ÀfaꞋa 2:40 - Mundani

⁴⁰ Pità làꞋà mènəè nyaŋ nɨŋ shù̧ù̧te awɔb, mè səèŋkè ètû̧ bɔb nê, bɔ̀ kubte ane mènəè kàbɔ̀ŋ mɔb mbɨ̀Ꞌɨ̀ ngoꞋ yaa nga ekwene a ègwet bòt kàbɔ̀ŋ la, è kwene a ègwet lɔb mɨ̧̂.

ÀfaꞋa 2:40 ပူးပေါင်းရင်းမြစ်များ

Matìù 12:34

Bɨ̀a àndǎ̧ nyaãtekàbɔ̀ŋ! BetsiꞋa bɨ ko ndàꞋà ntsɔ̧̀ na nè ndɨ bɨ̀ wu bòt kàbɔ̀ŋ la à? Ètsəê wòt aà ndàꞋà wuê àghɨa àa èbem èntɨ̧ɨ̧ tò la.

Matìù 16:4

Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨà nkɨà nê è nyɨꞋte awɨ̧ àlȩê ka bɨ̀ ka wu eye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.” Tà ghɨ̀ ale, sà àwɔb me ghǎ.

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Matìù 23:33

“Bɨ̀a nyà̧tekàbɔ̀ŋ, nè bɔ̧ nyà̧tekàbɔ̀ŋ! Bɨ̀a ghɨ̀ na te lùùla te bɔɔ bakà maꞋa wɨ̧ a èbem èwet Satàn à?

Ntu̧ Ntsɔ̧̀ MAK 8:38

Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Lûk 16:28

na ma bɔ bɔnyɨ bɔ̧ batà̧â̧ la, nkɨ̀ɨ̀te awɔb mbɨ̀Ꞌɨ̀ wòt wɔb kɨꞋɨ̀ àdziꞋa ngoꞋ yàa.’

Lûk 21:36

Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”

Jɔ̌n 21:25

Mbɔ̂ èghɨ ko tsa e taꞋa wu Yesò li ngɨ̀ la. Mâ ye nê bɔ li ngɨ̀ ale shɨ bùà ègème, ko betsiꞋa ngɔ̀ŋ yaa kà bɔ àdziꞋa nàa nɔ̀ŋè èkatè ngaa la.

ÀfaꞋa 10:42

Tà li shu abua ya nê, bà gha ntsɔ̀tè Ntu̧ Ntsɔ̧̀ Mbɔ̧ɔ̧mà abua bòt bàgème, me shu abua yɔb nê ye wu wòt wu Mbɔ̧ɔ̧mà è laa nê taa li esaꞋa bòt yu̧ nè bèmpfəà la.

ÀfaꞋa 15:32

Judàs bɔ̂ Sȩlàs wu bɔ̀ le wu bèndàꞋàtɔŋ Mbɔ̧ɔ̧mà bɔ̀ɔ mbɔŋ la e li ntàꞋa làꞋà mèngǎ̧ nɨŋ nkààtè bɔnyɨ ba bu.

ÀfaꞋa 20:11

Pɔ̂l ghɨ̀ ale, tà mè nkɔꞋ nga àtsəalob yu, mbòꞋa bled nkwet bɔ̂ bòt Yesò bu. Tà ghɨ̀ ale, tà me làꞋà bɔ̂ tò ba tè nyèm saꞋ tà me ghǎ.

ÀfaꞋa 20:2

Tà me ghǎ, tà tsè èdziꞋ ko nyaŋ ndàꞋà mèngǎ̧ nɨŋ ndɔ̀ktè bòt Yesò. Ndɔ̀Ꞌ a edziꞋi mbɔŋ nga a àlaꞋ a Glɨ̂k,

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

ÀfaꞋa 20:9

Wakèsà kǒ èlen tò wu Yutikùs la ko nê ye wu adù̧ wundù ye tseke la. Mbɨ̀Ꞌɨ̀ Pɔ̂l nàa ndàꞋà la, kèlɔ ke me baãaã wakèsà wu ngà wuê nè mbì. AdzìꞋ me wù̧ù̧ne, tà lì tê ntsɔ̀Ꞌɔ̂, ndɔꞋɔ ane ntɨ̀a tetat a ègwet lob yaa ndèb a si. Bɔ me laꞋ nê bɔɔ ŋèꞋe atò, tà pfə tê ndɔ̀Ꞌ.

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

ÀfaꞋa 4:36

Eyaa wu ndɨ Jòsêb wu tà li ngu wòt àndǎ̧ Levì bɔ bi atò àlaꞋ a Sȩplùs la, li ngɨ̀ la. Bɔntu̧ Yesò e li ngua ntɔ atò nê Bànabasì (ngua shua nê, “Wòt tàa ndzìà èntɨ̧ɨ̧ bɔnyɨ bi la”).

2 Kɔlìn 5:20

Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!

2 Kɔlìn 6:17

“Ale Lefɨ̀Ꞌ laꞋnê, bɨ dzə ayɔɔ yɔb me tsèke tsa ane yɔb, bɨ̀ ka mbà̧à̧te àghɨa àa tsòkè àwɨ̧ la ko maa nɨ awɨ̧,

Gàlashìà 5:3

TsiꞋ e mèe shu abua wòt ègème tà bɨ̧ɨ̧nè bɔ naŋe tò la nê, ŋut bɔ ndɨ tàa me nɔ̀ŋe àghɨ àgème mbɨ̧te Musì te shu la.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

1 Tèsàlonikà 2:11

Bɨ ko nê, ba li ngua mbà̧aã waa waa ane yɨ̧ wuê mbɨ̀Ꞌɨ̀ tǎt nàa mbà̧aã bɔ̧ bi la.

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.