ÀfaꞋa 2:9 - Mundani

⁹ ÀbəèꞋ àya a dzə a Patìà, Medìà, nè Elàm; èbeko e dzəè a Mèsòpòtamìà, Jùdià, nè Kàpàdosìà; nè èbe be dzə a Pontùs, ndɔ̀Ꞌ nè Esìà,

ÀfaꞋa 2:9 ပူးပေါင်းရင်းမြစ်များ

ÀfaꞋa 16:6

Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 18:2

Tà ghà ale, tà kwene ane wòt Juê kǒ èlen tò wu Àkwilà, bɔ bɔ̂ mbì atò àbâ àlaꞋ a Pontùs la, tà bela nkɨ̀Ꞌa kɨꞋɨ nè àlaꞋ a Itàlì bɔ̂ vi vi Plìsilà la. Tàa nkɨ̀Ꞌa ale, ngu ndɨ̀ wu Klɔdìàs wu, è wu empelɔ̀ la è laꞋ nê Bèjuê bàgème è sa Luêm me ghǎ la. Ale, Pɔ̂l gha eye awɔb,

ÀfaꞋa 19:10

Bɔ li ngɨ̀ àyaa ane èngùꞋebȩ yebe, tè Bèjuê bɔ̂ bòt Glɨ̂k bàgème bɔ̀ɔ ntsèka àbâ àlaꞋ a Esìà la e zə mènəè Yesò.

ÀfaꞋa 19:27

Ànəa e mbɔà la wu nê, bòt aa tsiꞋi me ye àfàꞋ yaa yàa ane èghɨ kàbɔ̀ŋ. È ndem ntsě wuê ndàꞋ ale. Àyea ko wu nê, lob taꞋà nàmbəa wu èlen tò wu Àtemìs la, naa tsiꞋi àghɨ aku, tè ènɨ̧ tò wu waa waa a Esìà nè ngɔ̀ŋ yaa nàa ngùꞋtà la, aa chu a si.”

ÀfaꞋa 19:31

Bèshu̧ tò ko è wû bɔɔjuŋ àbâ àlaꞋ və la e tsɔ̀tè fɔ̀ɔ̀le ntu̧, shù̧ù̧te atò nê, tà ka mbê nga adzìꞋa ngaa yu bòt àa mbù̧ù̧tà la.

ÀfaꞋa 2:8

Bɔ chɨɨmè ngɨ̀ na ka ntsìꞋa ndàꞋà ndɨ̧te èlaꞋ ta à?

ÀfaꞋa 20:16

Pɔ̂l li taŋke tsè a ngèt Efesɔ̀s mbɨ̀Ꞌɨ̀ ye tsòke àfɨ̀Ꞌ àbâ àlaꞋ a Esìà. Tà li ngua ntèmna enyi a Jèlusalèm ka àlia èghɨjɨ Pentekɔ̀s aa kùꞋu.

ÀfaꞋa 20:18

ÀfɨꞋa bɔ kɨꞋɨ la, tà shu abua yɔb nê, “Bɨ ko ndɨ e ndi ntàꞋa tseke ba nɨ̧̀ ba mè ntàꞋa ghɨ̀ mènəè ebùꞋu ane àlia mbì am àbâ àlaꞋ a Esìà la.

ÀfaꞋa 20:4

Sopatà, waã Pȩlùs wu è wu wòt Belìà la, li ngà bɔ̂ tò. Bɔ li ngà mɨ̧̂ nè Àlistakùs bɔ̂ Sèkundùs bɔ dzə a Tèsàlonikà la, nè Gayɔ̀s wu tà dzə a Debì la, nè Tȩ̀kɨkùs bɔ̂ Tɨ̀lòfimùs wu bɔ dzəâ àbâ àlaꞋ a Esìà la, nè Tɔ̀màtià.

ÀfaꞋa 21:27

Mbɨ̀Ꞌɨ̀ èli bu besà̧à̧mbe e tsiꞋa nkɨ emì la, Bèjuê ko bɔ dzə àbâ àlaꞋ a Esìà la e ye a Pɔ̂l a èbem lob nɨ̧ Mbɔ̧ɔ̧mà a Jèlusalèm. Bɔ ye atò, ntɔ̀te àtsəa ènɔ̧̂ bòt, a zì èbu ane tò.

ÀfaꞋa 24:18

È nga è me ghɨ̌ èghɨ bàa ka bɔ ye am a èbem lob nɨ̧ Mbɔ̧ɔ̧mà a Jèlusalèm. Me ye am ale, e ko nê mâ paa tê ntàŋke èpà̧ wu mâ wua ngɨ̀à enɨ nyɨꞋte nê e ntsiꞋi wòt èntɨ̧ɨ̧ kèfə e mbì Mbɔ̧ɔ̧mà la. Ènɔ̧̂ bòt e li è ka wu abot, ngoꞋ ka mê nguê. Ka Bèjuê ko bɔ dzə àbâ àlaꞋ a Esìà la e bɔ̂ ngu abot.

ÀfaꞋa 27:2

Ba li ndzè taꞋà ànkànuꞋ ako a Àdàmitùm, bɔ taŋke tê a tsiꞋa nkɨ me ghǎ a èpfəè bu a ngèt èdzî, àbâ àlaꞋ a Esìà la, nyi a èbèm me ghǎ. Wòt àlaꞋ a Màsèdonìà kǒ, èlen tò wu Àlistakùs tà dzəè àpfəèa Tèsàlonikà la, li ngu ba tò ba.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 16:5

Bɨ̀ tsàꞋte bòt chɔsì bu bɔ̀ɔ mbù̧ù̧ta a lob yɔb la mɨ̧̂. Bɨ̀ tsàꞋtè ngule shu̧ yaã Èpanetùs. Wu wòt mbì tà li ndzì èntɨ̧ɨ̧ vi ane Yesò Klistò àlaꞋ a Esìà la.

1 Kɔlìn 16:19

Bèchɔsì bu a Esìà la aa ntsàꞋtà wɨ̧. Àkwilà bɔ̂ Plìsilà nè ènɔ̧̂ bòt Mbɔ̧ɔ̧mà bu bɔ̀ɔ mbu̧u̧ta a lob yɔb la aa ntsàꞋtà wɨ̧ nè èkɔŋ bòt Mbɔ̧ɔ̧mà.

2 Kɔlìn 1:8

Bɔnyɨ ba, baa nkɨà bɨa ko ndɨ ba li ndzě ngoꞋ àbâ àlaꞋ a Esìà la. Ba li ndzě ngoꞋ è ghɔ̀ɔ̀ àwa tè ba tsiꞋa mɨ̀ɨ̀tà nê ba lem.

2 Tɔ̀màtià 1:15

À ko nê, bòt bàgème àbâ àlaꞋ a Esìà, fɔ̀ɔ̀le ne Fìgelùs nè Emogìn, e waꞋa am.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.