletùs, ntsɔ̀tè ntu̧ a Efesɔ̀s nê bɔɔjuŋ bu a chɔsì la è kɨꞋɨ ndzè àvi.

ÀfaꞋa 20:17 ပူးပေါင်းရင်းမြစ်များ

ÀfaꞋa 11:30

Bɔ chùbtè èghɨ mbɔŋ ale, ntsaa Bànabasì bɔ̂ Sɔ̂l, nê bɔ̀ gha ŋǎ abua bɔɔjuŋ ayɔɔ bòt Yesò bu bɔ̀ ghabta.

ÀfaꞋa 14:23

AdzìꞋ àgème bɔ ghà la, bɔ yɔꞋɔ bɔɔjuŋ àtsəa bòt chɔsì bu. Bɔ ghɨ̀ ale, bɔ tsaꞋte a Mbɔ̧ɔ̧mà kà jɨ èghɨjɨ mbɔ̂ ndzì bòt mbɔŋ a tèkitebu Yesò wu bɔ zì mèntɨ̧ɨ̧ mɔb ane tò la.

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 15:4

Bɔ ghà tê bɔ̀ nyi a Jèlusalèm, bòt chɔsì, nè bɔntu̧ tò, nè bɔɔjuŋ ayɔɔ bòt Yesò bu e sèè àwɔb. Bɔ bɔ̂ shu awɔb àghɨ àgème Mbɔ̧ɔ̧mà li ngɨ̀ bɔ ghɨ̀ la.

ÀfaꞋa 15:6

Bɔɔjuŋ ayɔɔ bòt Yesò nè bɔntu̧ tò bu e bù̧ù̧te a si mbɨ̀Ꞌɨ̀ ebaãaãte èngǎ̧ mbɔŋ.

ÀfaꞋa 16:4

Mbɨ̀Ꞌɨ̀ bɔ̂ tò àà ntsea a èpfəè nɨ̧ ngà la, bɔ me shu bòt Yesò bu mbɨ̧ tu bɔntu̧ nè bɔɔjuŋ ayɔɔ bòt tò e li ntsìte a Jèlusalèm la, mbɔ̂ nê bɔ̀ me nɔ̀ŋe mbɨ̧te ngaa ntsɔ̧̀.

ÀfaꞋa 18:19

Bɔ̀ ghà tê bɔ̀ nyi a Efesɔ̀s, è wû àpfəè yu tàa lɔ̀Ꞌɔ ntɔ a Plìsilà bɔ̂ Àkwilà abot la, tà ntsè nga a lob Mbɔ̧ɔ̧mà Bèjuê me kàànè bɔ̂ tò ba.

ÀfaꞋa 20:15

NdɔꞋɔ abàꞋ və, ètsəꞋ e mè tsi, ba tse àlaꞋ a Chɨɔ̀s. ÈtsəꞋ e mè me tsi, ba nyi àlaꞋ a Samɔ̀s, è me wu ane àli akwèn ba bɔ̂ nyi Miletùs.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

1 Tɔ̀màtià 5:17

Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

Tȩtɔ̀s 1:5

E ndi sà awê a Klît nê à taŋke mènəè mu è li mbèle kà ba taŋkè la, mè ngà a èpfəè nɨ̧ ègème, ndzì bɔɔjuŋ àtsəa bòt Yesò mbɨ̀Ꞌɨ̀ e ndi shu awê la.

Jimsì 5:14

Wòt wu ane yɨ̧ tàa ngò̧ò̧nà la, tà tɔ bɔɔjuŋ a chɔsì bɔ kɨꞋɨ̀ ntsàꞋta Mbɔ̧ɔ̧mà àtsəa tò, bɔ̀ me tsàꞋtè ale, bɔ me zì mèwet ane tò ane èlen Yesò Klistò.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

2 Jɔ̌n 1:1

Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.

3 Jɔ̌n 1:1

Letà Wajûŋ ayɔɔ bòt Yesò, Abua Gayɔ̀s wu màa nkɔ̀ŋkà nkàà nkûŋ yu ane ànəa Mbɔ̧ɔ̧mà la.