ÀfaꞋa 2:32 - Mundani

³² Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

ÀfaꞋa 2:32 ပူးပေါင်းရင်းမြစ်များ

Jɔ̌n 15:27

Bɨ̀a mbɔŋ e bɔ ndɨ bɨ̀a laꞋa ànəa bɨ ko ane yaã la, nkàà nê bɨ li ngu ba nɨ̧̀ ba kwàꞋ àfɨ̀Ꞌ yu e ndi mbùꞋ me nyɨꞋte mènəè maa la.

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

ÀfaꞋa 13:30

Ka Mbɔ̧ɔ̧mà è yù̧ù̧me atò,

ÀfaꞋa 13:33

Tà ghɨ̀ abua ya bàa bɔ̧ bɔb a mànju̧u̧me a Yesò mbɨ̀Ꞌɨ̀ bɔ shɨ a èbem Àkata Mèkù̧ la: ‘À wu Waã am; Mâ tsiꞋi Tǎt wè laane.’

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

ÀfaꞋa 2:24

Ka Mbɔ̧ɔ̧mà li ngɨ̀ tà yù̧ù̧me. Mbɔ̧ɔ̧mà li mè ngɨ̀ ngoꞋte kekweelè tu tà li ndze ka mpfə la, te sa atò nkàà nê èvə e li è ka wu ko ebaãaã atò ekuule adzìꞋ yu bòt àa mpfəèa ngà la.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

ÀfaꞋa 3:26

È wu ale, bɨ̀ ko nê, bɨ wu bòt mbì Mbɔ̧ɔ̧mà li ndȩ̀ Waã vi ntsaa abua yɨ̧ la. Tà li ntsaa atò nê tà ghɨa bɨ̀ sà mènəè kàbɔ̀ŋ mɨ̧ mbɨ̀Ꞌɨ̀ yea lɔ̀ɔ̀lè àwɨ̧.”

ÀfaꞋa 4:10

Ka, bɨ bòt Izəèlȩê bàgème è ko nê, wu ane èlen Yesò Klistò wòt Nazàlet ka tà ghɨ̂ mbê waa kwèèlê ntsɔ̧̀ tè ntɨ̧ɨ̧ a mbì lɨ̧ anè la. Wu tòà wu bɨ li ngù̧ù̧te atò a mbɨ̧̀ mbasa tà pfə, ka Mbɔ̧ɔ̧mà yù̧ù̧me atò la.

ÀfaꞋa 4:33

Bɔntu̧ Yesò bu e li ngua ndaꞋa ane mètàŋ nê, bɔ ye mè nko nê Yesò Lefɨ̀Ꞌ è yu̧u̧mè. Mbɔ̧ɔ̧mà mè ndzì ngule èlɔ̂t vi adù̧ yɔb.

ÀfaꞋa 5:30

Bɨ li ngù̧ù̧te a Yesò a mbɨ̧̀ mbasa mbùŋe atò, ka Mbɔ̧ɔ̧mà bètǎt ba yu̧u̧mè atò.

1 Kɔlìn 15:15

A wu ale ko aa nyɨꞋte mɨ̧̂ nê, ba wua ndàꞋà mèfà̧ ane ànəa Mbɔ̧ɔ̧mà, shua nê Tǎt wa Mbɔ̧ɔ̧mà li njù̧ù̧me a Yesò Klistò, kà tà ghɨ̀, na a wu nkûŋ nê wòt nàa mpfəa tà kà tsi njù̧ù̧mê la.

1 Kɔlìn 6:14

Mbɔ̧ɔ̧mà li njù̧ù̧me a Yesò, mè ngu nɨ mètàŋ mi e yu̧u̧me awa mɨ̧̂.

2 Kɔlìn 4:14

Ba ko nê Mbɔ̧ɔ̧mà wu tà li njù̧ù̧me a Yesò Lefɨ̀Ꞌ la naa ŋeꞋe awa wuê mbɨ̀Ꞌɨ̀ tà li ŋèꞋe a Yesò la, fɔɔle awɨ̧ enɨ kɨꞋɨ a mbì li.

Gàlashìà 1:1

Letà Pɔ̂l wantu̧ Yesò ane mèngɨ̌ Yesò Klistò bɔ̂ Tǎt wa Mbɔ̧ɔ̧mà wu Yesò lè pfə tà yù̧ù̧me atò la. È li è kà ghɨ̂ wɔ̀bȩ̂ tà kà mê ntsè ane wɔ̀bȩ̂ ka nguê wantu̧.

Efesɔ̀s 1:20

njù̧ù̧me a Yesò Klistò àfɨꞋa tà li mpfə la, ngɨ̀ tà tseke àbâ àbualu̧ a zi a ègwet la.

Kɔ̀losìà 2:12

Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.